Mga Salmo 130

1 Awit sa pagtungas. Didto sa kinahiladman naghilak ako kanimo, Yahweh.

[A Song of Ascents.] Out of the depths I have cried to you, LORD.

2 Ginoo, dungga ang akong tingog, paminawa ang akong mga paghangyo sa kaluoy.

LORD, hear my voice. Let your ears be attentive to the voice of my petitions.

3 Kung ikaw Yahweh magtimaan sa kalapasan, Ginoo, kinsa man ang makabarog?

If you, LORD, kept a record of sins, LORD, who could stand?

4 Apan adunay kapasayloan diha kanimo, aron nga ikaw pagatahuron.

But there is forgiveness with you, so that you may be revered.

5 Nagpaabot ako kang Yahweh, nagpaabot ang akong kalag, ug naglaom ako sa iyang mga pulong.

I wait for the LORD. My soul waits. I hope in his word.

6 Ang akong kalag nagpaabot sa Ginoo labaw pa sa magbalantay nga nagpaabot sa kabuntagon.

My soul longs for the LORD more than watchmen long for the morning; more than watchmen for the morning.

7 Israel, laomi si Yahweh. Maluluy-on si Yahweh, ug andam gayod siya nga mopasaylo.

Israel, hope in the LORD, for with the LORD there is loving kindness. With him is abundant redemption.

8 Siya ang maglukat sa Israel gikan sa tanan niyang mga sala.

He will redeem Israel from all their sins.