Mga Salmo 130

1 Awit sa pagtungas. Didto sa kinahiladman naghilak ako kanimo, Yahweh.

A Song of degrees. Out of the depths do I call upon thee, Jehovah.

2 Ginoo, dungga ang akong tingog, paminawa ang akong mga paghangyo sa kaluoy.

Lord, hear my voice; let thine ears be attentive to the voice of my supplication.

3 Kung ikaw Yahweh magtimaan sa kalapasan, Ginoo, kinsa man ang makabarog?

If thou, Jah, shouldest mark iniquities, Lord, who shall stand?

4 Apan adunay kapasayloan diha kanimo, aron nga ikaw pagatahuron.

But there is forgiveness with thee, that thou mayest be feared.

5 Nagpaabot ako kang Yahweh, nagpaabot ang akong kalag, ug naglaom ako sa iyang mga pulong.

I wait for Jehovah; my soul doth wait, and in his word do I hope.

6 Ang akong kalag nagpaabot sa Ginoo labaw pa sa magbalantay nga nagpaabot sa kabuntagon.

My soul [waiteth] for the Lord more than the watchers [wait] for the morning, [more than] the watchers for the morning.

7 Israel, laomi si Yahweh. Maluluy-on si Yahweh, ug andam gayod siya nga mopasaylo.

Let Israel hope in Jehovah, because with Jehovah there is loving-kindness, and with him is plenteous redemption;

8 Siya ang maglukat sa Israel gikan sa tanan niyang mga sala.

And he will redeem Israel from all his iniquities.