Mga Salmo 129

1 Awit sa pagtungas. “Sukad pa sa akong pagkabatan-on kanunay silang nagsulong kanako,” tugoti nga mosulti ang Israel.

שיר המעלות רבת צררוני מנעורי-- יאמר-נא ישראל

2 “Sukad pa sa akong pagkabatan-on kanunay silang nagsulong kanako, apan wala pa gayod (sila) makabuntog kanako.

רבת צררוני מנעורי גם לא-יכלו לי

3 Ang magdadaro nagdaro sa akong likod; gipalaloman nila ang agi sa daro.

על-גבי חרשו חרשים האריכו למענותם (למעניתם)

4 Matarong si Yahweh; putlon niya ang mga pisi sa mga daotan.

יהוה צדיק קצץ עבות רשעים

5 Hinaot nga maulawan silang tanan ug mangatras, kadtong nagdumot sa Zion.

יבשו ויסגו אחור-- כל שנאי ציון

6 Hinaot nga mahisama (sila) sa sagbot nga anaa sa ibabaw sa balay nga mangalaya sa dili pa kini motag-as,

יהיו כחציר גגות-- שקדמת שלף יבש

7 nga dili na magpuno sa kamot sa magtitigom o sa dughan sa tawo nga magbugkos niini.

שלא מלא כפו קוצר וחצנו מעמר

8 Hinaot nga kadtong moagi dili moingon, “Hinaot nga ang panalangin ni Yahweh maanaa kanimo; panalanginan ka namo sa ngalan ni Yahweh.”

ולא אמרו העברים-- ברכת-יהוה אליכם ברכנו אתכם בשם יהוה