Mga Salmo 129

1 Awit sa pagtungas. “Sukad pa sa akong pagkabatan-on kanunay silang nagsulong kanako,” tugoti nga mosulti ang Israel.

A Song of degrees. Many a time have they afflicted me from my youth — oh let Israel say —

2 “Sukad pa sa akong pagkabatan-on kanunay silang nagsulong kanako, apan wala pa gayod (sila) makabuntog kanako.

Many a time have they afflicted me from my youth; yet they have not prevailed against me.

3 Ang magdadaro nagdaro sa akong likod; gipalaloman nila ang agi sa daro.

The ploughers ploughed upon my back; they made long their furrows.

4 Matarong si Yahweh; putlon niya ang mga pisi sa mga daotan.

Jehovah is righteous: he hath cut asunder the cords of the wicked.

5 Hinaot nga maulawan silang tanan ug mangatras, kadtong nagdumot sa Zion.

Let them be ashamed and turned backward, all that hate Zion;

6 Hinaot nga mahisama (sila) sa sagbot nga anaa sa ibabaw sa balay nga mangalaya sa dili pa kini motag-as,

Let them be as the grass upon the house-tops, which withereth before it is plucked up,

7 nga dili na magpuno sa kamot sa magtitigom o sa dughan sa tawo nga magbugkos niini.

Wherewith the mower filleth not his hand, nor he that bindeth sheaves his bosom;

8 Hinaot nga kadtong moagi dili moingon, “Hinaot nga ang panalangin ni Yahweh maanaa kanimo; panalanginan ka namo sa ngalan ni Yahweh.”

Neither do the passers-by say, The blessing of Jehovah be upon you; we bless you in the name of Jehovah!