Mga Salmo 124

1 “Kung wala pa modapig si Yahweh kanato,” tugoti ang Israelita nga mosulti karon,

שיר המעלות לדוד לולי יהוה שהיה לנו-- יאמר-נא ישראל

2 “kung wala pa modapig si Yahweh kanato sa dihang ang atong mga kaaway mitungha batok kanato,

לולי יהוה שהיה לנו-- בקום עלינו אדם

3 gilamoy na unta kita nila nga buhi sa dihang misilaob ang ilang kaligutgot kanato.

אזי חיים בלעונו-- בחרות אפם בנו

4 Gibanlas na unta kita sa tubig; nalapawan na unta kita sa baha.

אזי המים שטפונו-- נחלה עבר על-נפשנו

5 Nalumos na unta kita sa sulog nga tubig.”

אזי עבר על-נפשנו-- המים הזידונים

6 Dalaygon si Yahweh, nga wala mitugot nga wataswatason kita pinaagi sa ilang mga ngipon.

ברוך יהוה-- שלא נתננו טרף לשניהם

7 Sama kita sa mga langgam nga nakaikyas sa lit-ag sa mga mangangayam; ang lit-ag naguba, ug kita nakaikyas.

נפשנו-- כצפור נמלטה מפח יוקשים הפח נשבר ואנחנו נמלטנו

8 Ang atong panabang anaa kang Yahweh, nga maoy nagbuhat sa langit ug kalibotan.

עזרנו בשם יהוה-- עשה שמים וארץ