Mga Salmo 121

1 Iyahat ko ang akong mga mata sa kabukiran. Asa man maggikan ang akong panabang?

I will lift up my eyes to the mountains. From where shall my help come?

2 Ang akong panabang naggikan kang Yahweh, nga maoy nagbuhat sa langit ug kalibotan.

My help is from Jehovah, who made heaven and earth.

3 Dili niya itugot nga madalin-as ang imong mga tiil; siya nga nagpanalipod kanimo dili magduka.

He will not allow thy foot to be moved. He who keeps thee will not slumber.

4 Tan-awa, ang magbalantay sa Israel dili magduka ni matulog.

Behold, he who keeps Israel will neither slumber nor sleep.

5 Si Yahweh ang imong magbalantay; si Yahweh ang landong sa imong tuong kamot.

Jehovah is thy keeper. Jehovah is thy shade upon thy right hand.

6 Ang adlaw dili makapasakit kanimo sa panahon sa adlaw, ni ang bulan panahon sa kagabhion.

The sun shall not smite thee by day, nor the moon by night.

7 Si Yahweh ang manalipod kanimo sa tanan nga kasakitan, ug panalipdan niya ang imong kinabuhi.

Jehovah will keep thee from all evil. He will keep thy soul.

8 Si Yahweh ang manalipod kanimo sa tanan nimong buhaton sukad karon ug hangtod sa kahangtoran.

Jehovah will keep thy going out and thy coming in from this time forth and for evermore.