Mga Salmo 120

1 Sa akong pag-antos gitawag ko si Yahweh, ug iya akong gitubag.

Sa akong kalisdanan mitu-aw ako kang Jehova, Ug iyang gitubag ako.

2 Luwasa ang akong kinabuhi, O Yahweh, gikan niadtong namakak uban sa ilang mga ngabil ug naglimbong gamit ang ilang mga dila.

Luwasa ang akong kalag, Oh Jehova, gikan sa mga ngabil nga bakakon, Ug gikan sa dila nga malimbongon

3 Unsaon man kamo niya pagsilot, ug unsa pa gayod ang iyang buhaton kaninyo, kamong adunay bakakon nga mga dila?

Unsa ba ang igahatag kanimo, ug unsa ba ang dugang nga pagabuhaton kanimo, Ikaw dila nga malimbongon?

4 Silotan kamo niya inubanan sa pana sa manggugubat nga gipahait pinaagi sa nagbagang oling.

Mga mahait nga udyong sa gamhanan, Nga adunay mga baga sa enebro.

5 Pagkaalaot ko tungod kay nagpuyo ako sa makadiyot sa Mesec; nagpuyo ako kaniadto taliwala sa tolda sa Kedar.

Alaut ako, nga milangyaw ako sa Mesech, Nga nagapuyo ako sa mga balong-balong sa Kedar!

6 Kay sa dugay nga panahon nagpuyo ako uban niadtong nagdumot sa kalinaw.

Dugay na nga nagpuyo ang akong kalag Uban kaniya nga nagadumot sa pakigdait.

7 Ako alang sa kalinaw, apan sa dihang magsulti ako, (sila) alang sa gubat.

Ako uyon sa pakigdait: Apan kong ako mosulti, (sila) alang sa pakiggubat.