Mga Salmo 118
1 Pasalamati si Yahweh, tungod kay siya maayo, kay ang iyang matinud-anon nga kasabotan molungtad sa kahangtoran.
| הודו ליהוה כי-טוב כי לעולם חסדו |
2 Tugoti nga moingon ang Israel, “Ang iyang matinud-anon nga kasabotan molungtad sa kahangtoran.”
| יאמר-נא ישראל כי לעולם חסדו |
3 Tugoti ang panimalay ni Aaron nga mosulti, “Ang iyang matinud-anon nga kasabotan molungtad sa kahangtoran.”
| יאמרו-נא בית-אהרן כי לעולם חסדו |
4 Tugoti ang maunongon nga mga sumusunod ni Yahweh mosulti, “Ang iyang matinud-anon nga kasabotan molungtad sa kahangtoran.”
| יאמרו-נא יראי יהוה כי לעולם חסדו |
5 Sa akong pag-antos mitawag ako kang Yahweh; gitubag ako ni Yahweh ug gihimo niya akong gawasnon.
| מן-המצר קראתי יה ענני במרחב יה |
6 Uban kanako si Yahweh; dili ako mahadlok; unsa may mabuhat sa tawo kanako?
| יהוה לי לא אירא מה-יעשה לי אדם |
7 Anaa si Yahweh sa akong kiliran isip akong magtatabang; maglantaw ako sa kadaogan batok niadtong nagdumot kanako.
| יהוה לי בעזרי ואני אראה בשנאי |
8 Mas maayo pa nga modangop kang Yahweh kaysa mosalig sa tawo.
| טוב לחסות ביהוה-- מבטח באדם |
9 Mas maayo pa nga modangop kang Yahweh kaysa ibutang ang pagsalig sa mga prinsipe.
| טוב לחסות ביהוה-- מבטח בנדיבים |
10 Ang tanang kanasoran nagpalibot kanako; sa ngalan ni Yahweh gipamutol ko (sila)
| כל-גוים סבבוני בשם יהוה כי אמילם |
11 Gilibotan ako nila; oo, gilibotan ako nila; sa ngalan ni Yahweh gipamutol ko (sila)
| סבוני גם-סבבוני בשם יהוה כי אמילם |
12 Gilibotan ako nila sama sa mga buyog; nangawala (sila) sama kapaspas sa kalayo diha sa mga tunok; sa ngalan ni Yahweh gipamutol ko (sila)
| סבוני כדבורים-- דעכו כאש קוצים בשם יהוה כי אמילם |
13 Mihasmag (sila) kanako aron tumbahon ako, apan gitabangan ako ni Yahweh.
| דחה דחיתני לנפל ויהוה עזרני |
14 Si Yahweh ang akong kusog ug kalipay, ug siya ang nagluwas kanako.
| עזי וזמרת יה ויהי-לי לישועה |
15 Ang malipayong panaghugyaw sa kadaogan madunggan sa mga tolda sa matarong; ang tuong kamot ni Yahweh nagmadaugon.
| קול רנה וישועה--באהלי צדיקים ימין יהוה עשה חיל |
16 Ang tuong kamot ni Yahweh gibayaw; ang tuong kamot ni Yahweh nagmadaugon.
| ימין יהוה רוממה ימין יהוה עשה חיל |
17 Dili ako mamatay apan mabuhi ug ipahayag ang mga buhat ni Yahweh.
| לא-אמות כי-אחיה ואספר מעשי יה |
18 Apan hilabihan ang pagsilot kanako ni Yahweh; apan wala niya ako itugyan sa kamatayon.
| יסר יסרני יה ולמות לא נתנני |
19 Ablihi alang kanako ang ganghaan sa pagkamatarong; mosulod ako kanila ug magpasalamat ako kang Yahweh.
| פתחו-לי שערי-צדק אבא-בם אודה יה |
20 Mao kini ang ganghaan ni Yahweh; ang matarong makasulod pinaagi niini.
| זה-השער ליהוה צדיקים יבאו בו |
21 Pasalamatan ko ikaw, tungod kay imo akong gitubag, ug ikaw ang nahimo kong kaluwasan.
| אודך כי עניתני ותהי-לי לישועה |
22 Ang bato nga gisalikway sa mga magtutukod nahimo nang patukoranan.
| אבן מאסו הבונים-- היתה לראש פנה |
23 Buhat kini ni Yahweh; katingalahan kini sa atong mga mata.
| מאת יהוה היתה זאת היא נפלאת בעינינו |
24 Mao kini ang adlaw nga namuhat si Yahweh; magmaya ug maglipay kita niini.
| זה-היום עשה יהוה נגילה ונשמחה בו |
25 Palihog, Yahweh, ihatag kanamo ang kadaogan! Palihog, Yahweh, ihatag kanamo ang kalamposan!
| אנא יהוה הושיעה נא אנא יהוה הצליחה נא |
26 Bulahan siya nga miduol sa ngalan ni Yahweh; gipanalanginan namo kamo gikan sa panimalay ni Yahweh.
| ברוך הבא בשם יהוה ברכנוכם מבית יהוה |
27 Si Yahweh Dios, ug gihatagan kita niya ug kahayag; hikti ang halad ngadto sa sungay sa halaran.
| אל יהוה--ויאר-לנו אסרו-חג בעבתים--עד קרנות המזבח |
28 Ikaw ang akong Dios, ug magpasalamat ako kanimo; ikaw ang akong Dios; ibayaw ko ikaw.
| אלי אתה ואודך אלהי ארוממך |
29 O, pasalamati si Yahweh; kay siya maayo; kay ang iyang matinud-anon nga kasabotan molungtad sa kahangtoran.
| הודו ליהוה כי-טוב כי לעולם חסדו |
