Mga Salmo 116

1 Gihigugma ko si Yahweh tungod kay iyang nadungog ang akong tingog ug ang akong pagpakiluoy.

I love the LORD, because he has heard my voice and my supplications.

2 Tungod kay naminaw siya kanako, magtawag ako kaniya hangtod nga buhi pa ako.

Because he has inclined his ear unto me, therefore will I call upon him as long as I live.

3 Ang hikot sa kamatayon nagpalibot kanako ug ang lit-ag sa Seol nagpaduol kanako; gibati ko ang kasakit ug kaguol. (Sheol h7585)

The sorrows of death compassed me, and the pains of hell got hold upon me: I found trouble and sorrow. (Sheol h7585)

4 Unya mitawag ako sa ngalan ni Yahweh: “Palihog Yahweh, luwasa ang akong kinabuhi.”

Then called I upon the name of the LORD; O LORD, I plead to you, deliver my soul.

5 Si Yahweh maluloy-on ug makiangayon; ang atong Dios maluloy-on.

Gracious is the LORD, and righteous; yea, our God is merciful.

6 Panalipdan ni Yahweh ang mga dili makapanalipod sa ilang kaugalingon; gipaubos ako, ug iya akong giluwas.

The LORD perserves the simple: I was brought low, and he helped me.

7 Ang akong kalag mahimo nang mobalik sa iyang dapit nga kapahulayan, tungod kay maayo gayod si Yahweh kanako.

Return unto your rest, O my soul; for the LORD has dealt bountifully with you.

8 Kay imong giluwas ang akong kinabuhi gikan sa kamatayon, ang akong mga mata gikan sa mga luha, ug ang akong mga tiil gikan sa pagkapandol.

For you have delivered my soul from death, mine eyes from tears, and my feet from falling.

9 Alagaran ko si Yahweh sa yuta sa mga buhi.

I will walk before the LORD in the land of the living.

10 Mituo ako kaniya, bisan sa higayon nga misulti ako, “Hilabihan ang akong kasakit.”

I believed, therefore have I spoken: I was greatly afflicted:

11 Dali akong misulti, “Ang tanang tawo mga bakakon.”

I said in my haste, All men are liars.

12 Unsaon ko man pagbayad si Yahweh sa tanan niyang kaayo kanako?

What shall I render unto the LORD for all his benefits toward me?

13 Ipataas ko ang kopa sa kaluwasan, ug motawag sa ngalan ni Yahweh.

I will take the cup of salvation, and call upon the name of the LORD.

14 Tumanon ko ang akong mga saad kang Yahweh sa atubangan sa tanan niyang katawhan.

I will pay my vows unto the LORD now in the presence of all his people.

15 Bililhon sa panan-aw ni Yahweh ang kamatayon sa iyang mga balaan.

Precious in the sight of the LORD is the death of his saints.

16 Tinuod gayod, Yahweh, ako imong sulugoon; ako imong alagad, ang anak nga lalaki sa imong sulugoon nga babaye; gikuha mo ang akong mga gapos.

O LORD, truly I am your servant; I am your servant, and the son of your handmaid: you have loosed my bonds.

17 Ihalad ko kanimo ang halad sa pagpasalamat ug motawag sa ngalan ni Yahweh.

I will offer to you the sacrifice of thanksgiving, and will call upon the name of the LORD.

18 Tumanon ko ang akong mga saad kang Yahweh atubangan sa tanan niyang katawhan,

I will pay my vows unto the LORD now in the presence of all his people.

19 sa hawanan sa panimalay ni Yahweh, sa imong taliwala, Jerusalem. Dayega si Yahweh.

In the courts of the LORD's house, in the midst of you, O Jerusalem. Praise all of you the LORD.