Mga Salmo 102
1 Dungga ang akong pag-ampo, Yahweh; dungga ang akong paghilak kanimo.
| תפלה לעני כי-יעטף-- ולפני יהוה ישפך שיחו ב יהוה שמעה תפלתי ושועתי אליך תבוא |
2 Ayaw tagoi ang imong panagway gikan kanako sa panahon sa akong kalisdanan. Pamatia ako. Sa dihang motawag ako kanimo, tubaga dayon ako.
| אל-תסתר פניך ממני-- ביום צר-לי הטה-אלי אזנך ביום אקרא מהר ענני |
3 Kay ang akong adlaw lumalabay lamang sama sa aso, ug ang akong mga bukog daw nasunog sa kalayo.
| כי-כלו בעשן ימי ועצמותי כמוקד נחרו |
4 Nadugmok ang akong kasingkasing, ug sama ako sa sagbot nga nalaya. Nakalimot ako sa pagkaon sa bisan unsa nga pagkaon.
| הוכה-כעשב ויבש לבי כי-שכחתי מאכל לחמי |
5 Sa padayon kong pag-agulo, naniwang ako pag-ayo.
| מקול אנחתי-- דבקה עצמי לבשרי |
6 Sama ako sa pilicano sa kamingawan, ug nahisama ako sa kwago nga anaa sa kadaot.
| דמיתי לקאת מדבר הייתי ככוס חרבות |
7 Nagatukaw ako sama sa biniyaan nga langgam, nga nag-inusara sa atop.
| שקדתי ואהיה-- כצפור בודד על-גג |
8 Gihagit ako sa akong mga kaaway sa tibuok adlaw; ug kadtong nagbugalbugal kanako ginamit ang akong ngalan sa pagpanunglo.
| כל-היום חרפוני אויבי מהוללי בי נשבעו |
9 Nagkaon ako ug abo sama sa tinapay ug nasagolan ang akong imnonon sa mga luha.
| כי-אפר כלחם אכלתי ושקוי בבכי מסכתי |
10 Tungod sa imong hilabihan nga kasuko, gialsa mo ako aron ibundak.
| מפני-זעמך וקצפך-- כי נשאתני ותשליכני |
11 Ang akong mga adlaw sama sa anino nga mahanaw, ug malaya ako sama sa sagbot.
| ימי כצל נטוי ואני כעשב איבש |
12 Apan ikaw, Yahweh, magpabilin sa walay kataposan, ug ang imong kabantogan alang sa tanang kaliwatan.
| ואתה יהוה לעולם תשב וזכרך לדר ודר |
13 Motindog ka ug kaluy-an ang Zion. Karon ang takna nga maluoy ka kaniya; ang gitagana nga takna miabot na.
| אתה תקום תרחם ציון כי-עת לחננה כי-בא מועד |
14 Kay ang imong mga sulugoon nagpugong sa ilang mga pinalanggang mga bato ug naluoy alang sa abog sa iyang kadaot.
| כי-רצו עבדיך את-אבניה ואת-עפרה יחננו |
15 Ang kanasoran magpasidungog sa imong ngalan, Yahweh, ug ang tanang mga hari sa kalibotan magatahod sa imong himaya.
| וייראו גוים את-שם יהוה וכל-מלכי הארץ את-כבודך |
16 Gitukod pag-usab ni Yahweh ang Zion ug magpakita diha sa iyang himaya.
| כי-בנה יהוה ציון-- נראה בכבודו |
17 Nianang tungora, pagatubagon niya ang pag-ampo sa mga kabos; dili niya isalikway ang ilang mga pag-ampo.
| פנה אל-תפלת הערער ולא-בזה את-תפלתם |
18 Kay nahisulat kini alang sa umaabot nga kaliwatan, ug ang mga tawo nga wala pa nahimugso magadayeg kang Yahweh.
| תכתב זאת לדור אחרון ועם נברא יהלל-יה |
19 Kay midungaw siya gikan sa habog nga balaang dapit; gikan sa langit nakita ni Yahweh ang kalibotan,
| כי-השקיף ממרום קדשו יהוה משמים אל-ארץ הביט |
20 aron sa pagpaminaw sa agulo sa mga binilanggo, aron sa pagpagawas niadtong nasilotan sa kamatayon.
| לשמע אנקת אסיר לפתח בני תמותה |
21 Unya imantala sa mga tawo ang ngalan ni Yahweh sa Zion ug ang iyang pagdayeg sa Jerusalem
| לספר בציון שם יהוה ותהלתו בירושלם |
22 sa dihang magatigom ang katawhan ug ang mga gingharian aron sa pag-alagad kang Yahweh.
| בהקבץ עמים יחדו וממלכות לעבד את-יהוה |
23 Gikuha niya ang akong kusog sa kinatung-an sa akong kinabuhi. Gipamubo niya ang akong mga adlaw.
| ענה בדרך כחו (כחי) קצר ימי |
24 Miingon ako, “Akong Dios, ayaw kuhaa ang akong kinabuhi sa akong pagkabatan-on; anaa ka sa tanang kaliwatan.
| אמר--אלי אל תעלני בחצי ימי בדור דורים שנותיך |
25 Kaniadto pa imo nang gipahimutang ang kalibotan; ang kalangitan mao ang buhat sa imong mga kamot.
| לפנים הארץ יסדת ומעשה ידיך שמים |
26 Mangahanaw (sila) apan ikaw magapabilin; mangadaan silang tanan sama sa panapton; sama sa bisti, pahawa-on mo (sila) ug mangahanaw (sila)
| המה יאבדו-- ואתה תעמד וכלם כבגד יבלו כלבוש תחליפם ויחלפו |
27 Apan ikaw mao lamang gihapon, ug walay kataposan ang imong katuigan.
| ואתה-הוא ושנותיך לא יתמו |
28 Ang mga anak sa imong mga sulugoon managpadayon, ug ang ilang mga kaliwatan magkinabuhi diha sa imong presensya.”
| בני-עבדיך ישכונו וזרעם לפניך יכון |
