Mga Salmo 10
1 O Yahweh, nganong nagpalayo ka man kanako? Nganong gitagoan mo man ang imong kaugalingon sa panahon sa kalisdanan?
| למה יהוה תעמד ברחוק תעלים לעתות בצרה |
2 Tungod sa ilang pagkamapahitas-on, gilutos sa mga tawong daotan ang mga dinaogdaog; apan palihog tugoti nga malit-ag ang mga daotan pinaagi sa ilang kaugalingong gipanglaraw.
| בגאות רשע ידלק עני יתפשו במזמות זו חשבו |
3 Kay gipasigarbo sa tawong daotan sa iyang labing lalom nga mga tinguha; gipanalanginan niya ang mga hakog ug gibiaybiay si Yahweh.
| כי-הלל רשע על-תאות נפשו ובצע ברך נאץ יהוה |
4 Ang tawong daotan nagpataas sa iyang panagway; wala niya pangitaa ang Dios. Wala gayod siya maghunahuna mahitungod sa Dios tungod kay wala gayod siya magpakabana mahitungod kaniya.
| רשע--כגבה אפו בל-ידרש אין אלהים כל-מזמותיו |
5 Luwas siya sa tanang panahon, apan ang imong matarong nga kasugoan hataas pa kaayo alang kaniya; giyam-iran niya ang tanan niyang mga kaaway.
| יחילו דרכו בכל-עת--מרום משפטיך מנגדו כל-צורריו יפיח בהם |
6 Nag-ingon siya sa iyang kasingkasing, “Dili gayod ako mapakyas; sa tibuok kaliwatan dili ako makatagamtam ug kalisod.”
| אמר בלבו בל-אמוט לדר ודר אשר לא-ברע |
7 Ang iyang baba napuno sa mga pagtunglo ug sa mga bakak, makadaot nga mga pulong; ang iyang dila makadaot ug makalaglag.
| אלה פיהו מלא--ומרמות ותך תחת לשונו עמל ואון |
8 Mag-atang siya sa kabaryohan; diha sa hilit nga dapit pamatyon niya ang walay sala; ang iyang mga mata naniid sa mga tawong walay mahimo.
| ישב במארב חצרים--במסתרים יהרג נקי עיניו לחלכה יצפנו |
9 Nagbantay siya sa hilit sama sa liyon nga anaa sa kasagbotan; naghupo ug naghulat sa pagtukob sa mga dinaogdaog. Gidakop niya ang mga dinaogdaog pinaagi sa pagbira niya sa iyang pukot.
| יארב במסתר כאריה בסכה-- יארב לחטוף עני יחטף עני במשכו ברשתו |
10 Gidugmok ug gilutos niya ang iyang gibiktima; nahulog (sila) ngadto sa iyang lig-on nga mga pukot.
| ודכה (ידכה) ישח ונפל בעצומיו חלכאים (חל כאים) |
11 Nag-ingon siya sa iyang kasingkasing, “Nahikalimot na ang Dios; gitagoan niya ang iyang panagway; dili na siya magpakabana sa pagtan-aw.”
| אמר בלבו שכח אל הסתיר פניו בל-ראה לנצח |
12 Barog, O Yahweh! Bayawa ang imong kamot, O Dios! Ayaw kalimti ang mga dinaogdaog.
| קומה יהוה--אל נשא ידך אל-תשכח עניים (ענוים) |
13 Nganong gisalikway man sa tawong daotan ang Dios ug nag-ingon sa iyang kasingkasing, “Dili mo ako basolon”?
| על-מה נאץ רשע אלהים אמר בלבו לא תדרש |
14 Nakakita ka niini, kay nakita mo kanunay ang nagpahamtang sa mga pag-antos ug mga kagul-anan. Gitugyan sa mga makaluluoy ang ilang kaugalingon diha kanimo; giluwas mo ang mga ilo.
| ראתה כי-אתה עמל וכעס תביט-- לתת בידך עליך יעזב חלכה יתום אתה היית עוזר |
15 Dugmoka ang bukton sa masalaypon ug tawong daotan. Paningli siya sa iyang daotang mga binuhatan, nga gihunahuna niya nga dili mo masayran.
| שבר זרוע רשע ורע תדרוש-רשעו בל-תמצא |
16 Si Yahweh Hari hangtod sa kahangtoran; gipapahawa niya ang kanasoran sa iyang yuta.
| יהוה מלך עולם ועד אבדו גוים מארצו |
17 O Yahweh, gidungog mo ang mga panginahanglan sa mga dinaogdaog; gilig-on mo ang ilang kasingkasing, gipatalinghogan mo ang ilang pag-ampo;
| תאות ענוים שמעת יהוה תכין לבם תקשיב אזנך |
18 Gipanalipdan mo ang mga ilo ug ang mga dinaogdaog aron walay tawo sa kalibotan ang mangalisang pag-usab.
| לשפט יתום ודך בל-יוסיף עוד--לערץ אנוש מן-הארץ |
