Panultihon 9
1 Ang kaalam nagtukod sa kaugalingon niyang panimalay; naglilok siya ug pito ka mga haligi gikan sa mga bato.
| חכמות בנתה ביתה חצבה עמודיה שבעה׃ |
2 Giandam niya ang iyang mga mananap aron idalit sa panihapon; gisagolan niya ang iyang bino; ug giandam niya ang iyang lamisa.
| טבחה טבחה מסכה יינה אף ערכה שלחנה׃ |
3 Gisugo niya ang iyang mga sulugoong babaye aron pagdapit ug pagpanawag gikan sa hataas nga bahin sa siyudad:
| שלחה נערתיה תקרא על גפי מרמי קרת׃ |
4 “Paanhia dinhi ang mga wala natudloan!” Miingon siya ngadto sa mga walay alamag.
| מי פתי יסר הנה חסר לב אמרה לו׃ |
5 “Dali, kaon sa akong pagkaon, ug pag-inom sa bino nga akong gisagolan.
| לכו לחמו בלחמי ושתו ביין מסכתי׃ |
6 Biyai ang yano nimong mga binuhatan, ug pagkinabuhi; paglakaw sa dalan nga adunay salabotan.
| עזבו פתאים וחיו ואשרו בדרך בינה׃ |
7 Si bisan kinsa nga mobadlong sa mabugalbugalon nag-awhag ug pagdaogdaog ug si bisan kinsa nga mobadlong sa tawong daotan masakitan.
| יסר לץ לקח לו קלון ומוכיח לרשע מומו׃ |
8 Ayaw badlonga ang mabugalbugalon, kay dumtan ka niya; badlonga ang tawong maalamon, ug higugmaon ka niya.
| אל תוכח לץ פן ישנאך הוכח לחכם ויאהבך׃ |
9 Hatagi ug pagpanudlo ang tawong maalamon, ug mahimo pa gayod siyang maalamon; tudloi ang tawong matarong, ug madugangan pa ang iyang nakat-onan.
| תן לחכם ויחכם עוד הודע לצדיק ויוסף לקח׃ |
10 Ang pagkahadlok kang Yahweh mao ang sinugdanan sa kaalam ug ang kahibalo sa Balaan mao ang pagsabot.
| תחלת חכמה יראת יהוה ודעת קדשים בינה׃ |
11 Kay pinaagi kanako modaghan pa ang imong mga adlaw ug madugangan ang mga tuig sa imong kinabuhi.
| כי בי ירבו ימיך ויוסיפו לך שנות חיים׃ |
12 Kung maalamon ka, maalam ka sa imong kaugalingon, apan kung magbugalbugal ka, mag-inusara kang magpas-an niini.”
| אם חכמת חכמת לך ולצת לבדך תשא׃ |
13 Ang babayeng buangbuang sabaan— wala siya natudloan ug walay nahibaloan.
| אשת כסילות המיה פתיות ובל ידעה מה׃ |
14 Naglingkod siya sa pultahan sa iyang puluy-anan, sa lingkoranan sa hataas nga mga dapit sa lungsod.
| וישבה לפתח ביתה על כסא מרמי קרת׃ |
15 Nagatawag siya niadtong nangagi, ngadto sa mga tawong tul-id nga nagalakaw sa ilang dalan.
| לקרא לעברי דרך המישרים ארחותם׃ |
16 “Paanhia dinhi ang mga wala natudloan!” Giingnan niya kadtong mga walay alamag.
| מי פתי יסר הנה וחסר לב ואמרה לו׃ |
17 “Tam-is ang kinawat nga tubig ug maayo ang tinapay nga gikaon sa tago.”
| מים גנובים ימתקו ולחם סתרים ינעם׃ |
