Panultihon 31
1 Ang mga pulong ni Haring Lemuel— ang panagna nga gitudlo sa iyang inahan.
| דברי למואל מלך-- משא אשר-יסרתו אמו |
2 Unsa man, akong anak? Ug unsa man, anak sa akong sabakan? ug unsa man, anak sa akong mga panaad? —
| מה-ברי ומה-בר-בטני ומה בר-נדרי |
3 Ayaw ihatag ang imong kusog sa babaye, o ang imong mga pamaagi niadtong maglaglag sa mga hari.
| אל-תתן לנשים חילך ודרכיך למחות מלכין |
4 Dili kini alang sa mga hari, Lemuel, dili kini alang sa mga hari aron pag-inom sa bino, ni ang mga magmamando aron mangutana, “Hain man ang isog nga ilimnon?”
| אל למלכים למואל--אל למלכים שתו-יין ולרוזנים או (אי) שכר |
5 Tungod kay kung moinom sila, makalimtan nila kung unsa ang kasugoan, ug yatakan ang mga katungod sa tanang mga gidaogdaog.
| פן-ישתה וישכח מחקק וישנה דין כל-בני-עני |
6 Hatagi ug isog nga ilimnon ang mga tawo nga mangahanaw ug bino niadtong hilabihan ang kasakit.
| תנו-שכר לאובד ויין למרי נפש |
7 Moinom siya ug mahikalimtan niya ang iyang kawalad-on ug dili niya mahinumdoman ang iyang kasamok.
| ישתה וישכח רישו ועמלו לא יזכר-עוד |
8 Pakigsulti alang niadtong dili makasulti, alang sa kaayohan sa tanan nga hapit na mangahanaw.
| פתח-פיך לאלם אל-דין כל-בני חלוף |
9 Pagsulti ug paghukom pinaagi sa sukdanan kung unsa ang husto ug labani ang katungod sa mga kabos ug nagakinahanglan nga mga tawo.
| פתח-פיך שפט-צדק ודין עני ואביון |
10 Kinsa man ang makakita ug takos nga asawa? Ang iyang kabililhon labaw pa sa mga alahas.
| אשת-חיל מי ימצא ורחק מפנינים מכרה |
11 Ang kasingkasing sa iyang bana mosalig kaniya, ug dili gayod siya mahimong kabos.
| בטח בה לב בעלה ושלל לא יחסר |
12 Mobuhat gayod siya ug maayong mga butang alang kaniya ug dili ang daotan sa tanang mga adlaw sa iyang kinabuhi.
| גמלתהו טוב ולא-רע-- כל ימי חייה |
13 Magpili siya ug balahibo sa karnero ug lanot sa lino nga tanom, ug magabuhat uban ang kalipay sa iyang mga kamot.
| דרשה צמר ופשתים ותעש בחפץ כפיה |
14 Sama siya sa nagpatigayon nga mga sakayan; nagdala siya sa iyang pagkaon gikan sa halayo.
| היתה כאניות סוחר ממרחק תביא לחמה |
15 Mobangon siya samtang gabii pa ug mohatag ug pagkaon sa iyang panimalay, ug ibahinbahin niya ang buluhaton alang sa iyang mga sulugoong babaye.
| ותקם בעוד לילה--ותתן טרף לביתה וחק לנערתיה |
16 Maghunahuna siya ug uma ug paliton kini, uban sa kinitaan sa iyang mga kamot motanom siya ug paras.
| זממה שדה ותקחהו מפרי כפיה נטע (נטעה) כרם |
17 Bistihan niya ang iyang kaugalingon sa kusog ug himoon niyang kusgan ang iyang mga bukton.
| חגרה בעוז מתניה ותאמץ זרועתיה |
18 Makita niya kung unsa ang maayo nga makaginansya siya; sa tibuok gabii wala gipalong ang iyang lampara.
| טעמה כי-טוב סחרה לא-יכבה בליל (בלילה) נרה |
19 Gibutang niya ang iyang mga kamot sa lamboranan, ug iyang gigunitan ang nilubid nga tanod.
| ידיה שלחה בכישור וכפיה תמכו פלך |
20 Gituy-od niya ang iyang kamot sa mga tawong kabos; gituy-od niya ang iyang kamot sa mga tawong nanginahanglan.
| כפה פרשה לעני וידיה שלחה לאביון |
21 Dili siya mahadlok sa niyebe alang sa iyang panimalay, kay ang tibuok niya nga panimalay nabistihan sa dagtom pula.
| לא-תירא לביתה משלג כי כל-ביתה לבש שנים |
22 Naghimo siya ug hapin alang sa iyang higdaanan, ug nagbisti siya ug labing maayo nga tapul nga lino.
| מרבדים עשתה-לה שש וארגמן לבושה |
23 Inila ang iyang bana sa mga ganghaan, kung molingkod siya kauban sa mga kadagkoan sa yuta.
| נודע בשערים בעלה בשבתו עם-זקני-ארץ |
24 Naghimo siya ug lino nga mga panapton ug gibaligya kini, ug nagbaligya siya ug mga bakus sa mga nagapatigayon.
| סדין עשתה ותמכר וחגור נתנה לכנעני |
25 Nabistihan siya uban ang kusog ug kadungganan, ug mokatawa siya sa dihang moabot ang panahon.
| עז-והדר לבושה ותשחק ליום אחרון |
26 Magabuka siya sa iyang baba uban ang kaalam ug ang balaod sa pagkamaluluy-on anaa sa iyang dila.
| פיה פתחה בחכמה ותורת חסד על-לשונה |
27 Nagabantay siya sa tanang pamaagi sa iyang panimalay ug dili mokaon sa tinapay nga walay pulos
| צופיה הילכות (הליכות) ביתה ולחם עצלות לא תאכל |
28 Mobangon ang iyang mga anak ug tawgon siya ug bulahan ug ang iyang bana modayeg kaniya, ug moingon,
| קמו בניה ויאשרוה בעלה ויהללה |
29 “Daghang buotan nga mga babaye, apan silang tanan dili makalabaw kanimo.”
| רבות בנות עשו חיל ואת עלית על-כלנה |
30 Ang katahom malimbongon, ug ang kaanyag walay kapuslanan, apan ang babaye nga mahinadlokon kang Yahweh, pagadayegon siya.
| שקר החן והבל היפי אשה יראת-יהוה היא תתהלל |
31 Ihatag kaniya ang kinitaan sa iyang mga kamot ug tugoti ang iyang mga buhat nga modayeg kaniya diha sa mga ganghaan.
| תנו-לה מפרי ידיה ויהללוה בשערים מעשיה |
