Panultihon 3
1 Akong anak, ayaw kalimti ang akong mga mando ug tipigi ang akong pagpanudlo diha sa imong kasingkasing,
| בני תורתי אל-תשכח ומצותי יצר לבך |
2 kay ang gitas-on sa mga adlaw ug katuigan sa kinabuhi ug ang kalinaw igadugang kini diha kanimo.
| כי ארך ימים ושנות חיים-- ושלום יוסיפו לך |
3 Ayaw tugoti nga ang pakamatinud-anon sa kasabotan ug pagkamasaligan mahimulag kanimo, ihigot kini sa imong liog, isulat kini sa papan sa imong kasingkasing.
| חסד ואמת אל-יעזבך קשרם על-גרגרותיך כתבם על-לוח לבך |
4 Unya makakaplag ka ug pabor ug maayong kadungganan sa panan-aw sa Dios ug sa tawo.
| ומצא-חן ושכל-טוב-- בעיני אלהים ואדם |
5 Salig kang Yahweh sa tibuok nimong kasingkasing ug ayaw gayod pagsalig sa kaugalingon nimong panabot;
| בטח אל-יהוה בכל-לבך ואל-בינתך אל-תשען |
6 sa tanan nimong mga dalan ilha siya ug itul-id niya ang imong agianan.
| בכל-דרכיך דעהו והוא יישר ארחתיך |
7 Ayaw pagmanggialamon sa kaugalingon nimong panan-aw; kahadloki si Yahweh ug talikdi ang daotan.
| אל-תהי חכם בעיניך ירא את-יהוה וסור מרע |
8 Makaayo kini sa imong unod ug makapabaskog sa imong lawas.
| רפאות תהי לשרך ושקוי לעצמותיך |
9 Pasidunggi si Yahweh uban sa imong bahandi ug uban sa unang mga bunga sa tanang nimong abot,
| כבד את-יהוה מהונך ומראשית כל-תבואתך |
10 ug mapuno ang imong mga kamalig ug ang imong sudlanan moawas, mapuno sa bag-ong bino.
| וימלאו אסמיך שבע ותירוש יקביך יפרצו |
11 Akong anak, ayaw isalikway ang pagpanton ni Yahweh ug ayaw pagdumot sa iyang pagbadlong,
| מוסר יהוה בני אל-תמאס ואל-תקץ בתוכחתו |
12 kay pagapantonon ni Yahweh kadtong iyang gihigugma, sama sa pagpanton sa amahan sa iyang anak nga lalaki nga nakapahimuot kaniya.
| כי את אשר יאהב יהוה יוכיח וכאב את-בן ירצה |
13 Ang usa nga makakaplag ug kaalam malipayon, makaangkon usab siya ug pagsabot.
| אשרי אדם מצא חכמה ואדם יפיק תבונה |
14 Ang imong maangkon gikan sa kaalam mas maayo pa kung unsa ang maihatag pagbalik sa plata ug ang ginansya niini mas maayo pa kaysa bulawan.
| כי טוב סחרה מסחר-כסף ומחרוץ תבואתה |
15 Mas bililhon pa ang kaalam kaysa mga alahas ug walay imong gitinguha nga ikatandi siya.
| יקרה היא מפניים (מפנינים) וכל-חפציך לא ישוו-בה |
16 Adunay siyay hataas nga mga adlaw sa iyang tuong kamot; sa iyang walang kamot ang mga bahandi ug kadungganan.
| ארך ימים בימינה בשמאולה עשר וכבוד |
17 Ang iyang mga dalan mao ang mga paagi sa kaluoy ug ang tanan niyang mga agianan mao ang kalinaw.
| דרכיה דרכי-נעם וכל-נתיבותיה שלום |
18 Siya ang kahoy sa kinabuhi niadtong nagkupot niini, malipay kadtong nagkupot niini.
| עץ-חיים היא למחזיקים בה ותמכיה מאשר |
19 Pinaagi sa kaalam gitukod ni Yahweh ang kalibotan, pinaagi sa panabot iyang gipahimutang ang kalangitan.
| יהוה--בחכמה יסד-ארץ כונן שמים בתבונה |
20 Pinaagi sa iyang kahibalo ang kahiladman naabli ug ang mga panganod nagahulog sa ilang yamog.
| בדעתו תהומות נבקעו ושחקים ירעפו-טל |
21 Akong anak, padayon sa hustong paghukom ug pagpanabot, ug ayaw ibulag ang imong panan-aw kanila.
| בני אל-ילזו מעיניך נצר תשיה ומזמה |
22 Mahimo sila nga kinabuhi sa imong kalag ug dayandayan nga pabor aron isul-ob sa imong liog.
| ויהיו חיים לנפשך וחן לגרגרתיך |
23 Unya maglakaw ka sa imong dalan nga layo sa kakuyaw ug dili mapandol ang imong tiil;
| אז תלך לבטח דרכך ורגלך לא תגוף |
24 kung mohigda ka, dili ka mahadlok; kung mohigda ka nindot ang imong pagkatulog.
| אם-תשכב לא-תפחד ושכבת וערבה שנתך |
25 Ayaw kahadlok sa kalit nga kasamok ug pagpanggun-ob sa daotan, sa dihang moabot kini,
| אל-תירא מפחד פתאם ומשאת רשעים כי תבא |
26 kay si Yahweh anaa sa imong kiliran ug maglikay sa imong tiil gikan sa pagkalit-ag.
| כי-יהוה יהיה בכסלך ושמר רגלך מלכד |
27 Ayaw ihikaw ang maayo gikan niadtong angayan niini, kung anaa kanimo ang kagahom sa pagbuhat.
| אל-תמנע-טוב מבעליו-- בהיות לאל ידיך (ידך) לעשות |
28 Ayaw sultihi ang imong silingan, “Lakaw ug balik pag-usab, ug ihatag ko kini ugma nganha kanimo,” kung aduna kay salapi.
| אל-תאמר לרעיך (לרעך) לך ושוב--ומחר אתן ויש אתך |
29 Ayaw pagbuhat ug laraw nga makadaot sa imong silingan— ang tawo nga haduol nagpuyo ug misalig kanimo.
| אל-תחרש על-רעך רעה והוא-יושב לבטח אתך |
30 Ayaw pakiglalis sa tawo kung walay rason, kung wala siyay nabuhat nga makadaot kanimo.
| אל-תרוב (תריב) עם-אדם חנם-- אם-לא גמלך רעה |
31 Ayaw kasina sa tawong bangis o pilia ang bisan unsa sa iyang mga dalan.
| אל-תקנא באיש חמס ואל-תבחר בכל-דרכיו |
32 Tungod kay ang tawong malimbongon dulumtanan kang Yahweh, apan ang tawong matarong mahimo niyang suod nga higala.
| כי תועבת יהוה נלוז ואת-ישרים סודו |
33 Ang tunglo ni Yahweh anaa sa balay sa mga tawong daotan, apan panalanginan niya ang panimalay sa tawong matarong.
| מארת יהוה בבית רשע ונוה צדיקים יברך |
34 Bugalbugalan niya ang mabugalbugalon, apan hatagan niya ug pabor ang mga tawong mapainubasanon.
| אם-ללצים הוא-יליץ ולעניים (ולענוים) יתן-חן |
35 Mapanunod sa mga maalamong tawo ang kadungganan, apan ang buangbuang pagabayawon diha sa kaulawan.
| כבוד חכמים ינחלו וכסילים מרים קלון |
