Panultihon 29
1 Ang tawo nga midawat ug daghang mga pagbadlong apan nagpatikig sa iyang liog moabot ang higayon nga mapukan ug dili na gayod maayo.
| איש תוכחות מקשה-ערף-- פתע ישבר ואין מרפא |
2 Kung kadtong nagabuhat ug matarong modaghan, maglipay ang katawhan, apan kung ang daotan nga tawo ang magmamando, manghupaw ang katawhan.
| ברבות צדיקים ישמח העם ובמשל רשע יאנח עם |
3 Si bisan kinsa nga nahigugma sa kaalam makalipay sa iyang amahan, apan siya nga nagkig-uban sa mga nagbaligya ug dungog nagaguba sa iyang bahandi.
| איש-אהב חכמה ישמח אביו ורעה זונות יאבד-הון |
4 Ang hari magtukod sa yuta pinaagi sa katarong, apan siya nga gusto makasapi maoy moguba niini.
| מלך--במשפט יעמיד ארץ ואיש תרומות יהרסנה |
5 Ang tawo nga nag-ulog-ulog sa iyang silingan sama lamang nga nagbukhad ug pukot alang sa iyang mga tiil.
| גבר מחליק על-רעהו רשת פורש על-פעמיו |
6 Malit-ag ang tawong daotan pinaagi sa iyang kaugalingon nga sala, apan siya nga nagbuhat ug matarong mag-awit ug magmalipayon.
| בפשע איש רע מוקש וצדיק ירון ושמח |
7 Siya nga nagbuhat ug matarong nag-amping sa katungod sa mga kabos; ang tawong daotan dili makasabot niana nga kahibalo.
| ידע צדיק דין דלים רשע לא-יבין דעת |
8 Ang mga matamayon nagbutang ug kalayo sa siyudad, apan kadtong maalamon molikay sa kapungot.
| אנשי לצון יפיחו קריה וחכמים ישיבו אף |
9 Kung adunay panaglalis sa tawong maalamon ug sa buangbuang, masuko lamang siya ug mokatawa, ug wala gayoy pagpahulay.
| איש-חכם--נשפט את-איש אויל ורגז ושחק ואין נחת |
10 Ang mga mamumuno magdumot kaniya nga walay sala ug pangitaon ang kinabuhi sa mga matarong.
| אנשי דמים ישנאו-תם וישרים יבקשו נפשו |
11 Ipakita gayod sa buangbuang ang tanan niyang kasuko, apan ang tawong maalamon makapugong niini ug mapailubon sa iyang kaugalingon.
| כל-רוחו יוציא כסיל וחכם באחור ישבחנה |
12 Kung ang magmamando magtagad sa mga bakak, ang tanan niyang mga kadagkoan mahimong daotan.
| משל מקשיב על-דבר-שקר-- כל-משרתיו רשעים |
13 Ang tawong kabos ug ang madaogdaogon managsama lamang, kay si Yahweh ang naghatag ug kahayag sa ilang mga mata.
| רש ואיש תככים נפגשו-- מאיר עיני שניהם יהוה |
14 Kung maghukom ang hari sa mga kabos pinaagi sa kamatuoran, matukod ang iyang trono hangtod sa kahangtoran.
| מלך שופט באמת דלים-- כסאו לעד יכון |
15 Ang bunal ug ang pagpadlong mohatag ug kaalam; apan ang bata nga gilikay gikan sa pagpanton magpakaulaw sa iyang inahan.
| שבט ותוכחת יתן חכמה ונער משלח מביש אמו |
16 Kung ang mga tawong daotan anaa sa gahom, modagsang ang pagpakasala, apan kadtong nagbuhat ug matarong makakita sa pagkapukan sa mga tawong daotan.
| ברבות רשעים ירבה-פשע וצדיקים במפלתם יראו |
17 Pantuna ang imong anak nga lalaki ug papahulayon ka niya; ug magdala siya ug kalipay sa imong kinabuhi.
| יסר בנך ויניחך ויתן מעדנים לנפשך |
18 Diin wala nay makita nga mga pagpanagna ang mga tawo managdagan, apan bulahan siya nga nagtuman sa balaod.
| באין חזון יפרע עם ושמר תורה אשרהו |
19 Dili nimo mabadlong ang mga ulipon pinaagi sa mga pulong, bisan tuod makasabot siya, magpakahilom lamang gihapon.
| בדברים לא-יוסר עבד כי-יבין ואין מענה |
20 Nakakita na ba ka ug tawo nga madali-dalion sa iyang gipamulong? Mas aduna pay paglaom ang usa ka buangbuang kaysa kaniya.
| חזית--איש אץ בדבריו תקוה לכסיל ממנו |
21 Siya nga mapatuyangon sa iyang ulipon gikan sa iyang pagkabatan-on, adunay kasamok sa kaulahian niini.
| מפנק מנער עבדו ואחריתו יהיה מנון |
22 Ang masuk-anon nga tawo makapukaw sa panagbingkil ug ang hanas sa kaligutgot makahimo ug daghang mga sala.
| איש-אף יגרה מדון ובעל חמה רב-פשע |
23 Ang garbo sa tawo makapaubos kaniya; apan siya nga adunay mapainubsanon nga espiritu mapasidunggan.
| גאות אדם תשפילנו ושפל-רוח יתמך כבוד |
24 Siya nga makig-uban sa mga kawatan masilag sa iyang kaugalingon nga kinabuhi; madungog niya ang pagtunglo ug walay ikasulti.
| חולק עם-גנב שונא נפשו אלה ישמע ולא יגיד |
25 Ang kahadlok sa tawo naghimo ug lit-ag, apan siya nga mosalig kang Yahweh mapanalipdan.
| חרדת אדם יתן מוקש ובוטח ביהוה ישגב |
26 Daghan ang nagapangita sa dagway sa magmamando, apan gikan kang Yahweh moabot ang katarong alang kaniya.
| רבים מבקשים פני-מושל ומיהוה משפט-איש |
27 Ang walay katarong nga tawo gidumtan niadtong nagbuhat ug matarong, apan siya nga matarong ang dalan gidumtan sa mga tawong daotan.
| תועבת צדיקים איש עול ותועבת רשע ישר-דרך |
