Panultihon 27
1 Ayaw panghambog mahitungod sa ugma, kay wala ka masayod kung unsa ang dalhon nianang adlawa.
| אל תתהלל ביום מחר כי לא תדע מה ילד יום׃ |
2 Pasagdi nga dayegon ka sa uban ug dili ang imong kaugalingon nga baba; ang dumuduong ug dili ang imong kaugalingong mga ngabil.
| יהללך זר ולא פיך נכרי ואל שפתיך׃ |
3 Hunahunaa ang kabug-aton sa bato ug ang kabug-aton sa balas–mas bug-at pa nianang duha ang pagpanghagit sa usa ka buangbuang.
| כבד אבן ונטל החול וכעס אויל כבד משניהם׃ |
4 Adunay kasamok diha sa kapungot ug baha diha sa kasuko, apan kinsa man ang makabarog diha sa pagpangabugho?
| אכזריות חמה ושטף אף ומי יעמד לפני קנאה׃ |
5 Mas maayo pa ang dayag nga pagbadlong kaysa gitagoan nga gugma.
| טובה תוכחת מגלה מאהבה מסתרת׃ |
6 Matinud-anon ang mga samad nga gikan sa usa ka higala, apan mahimong malinlahon ang halok sa usa ka kaaway.
| נאמנים פצעי אוהב ונעתרות נשיקות שונא׃ |
7 Ang tawo nga nabusog na pag-ayo mobalibad bisan gani sa dugos, apan alang sa tawong gigutom, ang tanang pait nga butang tam-is.
| נפש שבעה תבוס נפת ונפש רעבה כל מר מתוק׃ |
8 Ang langgam nga nahisalaag gikan sa iyang salag sama sa tawo nga nahisalaag gikan sa iyang gipuy-an.
| כצפור נודדת מן קנה כן איש נודד ממקומו׃ |
9 Ang pahumot ug ang insenso makapalipay sa kasingkasing, apan ang kaayo sa usa ka higala mas maayo pa kaysa sa iyang tambag.
| שמן וקטרת ישמח לב ומתק רעהו מעצת נפש׃ |
10 Ayaw isalikway ang imong higala ug ang mga higala sa imong amahan, ug ayaw pag-adto sa balay sa imong igsoon nga lalaki sa panahon sa imong kalisdanan. Mas maayo pa ang silingan nga anaa sa duol kaysa igsoon nga atua sa layo.
| רעך ורעה אביך אל תעזב ובית אחיך אל תבוא ביום אידך טוב שכן קרוב מאח רחוק׃ |
11 Pagmaalamon, akong anak, ug lipaya ang akong kasingkasing; unya tubagon ko ang motamay kanako.
| חכם בני ושמח לבי ואשיבה חרפי דבר׃ |
12 Sa dihang makakita ug kagubot ang tawo nga adunay kahibalo, motago siya, apan mopadayon ang tawong walay alamag ug mag-antos siya tungod niini.
| ערום ראה רעה נסתר פתאים עברו נענשו׃ |
13 Kuhaa ang bisti kung ang tag-iya niini nagbutang ug salapi alang sa utang sa usa ka dumuduong; ug kuhaa kini kung nagbutang siya ug kwarta alang sa usa ka babaye nga mananapaw.
| קח בגדו כי ערב זר ובעד נכריה חבלהו׃ |
14 Si bisan kinsa nga naghatag ug panalangin sa iyang silingan uban sa makusog nga tingog sayo sa kabuntagon, kana nga panalangin isipon nga tunglo!
| מברך רעהו בקול גדול בבקר השכים קללה תחשב לו׃ |
15 Ang malalison nga asawa sama sa kanunay nga tagaktak sa ulan sa tibuok adlaw;
| דלף טורד ביום סגריר ואשת מדונים נשתוה׃ |
16 ang pagpugong kaniya sama sa pagpugong sa hangin, o ang pagsulay sa paghakop sa lana sa imong tuo nga kamot.
| צפניה צפן רוח ושמן ימינו יקרא׃ |
17 Ang puthaw mobaid sa puthaw; sa samang paagi, ang tawo mobaid sa iyang higala.
| ברזל בברזל יחד ואיש יחד פני רעהו׃ |
18 Siya nga nag-atiman sa kahoy nga igera magakaon sa bunga niini, ug ang tawo nga nagpanalipod sa iyang agalon mapasidunggan.
| נצר תאנה יאכל פריה ושמר אדניו יכבד׃ |
19 Sama nga makita ang dagway sa tawo kung motan-aw siya sa tubig, busa ang kasingkasing sa tawo magapakita kung unsa siya nga pagkatawo.
| כמים הפנים לפנים כן לב האדם לאדם׃ |
20 Ingon nga dili gayod matagbaw ang Sheol ug ang Abaddon, busa dili gayod matagbaw ang mga mata sa tawo. (Sheol h7585)
| שאול ואבדה לא תשבענה ועיני האדם לא תשבענה׃ (Sheol h7585) |
21 Ang tunawanan alang sa plata ug ang hudnohan alang sa bulawan; ug masulayan ang tawo sa dihang dayegon siya.
| מצרף לכסף וכור לזהב ואיש לפי מהללו׃ |
22 Bisan pa ug imong dugmokon ang buangbuang pinaagi sa lubokanan–uban sa trigo–apan sa gihapon dili siya biyaan sa iyang pagkabuangbuang.
| אם תכתוש את האויל במכתש בתוך הריפות בעלי לא תסור מעליו אולתו׃ |
23 Siguroha nga nasayod ka sa kahimtang sa panon sa imong mga karnero ug hatagi ug pagtagad ang panon sa imong mga kanding,
| ידע תדע פני צאנך שית לבך לעדרים׃ |
24 kay ang bahandi dili man molungtad hangtod sa kahangtoran. Molungtad ba ang paghari sa tanang kaliwatan?
| כי לא לעולם חסן ואם נזר לדור דור׃ |
25 Nahanaw ang sagbot ug mitubo ang bag-o ug sa kabukiran gitigom ang pagkaon alang sa mga baka.
| גלה חציר ונראה דשא ונאספו עשבות הרים׃ |
26 Ang mga nating karnero ang mohatag kanimo ug bisti ug ang mga kanding ang magpahinagbo sa bayad sa inyong uma.
| כבשים ללבושך ומחיר שדה עתודים׃ |
27 Adunay gatas sa kanding alang sa imong pagkaon–ang pagkaon alang sa imong panimalay–ug kalan-on alang sa imong mga sulugoon nga babaye.
| ודי חלב עזים ללחמך ללחם ביתך וחיים לנערותיך׃ |
