Panultihon 22
1 Ang maayong ngalan pagapilion labi pa sa dagkong mga bahandi ug ang kaluoy mas maayo pa kay sa plata ug bulawan.
| נבחר שם מעשר רב מכסף ומזהב חן טוב |
2 Ang adunahan ug kabos nga mga tawo managsama lamang sa niini nga paagi— si Yahweh ang nagbuhat kanilang tanan.
| עשיר ורש נפגשו עשה כלם יהוה |
3 Ang mabinantayon nga tawo makakita sa kasamok ug magatago sa iyang kaugalingon, apan ang walay pagtagad mopadayon ug mag-antos tungod niini.
| ערום ראה רעה ויסתר (ונסתר) ופתיים עברו ונענשו |
4 Ang ganti sa pagkamapainubsanon ug pagkamahadlokon kang Yahweh mao ang mga bahandi, dungog, ug kinabuhi.
| עקב ענוה יראת יהוה עשר וכבוד וחיים |
5 Mga tunok ug mga lit-ag ang naglaray sa agianan sa masinupakon; si bisan kinsa nga nagbantay sa iyang kinabuhi mapahilayo gikan kanila.
| צנים פחים בדרך עקש שומר נפשו ירחק מהם |
6 Tudloi ang bata sa dalan nga angay niyang pagaadtoan ug sa dihang matigulang na siya dili siya motalikod gikan niana nga pagpanudlo.
| חנך לנער על-פי דרכו-- גם כי-יזקין לא-יסור ממנה |
7 Ang adunahan nga mga tawo modumala ibabaw sa mga kabos nga mga tawo ug siya nga nangutang ulipon sa usa nga nagapautang.
| עשיר ברשים ימשול ועבד לוה לאיש מלוה |
8 Siya nga nagpugas sa dili matarong magaani ug kasamok ug ang iyang sungkod sa kapungot mahanaw.
| זורע עולה יקצור- (יקצר-) און ושבט עברתו יכלה |
9 Siya nga adunay mata sa pagkamahinatagon pagapanalanginan, kay gipakigbahin niya ang iyang tinapay ngadto sa mga kabos.
| טוב-עין הוא יברך כי-נתן מלחמו לדל |
10 Papahawaa ang mga matamayon, ug pagulaa ang samokan; ug mohunong ang mga panaglalis ug mga pagtamay.
| גרש לץ ויצא מדון וישבת דין וקלון |
11 Siya nga nahigugma sa putli nga kasingkasing ug kansang mga pagpanulti malumo, mahimo niyang higala ang hari.
| אהב טהור- (טהר-) לב-- חן שפתיו רעהו מלך |
12 Ang mga mata ni Yahweh kanunay nga nagabantay sa kahibalo, apan isalikway niya ang mga pulong sa mabudhion.
| עיני יהוה נצרו דעת ויסלף דברי בגד |
13 Ang tawong tapolan moingon, “Adunay liyon sa dalan! Pagapatyon ako diha sa hawan nga mga dapit.”
| אמר עצל ארי בחוץ בתוך רחבות ארצח |
14 Ang baba sa babaye nga mananapaw usa ka lalom nga bung-aw; mosilaob ang kasuko ni Yahweh batok sa tawo nga mahulog niini.
| שוחה עמקה פי זרות זעום יהוה יפול- (יפל-) שם |
15 Nabugkos ang mga binuang diha sa kasingkasing sa bata, apan ang bunal sa pagpanton magapahawa niini palayo.
| אולת קשורה בלב-נער שבט מוסר ירחיקנה ממנו |
16 Siya nga namintaha sa mga kabos nga mga tawo aron madugangan ang iyang bahandi, o paghatag ngadto sa mga adunahan nga tawo, mosangko ngadto sa kawalad-on.
| עשק דל להרבות לו-- נתן לעשיר אך-למחסור |
17 Ipapaminaw ang imong dalunggan ug patalinghogi ang mga pulong sa maalamon ug gamita ang imong kasingkasing sa akong kahibalo,
| הט אזנך--ושמע דברי חכמים ולבך תשית לדעתי |
18 kay makaayo kanimo kung ampingan mo kini diha sa imong kinasuloran, kung kining tanan andam na diha sa imong mga ngabil.
| כי-נעים כי-תשמרם בבטנך יכנו יחדו על-שפתיך |
19 Aron nga ang imong pagsalig maanaa kang Yahweh, gitudlo ko kini kanimo karong adlawa— bisan kanimo.
| להיות ביהוה מבטחך-- הודעתיך היום אף-אתה |
20 Wala ba diay ako makasulat alang kanimo ug 30 ka mga panultihong pagpanudlo ug kahibalo,
| הלא כתבתי לך שלשום (שלשים)-- במעצות ודעת |
21 aron sa pagtudlo kanimo sa kamatuoran niining kasaligan nga mga pulong, aron makahatag ka ug kasaligan nga mga tubag niadtong nagpadala kanimo?
| להודיעך--קשט אמרי אמת להשיב אמרים אמת לשלחיך |
22 Ayaw kawati ang kabos tungod kay kabos siya, o yatakan ang mga nagkinahanglan nga anaa sa ganghaan,
| אל-תגזל-דל כי דל-הוא ואל-תדכא עני בשער |
23 kay labanan ni Yahweh ang ilang kahimtang, ug kawatan niya sa kinabuhi kadtong nagakawat kanila.
| כי-יהוה יריב ריבם וקבע את-קבעיהם נפש |
24 Ayaw pagpakighigala sa tawo nga gidumalahan sa kasuko ug kinahanglan nga dili ka mouban sa tawo nga maligutguton,
| אל-תתרע את-בעל אף ואת-איש חמות לא תבוא |
25 o tingali ug makakat-on ka sa iyang mga paagi ug motukob ka sa paon alang sa imong kalag.
| פן-תאלף ארחתו ולקחת מוקש לנפשך |
26 Ayaw paisip nga usa niadtong mohapak sa mga kamot, nga nagapasalig sa utang.
| אל-תהי בתקעי-כף בערבים משאות |
27 Kung makulang ka sa pagbayad, unsa man ang makapahunong sa usa ka tawo sa pagkuha sa higdaanan nga imong gihigdaan?
| אם-אין-לך לשלם-- למה יקח משכבך מתחתיך |
28 Ayaw ibalhin ang karaan nga utlanang bato nga gipahimutang sa imong mga amahan.
| אל-תסג גבול עולם-- אשר עשו אבותיך |
29 Nakakita ka ba ug usa ka tawo nga hanas sa iyang trabaho? Mobarog siya atubangan sa mga hari; dili siya mobarog atubangan sa mga yano lamang nga mga tawo.
| חזית איש מהיר במלאכתו-- לפני-מלכים יתיצב בל-יתיצב לפני חשכים |
