Panultihon 18
1 Siya nga naglain sa iyang kaugalingon nangita sa kaugalingon niyang tinguha ug gisupak niya ang tanan nga maayo.
| לתאוה יבקש נפרד בכל-תושיה יתגלע |
2 Ang buangbuang dili makakaplag ug kalipay sa pagsabot, apan kadto lang ginapadayag sa iyang kasingkasing.
| לא-יחפץ כסיל בתבונה כי אם-בהתגלות לבו |
3 Kung ang tawong daotan moabot, ang pagtamay moabot kaniya— uban sa kaulaw ug pagsaway.
| בבוא-רשע בא גם-בוז ועם-קלון חרפה |
4 Ang mga pulong sa baba sa usa ka tawo sama sa lalom nga katubigan; ang tuboran sa kaalam mao ang nagadagayday nga sapa.
| מים עמקים דברי פי-איש נחל נבע מקור חכמה |
5 Dili maayo ang pagdapig ngadto sa daotan, ni sa paghikaw sa hustisya niadtong magbuhat ug matarong.
| שאת פני-רשע לא-טוב-- להטות צדיק במשפט |
6 Ang mga ngabil sa buangbuang magdala kaniya sa panagbingkil ug ang iyang baba mag-awhag sa mga paglatos.
| שפתי כסיל יבאו בריב ופיו למהלמות יקרא |
7 Ang baba sa buangbuang mao ang iyang kalaglagan ug gilit-ag niya ang iyang kaugalingon sa iyang dila.
| פי-כסיל מחתה-לו ושפתיו מוקש נפשו |
8 Ang mga pulong sa pagpanglibak sama sa diyutay ug lamian nga pagkaon nga moadto sa kinahiladman nga bahin sa lawas.
| דברי נרגן כמתלהמים והם ירדו חדרי-בטן |
9 Mao usab, ang tawo nga maglangaylangay sa iyang buluhaton sama lamang sa tawo nga nagguba niini sa husto.
| גם מתרפה במלאכתו-- אח הוא לבעל משחית |
10 Ang ngalan ni Yahweh mao ang lig-on nga tore; ang tawo nga magbuhat ug matarong modangop niini ug maluwas.
| מגדל-עז שם יהוה בו-ירוץ צדיק ונשגב |
11 Ang katigayonan sa dato mao ang iyang lig-on nga siyudad ug sa iyang panghunahuna sama kini sa hataas nga paril.
| הון עשיר קרית עזו וכחומה נשגבה במשכתו |
12 Sa dili pa siya mapukan ang kasingkasing sa tawo magarbohon, apan pasidunggan kadtong magpaubos.
| לפני-שבר יגבה לב-איש ולפני כבוד ענוה |
13 Ang tawo nga magtubag nga wala maminaw— iya kining kabuang ug kaulawan.
| משיב דבר בטרם ישמע-- אולת היא-לו וכלמה |
14 Ang espiritu sa tawo makasugakod sa balatian, apan sa nagluya nga espiritu kinsa man ang makalahutay niini?
| רוח-איש יכלכל מחלהו ורוח נכאה מי ישאנה |
15 Ang kasingkasing sa utokan magtinguha sa kahibalo ug ang igdulongog sa mga maalamon magapangita niini.
| לב נבון יקנה-דעת ואזן חכמים תבקש-דעת |
16 Ang gasa sa tawo mag-abli sa iyang dalan ug magdala kaniya ngadto sa atubangan sa tawong mahinungdanon.
| מתן אדם ירחיב לו ולפני גדלים ינחנו |
17 Ang unang mosulti sa husay daw husto hangtod nga moabot ang iyang kontra ug magsukitsukit kaniya.
| צדיק הראשון בריבו יבא- (ובא-) רעהו וחקרו |
18 Ang pagripa makahusay sa panaglantugi ug magpahimulag sa lig-on nga mga kaaway.
| מדינים ישבית הגורל ובין עצומים יפריד |
19 Lisod dag-on ang usa ka igsoon nga nasakitan kaysa sa usa ka lig-on nga siyudad, ug ang panaglalis sama sa haligi sa usa ka palasyo.
| אח--נפשע מקרית-עז ומדונים (ומדינים) כבריח ארמון |
20 Gikan sa bunga sa iyang baba mapuno ang tiyan sa usa ka tawo; pinaagi sa ani sa iyang mga ngabil matagbaw siya.
| מפרי פי-איש תשבע בטנו תבואת שפתיו ישבע |
21 Ang kamatayon ug ang kinabuhi gidumalahan sa dila, ug kadtong nahigugma sa dila makakaon sa bunga niini.
| מות וחיים ביד-לשון ואהביה יאכל פריה |
22 Siya nga makakaplag ug asawa makakaplag ug maayong butang ug makadawat siya ug pabor gikan kang Yahweh.
| מצא אשה מצא טוב ויפק רצון מיהוה |
23 Ang tawong kabos maghangyo nga kaluy-an, apan ang tawong adunahan motubag ug pinasingka.
| תחנונים ידבר-רש ועשיר יענה עזות |
24 Ang tawo nga daghan ug mga higala mosangpot sa kalaglagan tungod kanila, apan adunay higala nga mahimong mas suod kay sa igsoon.
| איש רעים להתרעע ויש אהב דבק מאח |
