Panultihon 17
1 Mas maayo pa nga adunay kahilom uban sa diyutay nga bahaw nga tinapay kaysa balay nga puno sa kombira apan adunay panag-away.
| טוב פת חרבה ושלוה-בה-- מבית מלא זבחי-ריב |
2 Ang maalamon nga sulugoon maoy magmando sa anak nga magpakaulaw ug makigbahin sa mga katigayonan ingon nga usa sa mga igsoon.
| עבד-משכיל--ימשל בבן מביש ובתוך אחים יחלק נחלה |
3 Ang hulmahan alang sa plata ug ang hudno alang sa bulawan, apan si Yahweh ang magputli sa mga kasingkasing.
| מצרף לכסף וכור לזהב ובחן לבות יהוה |
4 Ang tawo nga nagabuhat ug daotan maminaw niadtong mga nagasultig daotan; ang bakakon motagad niadtong nagasulti ug daotan nga mga butang.
| מרע מקשיב על-שפת-און שקר מזין על-לשון הות |
5 Si bisan kinsa nga nagabiaybiay sa kabos nagatamay sa iyang magbubuhat ug ang nagmaya sa kalisdanan dili makalikay sa silot.
| לעג לרש חרף עשהו שמח לאיד לא ינקה |
6 Ang mga apo maoy korona sa mga tigulang, ug ang mga ginikanan maghatag ug pagpasidungog sa ilang mga anak.
| עטרת זקנים בני בנים ותפארת בנים אבותם |
7 Ang maayo nga pagpanulti dili angay sa usa ka buangbuang; ingon man ang ngabil nga bakakon dili angay sa mga halangdon.
| לא-נאוה לנבל שפת-יתר אף כי-לנדיב שפת-שקר |
8 Ang pagsuhol sama sa usa ka batong salamangka alang niadtong naghatag niini; bisan asa siya paingon, magmalamposon siya.
| אבן-חן השחד בעיני בעליו אל-כל-אשר יפנה ישכיל |
9 Si bisan kinsa ang wala maghunahuna sa sayop nagapangita sa gugma, apan kadtong nagabalik-balik sa usa ka butang makapabulag sa suod nga panaghigala.
| מכסה-פשע מבקש אהבה ושנה בדבר מפריד אלוף |
10 Ang pagbadlong modulot sa kinahiladman sa tawong adunay panabot kaysa gatosan ka lapdos ngadto sa buangbuang.
| תחת גערה במבין-- מהכות כסיל מאה |
11 Ang tawong daotan nangita lamang ug kasamok, busa ang mangtas nga sinugo ipadala batok kaniya.
| אך-מרי יבקש-רע ומלאך אכזרי ישלח-בו |
12 Mas maayo pa nga makasugat ug oso nga gikawatan sa iyang mga anak kay sa makasugat ug usa ka buangbuang diha sa iyang pagkabuang-buang.
| פגוש דב שכול באיש ואל-כסיל באולתו |
13 Kung ang usa ka tawo nagbalos ug daotan sa maayo, ang pagkadaotan dili mobiya sa iyang panimalay.
| משיב רעה תחת טובה-- לא-תמיש (תמוש) רעה מביתו |
14 Ang sinugdanan sa panagbingkil sama sa usa ka tawo nga nagsabwag ug tubig sa bisan asa, busa palayo sa panaglalisay sa dili pa kini modako.
| פוטר מים ראשית מדון ולפני התגלע הריב נטוש |
15 Ang tawo nga magpalingkawas sa mga tawong daotan o maghukom niadtong magbuhat sa matarong— kining duha ka mga tawo dulumtanan kang Yahweh.
| מצדיק רשע ומרשיע צדיק-- תועבת יהוה גם-שניהם |
16 Nganong magsuhol man ang buangbuang ug salapi aron makakat-on mahitungod sa kaalam, nga wala man siyay katakos sa pagkat-on niini?
| למה-זה מחיר ביד-כסיל-- לקנות חכמה ולב-אין |
17 Ang managhigala maghigugmaay sa tanang higayon ug ang managsoon nahimugso sa panahon sa kalisdanan.
| בכל-עת אהב הרע ואח לצרה יולד |
18 Ang tawo nga walay alamag magahimo ug hugot nga mga pakigsaad ug maoy moangkon sa mga utang sa iyang silingan.
| אדם חסר-לב תוקע כף ערב ערבה לפני רעהו |
19 Si bisan kinsa kadtong mahigugma sa panagbingkil nahigugma sa sala; siya nga maghimo sa hataas nga babag sa iyang pultahan maoy mahimong hinungdan nga makabali sa mga bukog.
| אהב פשע אהב מצה מגביה פתחו מבקש-שבר |
20 Ang tawo nga daotan ug kasingkasing walay makaplagan nga maayo; siya nga adunay daotan nga dila mahiagom ngadto sa katalagman.
| עקש-לב לא ימצא-טוב ונהפך בלשונו יפול ברעה |
21 Si bisan kinsa kadtong ginikanan sa buangbuang magdala ug kasubo sa iyang kaugalingon; ug ang amahan sa buangbuang walay kalipay.
| ילד כסיל לתוגה לו ולא-ישמח אבי נבל |
22 Ang malipayon nga kasingkasing maayo nga tambal, apan ang dugmok nga espiritu makauga sa bukog.
| לב שמח ייטיב גהה ורוח נכאה תיבש-גרם |
23 Ang tawong daotan modawat ug tinago nga suhol aron tuison ang dalan sa hustisya.
| שחד מחק רשע יקח-- להטות ארחות משפט |
24 Ang usa ka tawo nga adunay panabot nagatumong sa iyang nawong ngadto sa kaalam, apan ang mata sa buangbuang nagatumong sa tumoy sa kalibotan.
| את-פני מבין חכמה ועיני כסיל בקצה-ארץ |
25 Ang anak nga buangbuang mao ang kasub-anan ngadto sa iyang amahan, ug kapaitan alang sa babaye nga naghimugso kaniya.
| כעס לאביו בן כסיל וממר ליולדתו |
26 Dili usab maayo nga silotan ang nagbuhat ug matarong; ni maayo ang paglatigo sa mga tawong halangdon nga adunay baroganan.
| גם ענוש לצדיק לא-טוב-- להכות נדיבים על-ישר |
27 Ang tawo nga adunay kahibalo mogamit ug diyutay lamang nga mga pulong ug ang tawo nga adunay panabot mapinugnganon.
| חושך אמריו יודע דעת וקר- (יקר-) רוח איש תבונה |
28 Bisan ang buangbuang daw sama sa maalamon kung siya magpakahilom; kung dili siya mosulti, isipon siyang usa ka utokan.
| גם אויל מחריש חכם יחשב אטם שפתיו נבון |
