Panultihon 14
1 Ang maalamong babaye motukod sa iyang panimalay, apan gubaon kini sa buangbuang nga babaye pinaagi sa iyang mga kamot.
| חכמות נשים בנתה ביתה ואולת בידיה תהרסנו |
2 Ang tawong naglakaw sa pakamatarong adunay kahadlok kang Yahweh, apan ang tawo nga dili matinud-anaon sa iyang mga dalan nagsalikway kaniya.
| הולך בישרו ירא יהוה ונלוז דרכיו בוזהו |
3 Gikan sa baba sa buangbuang mogawas ang salingsing sa iyang garbo, apan ang ngabil sa maalamon magtipig kanila.
| בפי-אויל חטר גאוה ושפתי חכמים תשמורם |
4 Kung walay mga baka ang pasungan hinlo, apan ang kadagaya sa pananom moabot pinaagi sa kusog sa baka.
| באין אלפים אבוס בר ורב-תבואות בכח שור |
5 Ang matinud-anon nga saksi dili mamakak, apan ang mini nga saksi mobuga ug mga bakak.
| עד אמונים לא יכזב ויפיח כזבים עד שקר |
6 Ang mayubiton mangita sa kaalam ug walay makaplagan, apan ang kahibalo sayon lang moabot ngadto sa tawong adunay panabot.
| בקש-לץ חכמה ואין ודעת לנבון נקל |
7 Palayo sa tawong buangbuang, kay dili ka makakaplag ug kahibalo sa iyang mga ngabil.
| לך מנגד לאיש כסיל ובל-ידעת שפתי-דעת |
8 Ang kaalam sa tawong maampingon mao ang pagsabot sa iyang kaugalingong dalan, apan ang kabuang sa mga buangbuang mao ang pagpanglimbong.
| חכמת ערום הבין דרכו ואולת כסילים מרמה |
9 Mayubiton ang mga buangbuang kung ang halad sa sala ihalad, apan taliwala sa matarong ang pabor gipaambit.
| אולים יליץ אשם ובין ישרים רצון |
10 Nasayod ang kasingkasing sa iyang kaugalingong kapaitan ug walay langyaw nga moambit sa kalipay niini.
| לב--יודע מרת נפשו ובשמחתו לא-יתערב זר |
11 Ang balay sa tawong daotan magun-ob, apan ang barongbarong sa tawong matarong malig-on.
| בית רשעים ישמד ואהל ישרים יפריח |
12 Adunay dalan nga daw matarong alang sa usa ka tawo, apan sa kataposan niini mopadulong sa kamatayon.
| יש דרך ישר לפני-איש ואחריתה דרכי-מות |
13 Ang kasingkasing makahimo sa pagkatawa apan anaa gihapon sa kasakitan ug ang kalipay mosangpot sa kasub-anan.
| גם-בשחק יכאב-לב ואחריתה שמחה תוגה |
14 Ang tawong dili matinud-anon makaangkon kung unsa ang angay sa iyang mga dalan, apan ang maayong tawo makaangkon kung unsay ang iyaha.
| מדרכיו ישבע סוג לב ומעליו איש טוב |
15 Ang tawo nga wala gitudlo-an motuo sa bisan unsang butang, apan ang tawo nga maampingon maghunahuna sa iyang mga lakang.
| פתי יאמין לכל-דבר וערום יבין לאשרו |
16 Ang tawo nga maalamon mahadlokon ug mopalayo sa daotan, apan ang buangbuang mosalikway gayod sa pagpasidaan.
| חכם ירא וסר מרע וכסיל מתעבר ובוטח |
17 Ang tawong dali ra masuko nagabuhat sa buangbuang nga mga butang, ug gikasilagan ang tawong naglaraw ug daotan.
| קצר-אפים יעשה אולת ואיש מזמות ישנא |
18 Ang yano nga tawo makapanunod sa pagkabuangbuang, apan ang maalamon nga mga tawo napalibotan sa kahibalo.
| נחלו פתאים אולת וערומים יכתרו דעת |
19 Kadtong mga daotan moyukbo sa atubangan niadtong matarong ug kadtong mga daotan moyukbo sa mga ganghaan sa mga matarong.
| שחו רעים לפני טובים ורשעים על-שערי צדיק |
20 Ang tawong kabos dumtan bisan sa iyang mga kauban, apan ang tawong adunahan daghan ug mga higala.
| גם-לרעהו ישנא רש ואהבי עשיר רבים |
21 Ang tawong nagtamay sa iyang silingan nakasala, apan ang tawong nagpakita ug kaluoy sa mga kabos malipayon.
| בז-לרעהו חוטא ומחונן עניים (ענוים) אשריו |
22 Dili ba kadtong naglaraw ug daotan mahisalaag man? Apan kadtong nagplano sa pagbuhat ug maayo makadawat sa pagkamatinud-anon sa kasabotan ug pagkamasaligan.
| הלוא-יתעו חרשי רע וחסד ואמת חרשי טוב |
23 Uban sa tanang kakugi moabot ang ganansiya, apan kung kanunay lamang panagsultihanay, mogiya kini sa pagkakabos.
| בכל-עצב יהיה מותר ודבר-שפתים אך-למחסור |
24 Ang korona sa tawong maalamon mao ang ilang bahandi, apan ang pagkabuangbuang sa mga buangbuang magdala lamang kanila sa dugang kabuang.
| עטרת חכמים עשרם אולת כסילים אולת |
25 Ang matinud-anon nga saksi moluwas sa mga kinabuhi, apan ang mini nga saksi mobuga ug mga bakak.
| מציל נפשות עד אמת ויפח כזבים מרמה |
26 Kung ang usa ka tawo adunay kahadlok kang Yahweh, siya usab adunay hilabihang pagsalig kaniya; kining mga butanga sama sa lig-ong dapit nga mapanalipdan sa mga anak nianing tawhana.
| ביראת יהוה מבטח-עז ולבניו יהיה מחסה |
27 Ang kahadlok kang Yahweh maoy tuboran sa kinabuhi, aron nga motalikod ang tawo gikan sa lit-ag sa kamatayon.
| יראת יהוה מקור חיים-- לסור ממקשי מות |
28 Ang himaya sa hari makita diha sa kadaghan sa iyang katawhan, apan kung walay mga tawo ang prinsipe magguba.
| ברב-עם הדרת-מלך ובאפס לאם מחתת רזון |
29 Ang tawong mapailubon adunay dakong panabot, apan ang tawong dali ra masuko motuboy sa pagkabuangbuang.
| ארך אפים רב-תבונה וקצר-רוח מרים אולת |
30 Ang malinawon nga kasingkasing mao ang kinabuhi sa lawas, apan ang kasina modunot sa kabukogan.
| חיי בשרים לב מרפא ורקב עצמות קנאה |
31 Ang tawong nagdaogdaog sa mga kabos nagatunglo sa iyang Magbubuhat, apan ang tawong nagpakita ug kaluoy sa nanginahanglan nagpasidungog kaniya.
| עשק דל חרף עשהו ומכבדו חנן אביון |
32 Ang tawong daotan malaglag pinaagi sa iyang daotang mga binuhatan, apan ang tawong matarong adunay dalangpanan bisan diha sa kamatayon.
| ברעתו ידחה רשע וחסה במותו צדיק |
33 Ang kaalam anaa sa kasingkasing sa adunay panabot, apan bisan sa taliwala sa mga buangbuang gipaila niya ang iyang kaugalingon.
| בלב נבון תנוח חכמה ובקרב כסילים תודע |
34 Ang pagbuhat kung unsa ang matarong motuboy sa nasod, apan ang sala kaulawan sa kang bisan kinsa.
| צדקה תרומם-גוי וחסד לאמים חטאת |
35 Ang kaluoy sa hari anaa sa sulugoon nga nagmaampingon, apan ang iyang kasuko alang sa tawo nga nagpakaulaw.
| רצון-מלך לעבד משכיל ועברתו תהיה מביש |
