Job 6
1 Unya mitubag si Job ug miingon,
| ויען איוב ויאמר |
2 “Kung matimbang pa lamang unta ang akong pag-agulo; kung ang tanan kong kagul-anan mapahimutang pa sa timbangan!
| לו--שקול ישקל כעשי והיתי (והותי) במאזנים ישאו-יחד |
3 Kay karon mas bug-at pa kini kay sa balas sa kadagatan. Mao kana ang hinungdan nga sakit ang akong mga pulong.
| כי-עתה--מחול ימים יכבד על-כן דברי לעו |
4 Kay ang pana sa Makagagahom mitaop man kanako, miinom sa hilo ang akong espiritu; ang kalisang sa Dios naglaray sa pagpakigbatok kanako.
| כי חצי שדי עמדי--אשר חמתם שתה רוחי בעותי אלוה יערכוני |
5 Magabahihi ba sa kaguol ang ihalas nga asno kung siya aduna pay sagbot? O magaunga ba ang baka kung siya may kumpay?
| הינהק-פרא עלי-דשא אם יגעה-שור על-בלילו |
6 Makaon ba ang walay lami nga pagkaon kung walay asin? O aduna bay lami ang puti sa itlog?
| היאכל תפל מבלי-מלח אם-יש-טעם בריר חלמות |
7 Nagdumili ako sa paghikap niini; sama sila sa kalan-on nga luod alang kanako.
| מאנה לנגוע נפשי המה כדוי לחמי |
8 O, maangkon ko unta ang akong gipangayo; O, nga tumanon unta sa Dios ang butang nga akong gipangandoy:
| מי-יתן תבוא שאלתי ותקותי יתן אלוה |
9 nga makapahimuot unta kini sa Dios ang pagdugmok kanako, nga buhian unta niya ang iyang kamot ug putlon ako niining kinabuhia!
| ויאל אלוה וידכאני יתר ידו ויבצעני |
10 Nga mao na unta kini ang akong ganti—bisan paman kung maglipay ako sa kasakit nga dili mawala: nga wala ko ilimod ang mga pulong sa Balaang Pinili.
| ותהי-עוד נחמתי-- ואסלדה בחילה לא יחמול כי-לא כחדתי אמרי קדוש |
11 Unsa ba ang akong kusog, nga ako magapaabot man? Unsa ba ang akong kataposan, nga ako magpakabuhi pa man?
| מה-כחי כי-איחל ומה-קצי כי-אאריך נפשי |
12 Ang kusog ba sa mga bato ang akong kusog? O binuhat ba sa tumbaga ang akong unod?
| אם-כח אבנים כחי אם-בשרי נחוש |
13 Dili ba tinuod man kini nga wala akoy ikatabang sa akong kaugalingon, ug ang kaalam gipapahawa na kanako?
| האם אין עזרתי בי ותשיה נדחה ממני |
14 Ngadto sa tawo nga hapit nang maluya, ang pagkamatinud-anon kinahanglan ipakita sa iyang higala; bisan paman kaniya nga mibiya sa kahadlok sa Makagagahom.
| למס מרעהו חסד ויראת שדי יעזוב |
15 Apan ang akong kaigsoonan nagluib kanako ingon nga ugang sapa, sama sa tubig sa kasapaan nga molabay lamang kadali,
| אחי בגדו כמו-נחל כאפיק נחלים יעברו |
16 nga miitom tungod sa yelo nga mitabon kanila, ug tungod sa niyebe nga nagtago niini.
| הקדרים מני-קרח עלימו יתעלם-שלג |
17 Sa pagkatunaw niini, mangawala sila; sa dihang ting-init, mangatunaw sila sa ilang dapit.
| בעת יזרבו נצמתו בחמו נדעכו ממקומם |
18 Ang mga magbabaklay nga nanglakaw sa ilang dalan misimang alang sa tubig; nangasaag sila didto sa mamingaw nga yuta ug unya nangalaglag.
| ילפתו ארחות דרכם יעלו בתהו ויאבדו |
19 Ang mga magbabaklay nga gikan sa Tema mingtan-aw didto, samtang ang kapundokan sa Seba naglaom kanila.
| הביטו ארחות תמא הליכת שבא קוו-למו |
20 Nasubo sila tungod kay naglaom sila nga makakita ug tubig. Miadto sila didto, apan nalimbongan sila.
| בשו כי-בטח באו עדיה ויחפרו |
21 Kay karon kamong mga higala wala nay pulos alang kanako; nakakita kamo sa akong makalilisang nga kahimtang ug nangahadlok.
| כי-עתה הייתם לא תראו חתת ותיראו |
22 Nag-ingon ba ako kaninyo, 'Hatagi ako ug usa ka butang?' O, 'Hatagi ako ug gasa gikan sa inyong bahandi?'
| הכי-אמרתי הבו לי ומכחכם שחדו בעדי |
23 O, 'Luwasa ako gikan sa kamot sa akong mga kaaway?' O, 'Bawia ako gikan sa kamot sa mga nagdaogdaog kanako?'
| ומלטוני מיד-צר ומיד עריצים תפדוני |
24 Tudloi ako, ug pagagunitan ko ang akong kalinaw; pasabta ako kung asa ako nasayop.
| הורוני ואני אחריש ומה-שגיתי הבינו לי |
25 Pagkasakit gayod sa matuod nga mga pulong! Apan ang inyong pagbadlong, unsay gibadlong niana kanako?
| מה-נמרצו אמרי-ישר ומה-יוכיח הוכח מכם |
26 Naglaraw ba kamo nga dili tagdon ang akong mga pulong, ang pagtagad sama sa hangin sa mga pulong sa tawong nawad-an ug paglaom?
| הלהוכח מלים תחשבו ולרוח אמרי נואש |
27 Tinuod, giripahan ninyo ang mga batang ilo, ug mibaligya sa inyong mga higala sama sa nagpatigayon.
| אף-על-יתום תפילו ותכרו על-ריעכם |
28 Busa karon, tan-awa intawon ako, kay sigurado gayod nga dili ako mamakak diha sa inyong atubangan.
| ועתה הואילו פנו-בי ועל-פניכם אם-אכזב |
29 Hunong na, nagpakiluoy ako kaninyo; wad-a ang inyong pagkadili-makatarunganon; Sa pagkatinuod, hunonga na, kay ang akong tinguha matarong.
| שובו-נא אל-תהי עולה ושבי (ושבו) עוד צדקי-בה |
30 Aduna bay daotan sa akong dila? Dili ba ang akong baba makaila man sa malaw-ay nga mga butang?
| היש-בלשוני עולה אם-חכי לא-יבין הוות |
