Job 41
1 Madakpan ba nimo ang Leviathan pinaagi sa taga sa isda? O mahiktan ang iyang panga pinaagi sa pisi?
| תמשך לויתן בחכה ובחבל תשקיע לשנו׃ |
2 Makabutang ka ba ug pisi sa iyang ilong, o makatusok sa iyang panga pinaagi sa taga?
| התשים אגמון באפו ובחוח תקוב לחיו׃ |
3 Magpakiluoy ba siya sa makadaghan kanimo? Magsulti ba siya ug mga malumo nga mga pulong kanimo?
| הירבה אליך תחנונים אם ידבר אליך רכות׃ |
4 Maghimo ba siya ug kasabotan uban kanimo, nga himoon nimo siyang sulugoon hangtod sa kahangtoran?
| היכרת ברית עמך תקחנו לעבד עולם׃ |
5 Makigdula ka ba kaniya sama sa imong buhaton sa langgam? Hiktan ba nimo siya alang sa imong mga sulugoon nga mga babaye?
| התשחק בו כצפור ותקשרנו לנערותיך׃ |
6 Makigbaylo ba alang kaniya ang mga pundok sa mga mananagat? Bahinbahinon ba nila siya aron ibaylo ngadto sa mga nagpatigayon?
| יכרו עליו חברים יחצוהו בין כנענים׃ |
7 Madutlan ba nimo ang iyang panit pinaagi sa tinalinisan nga puthaw o ang iyang ulo pinaagi sa mga bangkaw alang sa isda?
| התמלא בשכות עורו ובצלצל דגים ראשו׃ |
8 Guniti siya sa makausa, ug mahinumdoman nimo ang gubat ug dili na kini buhaton pag-usab.
| שים עליו כפך זכר מלחמה אל תוסף׃ |
9 Tan-awa, ang paglaom ni bisan kinsa nga nagbuhat niana usa lamang ka bakak; dili ba matumba sa yuta ang si bisan kinsa pinaagi lamang sa pagtan-aw kaniya?
| הן תחלתו נכזבה הגם אל מראיו יטל׃ |
10 Walay bangis nga makaako sa pagpukaw sa Leviathan; unya, kinsa man siya nga makabarog sa akong atubangan?
| לא אכזר כי יעורנו ומי הוא לפני יתיצב׃ |
11 Kinsa man ang unang nakahatag kanako ug bisan unsa aron nga bayran ko siya pagbalik?
| מי הקדימני ואשלם תחת כל השמים לי הוא׃ |
12 Akoa ang bisan unsa nga anaa ilalom sa kawanangan. Dili ako magpakahilom mahitungod sa mga batiis sa Leviathan, ni mahitungod sa iyang pagkakusgan, ni mahitungod sa iyang matahom nga panagway.
| לא אחריש בדיו ודבר גבורות וחין ערכו׃ |
13 Kinsa man ang makalangkat sa iyang panggawas nga sapot? Kinsa man ang makapadulot sa iyang duha ka sapaw nga kalasag?
| מי גלה פני לבושו בכפל רסנו מי יבוא׃ |
14 Kinsa man ang makaabli sa mga pultahan sa iyang nawong— gipalibotan sa iyang ngipon, nga makalilisang?
| דלתי פניו מי פתח סביבות שניו אימה׃ |
15 Ang iyang likod hinimo gikan sa naglaray nga mga taming, hugot kaayo sama sa usa ka nasirado nga selyo.
| גאוה אפיקי מגנים סגור חותם צר׃ |
16 Duol kaayo ang usa ngadto sa usa nga walay hangin nga makasulod niini.
| אחד באחד יגשו ורוח לא יבוא ביניהם׃ |
17 Nahiusa sila sa matag usa; dug-ol kaayo sila, aron dili sila mabulag.
| איש באחיהו ידבקו יתלכדו ולא יתפרדו׃ |
18 Sa iyang pagpangusmo may mokidlap nga kayahag; ang iyang mga mata sama sa tabontabon sa banagbanag sa kabuntagon.
| עטישתיו תהל אור ועיניו כעפעפי שחר׃ |
19 Nagagawas gikan sa iyang baba ang nagkalayo nga mga sulo, daw nangambak ang siga sa kalayo.
| מפיו לפידים יהלכו כידודי אש יתמלטו׃ |
20 Nagagawas gikan sa bangag sa iyang ilong ang aso nga sama sa nagbukal nga kolon diha sa kalayo diin gipaypayan aron moinit ug maayo.
| מנחיריו יצא עשן כדוד נפוח ואגמן׃ |
21 Ang iyang gininhawa makapasilaob sa mga uling ngadto sa kalayo; mogawas ang kalayo gikan sa iyang baba.
| נפשו גחלים תלהט ולהב מפיו יצא׃ |
22 Ang pagkakusgan anaa sa iyang liog, ug ang kalisang nagasayaw diha sa iyang atubangan.
| בצוארו ילין עז ולפניו תדוץ דאבה׃ |
23 Ang mga bahin sa iyang unod nagtapot; lig-on kini ngadto kaniya; dili kini matarog.
| מפלי בשרו דבקו יצוק עליו בל ימוט׃ |
24 Ang iyang kasingkasing sama kagahi sa bato— sa pagkatinuod, sama kagahi sa bato nga anaa sa ubos nga bahin sa galingan.
| לבו יצוק כמו אבן ויצוק כפלח תחתית׃ |
25 Sa dihang motindog siya, bisan ang mga diosdios mangahadlok; tungod sa kahadlok, moatras sila.
| משתו יגורו אלים משברים יתחטאו׃ |
26 Kung tigbason siya pinaagi sa espada, wala kini mahimo— ug bisan pa ang bangkaw, ang pana, o bisan unsang talinis nga hinagiban.
| משיגהו חרב בלי תקום חנית מסע ושריה׃ |
27 Alang kaniya ang puthaw daw usa lamang ka uhay, ug ang tumbaga daw usa lamang ka gabok nga kahoy.
| יחשב לתבן ברזל לעץ רקבון נחושה׃ |
28 Dili makapadagan kaniya ang pana; alang kaniya ang mga lambuyog mahimong tipasi.
| לא יבריחנו בן קשת לקש נהפכו לו אבני קלע׃ |
29 Ang mga bunal giisip ingon nga uhay; nagkatawa siya sa hinadyong sa mga bangkaw.
| כקש נחשבו תותח וישחק לרעש כידון׃ |
30 Ang ilalom niyang bahin sama sa hait nga mga tipik sa buak nga mga kolon; nagabilin siya ug agi diha sa lapok ingon nga kini usa ka balsa nga panggiok.
| תחתיו חדודי חרש ירפד חרוץ עלי טיט׃ |
31 Gipabula niya ang kahiladman sama sa nagbukal nga tubig diha sa kolon; gihimo niya ang dagat nga sama sa kolon sa lana.
| ירתיח כסיר מצולה ים ישים כמרקחה׃ |
32 Gipadan-ag niya ang iyang maagian; makahunahuna ang tawo nga puti ang kahiladman.
| אחריו יאיר נתיב יחשב תהום לשיבה׃ |
33 Walay makatupong kaniya dinhi sa kalibotan, nga gimugna aron magpuyo nga walay kahadlok.
| אין על עפר משלו העשו לבלי חת׃ |
34 Nagtan-aw siya sa tanang butang nga adunay garbo; hari siya sa tanang mga anak sa garbo.”
| את כל גבה יראה הוא מלך על כל בני שחץ׃ |
