Job 22
1 Unya mitubag si Elifaz nga Temanihanon ug miingon,
| ויען אליפז התמני ויאמר |
2 “Magamit ba gayod ang tawo diha sa Dios? Magamit ba gayod ang maalamon nga tawo diha kaniya?
| הלאל יסכן-גבר-- כי-יסכן עלימו משכיל |
3 Makapalipay ba sa Makagagahom kung ikaw matarong? Maayo ba kini kaniya kung walay ikasaway sa imong mga pamaagi?
| החפץ לשדי כי תצדק ואם-בצע כי-תתם דרכיך |
4 Tungod ba sa imong pagtahod kaniya nga siya nagbadlong kanimo ug nagdala kanimo sa hukmanan?
| המיראתך יכיחך יבוא עמך במשפט |
5 Dili ba dako ang imong kadaotan? Wala bay kataposan ang imong kasal-nan?
| הלא רעתך רבה ואין-קץ לעונתיך |
6 Tungod kay imong gisiguro ang bayad gikan sa imong igsoon sa walay hinungdan; gihuboan nimo ang usa ka tawo sa ilang sapot.
| כי-תחבל אחיך חנם ובגדי ערומים תפשיט |
7 Wala nimo gihatagan ug tubig nga mainom ang mga tawong gipangkapoy; nagdinalo ka ug tinapay sa mga tawong gipanggutom,
| לא-מים עיף תשקה ומרעב תמנע-לחם |
8 bisan tuod ikaw, ang kusgan ug usa ka halangdon nga tawo, nagpanag-iya sa kalibotan ug nagpuyo niini.
| ואיש זרוע לו הארץ ונשוא פנים ישב בה |
9 Gipapahawa nimo ang mga biyuda nga walay dala; ang mga bukton sa walay mga amahan nangabali.
| אלמנות שלחת ריקם וזרעות יתמים ידכא |
10 Busa, ang mga lit-ag naglibot kanimo, ug ang kalit nga kahadlok makapagubot kanimo.
| על-כן סביבותיך פחים ויבהלך פחד פתאם |
11 Adunay kangitngit, hinungdan nga dili ka makakita; ug ang kadagaya sa tubig magatabon kanimo.
| או-חשך לא-תראה ושפעת-מים תכסך |
12 Dili ba ang Dios anaa man sa langit? Tan-awa ang kataas sa mga bituon, unsa sila kataas!
| הלא-אלוה גבה שמים וראה ראש כוכבים כי-רמו |
13 Makaingon kamo, 'Unsa man ang nasayran sa Dios? Makahukom ba siya pinaagi sa kabaga sa kangitngit?
| ואמרת מה-ידע אל הבעד ערפל ישפוט |
14 Ang baga nga mga panganod nagatabon kaniya, aron nga dili siya makakita kanato; nagalakaw siya sa lig-on nga ali sa langit.'
| עבים סתר-לו ולא יראה וחוג שמים יתהלך |
15 Ipadayon mo ba gihapon ang daang dalan nga gisubay sa tawong daotan—
| הארח עולם תשמור-- אשר דרכו מתי-און |
16 alang niadtong gisakmit sa wala pa ang ilang panahon, kadtong gianod ang ilang mga patukoranan sama sa suba,
| אשר-קמטו ולא-עת נהר יוצק יסודם |
17 kadtong miingon sa Dios, 'Palayo kanamo'; kadtong nagsulti, 'Unsa man ang mabuhat sa Makagagahom kanato?'
| האמרים לאל סור ממנו ומה-יפעל שדי למו |
18 Hinuon gipuno niya ang ilang mga balay sa maayong mga butang; ang mga laraw sa daotang mga tawo halayo kanako.
| והוא מלא בתיהם טוב ועצת רשעים רחקה מני |
19 Makakita ang matarong nga mga tawo sa ilang kapalaran ug malipay; ang walay kabangkaagang mga tawo magkatawa kanila sa pagtamay.
| יראו צדיקים וישמחו ונקי ילעג-למו |
20 Magaingon sila, 'Sa pagkatinuod kadtong magaalsa batok kanato mangawala; ang kalayo maglamoy sa ilang mga kabtangan.'
| אם-לא נכחד קימנו ויתרם אכלה אש |
21 Karon pag-uyon sa Dios ug pagpasig-uli uban kaniya; kay sa niana nga paagi, ang maayo moabot kanimo.
| הסכן-נא עמו ושלם בהם תבואתך טובה |
22 Dawata, naghangyo ako kanimo, ang pagpanudlo naggikan sa iyang baba; ibutang ang iyang mga pulong sa imong kasingkasing.
| קח-נא מפיו תורה ושים אמריו בלבבך |
23 Kung mobalik ka sa Makagagahom, mahimo kang lig-on, kung ipahilayo nimo ang daotan diha sa imong mga tolda.
| אם-תשוב עד-שדי תבנה תרחיק עולה מאהלך |
24 Ibutang ang imong katigayonan sa abog, ang bulawan sa Ophir nga anaa sa mga bato sa kasapaan,
| ושית-על-עפר בצר ובצור נחלים אופיר |
25 ug ang Makagagahom mao ang imong bahandi, ug bililhon nga plata alang kanimo.
| והיה שדי בצריך וכסף תועפות לך |
26 Ug unya magmalipayon ka tungod sa Makagagahom; ihangad nimo ang imong nawong ngadto sa Dios.
| כי-אז על-שדי תתענג ותשא אל-אלוה פניך |
27 Moampo ka kaniya, ug dunggon ka niya; mobayad ka sa imong panumpa kaniya.
| תעתיר אליו וישמעך ונדריך תשלם |
28 Magbuhat ka ug bisan unsa nga butang, ug himoon kining malampuson alang kanimo; modan-ag ang kahayag sa imong mga dalan.
| ותגזר-אמר ויקם לך ועל-דרכיך נגה אור |
29 Ipaubos sa Dios kadtong mapahitas-on nga tawo, ug luwason niya kadtong nagpaubos.
| כי-השפילו ותאמר גוה ושח עינים יושע |
30 Tabangan niya ang tawo nga walay kabangkaagan; luwason ka pinaagi sa kahinlo sa imong mga kamot.”
| ימלט אי-נקי ונמלט בבר כפיך |
