Job 16
1 Unya mitubag si Job ug miingon,
| ויען איוב ויאמר |
2 “Nakadungog na ako sa daghang mga butang nga ingon niana; kamong tanan walay pulos nga manghuhupay.
| שמעתי כאלה רבות מנחמי עמל כלכם |
3 Aduna bay katapusan ang walay hinungdan nga mga pulong? Unsa bay nakapahagit kaninyo nga mitubag man kamo sama niini?
| הקץ לדברי-רוח או מה-ימריצך כי תענה |
4 Makasulti usab ako sama sa inyong gibuhat, kung kamo pa ang anaa sa akong kahimtang; Makatigom ako ug usahon ang mga pulong batok kaninyo ug magpanglingo sa akong ulo sa pagbugalbugal kaninyo.
| גם אנכי-- ככם אדברה לו יש נפשכם תחת נפשי-- אחבירה עליכם במלים ואניעה עליכם במו ראשי |
5 O, pagadasigun ko gayod kamo sa akong baba! Pagahupayon ko gayod ang inyong kasubo gikan sa akong mga ngabil!
| אאמצכם במו-פי וניד שפתי יחשך |
6 Kung mosulti ako, ang akong pagsubo dili mokunhod; kung magpadayon ako sa pagsulti, sa unsang paagi ako matabangan?
| אם-אדברה לא-יחשך כאבי ואחדלה מה-מני יהלך |
7 Apan karon, O Dios, gipasubo mo ako; gikuha mo ang tanan kong pamilya.
| אך-עתה הלאני השמות כל-עדתי |
8 Gihimo mo akong uga, nga maoy usa ka pagpamatuod batok kanako; ang kapayat sa akong kalawasan mibatok kanako, ug nagpamatuod kini batok sa akong panagway.
| ותקמטני לעד היה ויקם בי כחשי בפני יענה |
9 Gikuniskunis ako sa Dios sa iyang kapungot ug gilutos ako; mikagot ang iyang ngipon kanako; gisigaan ako sa mga mata sa akong kaaway samtang iya akong gikuniskunis.
| אפו טרף וישטמני--חרק עלי בשניו צרי ילטש עיניו לי |
10 Nagnganga ang baba sa mga tawo; gisagpa nila ang akong aping uban ang pagpakaulaw; nagkatigom sila batok kanako.
| פערו עלי בפיהם--בחרפה הכו לחיי יחד עלי יתמלאון |
11 Gitugyan ako sa Dios sa dili diosnon nga mga tawo, ug gilabay ako ngadto sa mga kamot sa mga tawong daotan.
| יסגירני אל אל עויל ועל-ידי רשעים ירטני |
12 Anaa ako sa kaharuhay, ug iya akong gipikas. Tinuod gayod, gituok niya ang ako ug gidugmok ako sa pino; gihimo usab niya ako ingon nga iyang ig-onon.
| שלו הייתי ויפרפרני-- ואחז בערפי ויפצפצני ויקימני לו למטרה |
13 Ang iyang mga magpapana nag-alirong kanako sa tanang higayon; gitusok sa Dios ang akong mga kidney ug wala niya ako luwasa; giula niya ang akong apdo sa yuta.
| יסבו עלי רביו-- יפלח כליותי ולא יחמל ישפך לארץ מררתי |
14 Gibalikbalik niya sa pagdugmok ang akong pader; midasmag siya kanako sama sa manggugubat.
| יפרצני פרץ על-פני-פרץ ירץ עלי כגבור |
15 Gitahi ko ang sako nga bisti sa akong panit; Gihulog ko ang akong budyong ngadto sa yuta.
| שק תפרתי עלי גלדי ועללתי בעפר קרני |
16 Ang akong panagway mipula na sa paghilak; sa akong mga mata anaa ang landong sa kamatayon
| פני חמרמרה (חמרמרו) מני-בכי ועל עפעפי צלמות |
17 bisan walay pagpanlupig ang akong mga kamot, ug putli ang akong mga pag-ampo.
| על לא-חמס בכפי ותפלתי זכה |
18 Yuta, ayaw taboni ang akong dugo; ayaw papahulaya ang akong paghilak.
| ארץ אל-תכסי דמי ואל-יהי מקום לזעקתי |
19 Bisan karon, tan-awa, ang akong saksi atua sa langit; siya nga nagsaksi alang kanako atua sa kahitas-an.
| גם-עתה הנה-בשמים עדי ושהדי במרמים |
20 Gibiaybiay ako sa akong mga higala, apan ang akong mata mihilak ngadto sa Dios.
| מליצי רעי אל-אלוה דלפה עיני |
21 Maghangyo ako nianang saksi sa langit aron mangatarungan alang niining tawhana uban sa Dios sama sa gibuhat sa usa ka tawo ngadto sa iyang silingan!
| ויוכח לגבר עם-אלוה ובן-אדם לרעהו |
22 Kay sa paglabay sa pipila ka mga katuigan, moadto ako sa dapit nga kung diin dili na ako mobalik pa.
| כי-שנות מספר יאתיו וארח לא-אשוב אהלך |
