Job 15
1 Unya si Eliphaz nga taga Teman mitubag ug miingon,
| ויען אליפז התימני ויאמר |
2 “Kinahanglan ba nga motubag ang usa ka maalamong tawo pinasikad sa mga walay hinungdan nga kahibalo ug pun-on ang iyang kaugalingon sa hangin sa sidlakan?
| החכם יענה דעת-רוח וימלא קדים בטנו |
3 Kinahanglan ba nga mangatarungan siya sa walay kapuslanang mga pagpanulti o uban sa pagpamulong nga dili makaayo kaniya?
| הוכח בדבר לא-יסכון ומלים לא-יועיל בם |
4 Tinuod gayod, nawad-an ka na ug pagtahod sa Dios; nawala na ang imong pagpamalandong kaniya,
| אף-אתה תפר יראה ותגרע שיחה לפני-אל |
5 kay ang imong kasaypanan nagatudlo sa imong baba; gipili nimo ang pagbaton sa dila sa tawong malimbongon.
| כי יאלף עונך פיך ותבחר לשון ערומים |
6 Ang imong kaugalingong baba naghukom kanimo, dili ako; tinuod gayod, ang imong kaugalingong ngabil nagpamatuod batok kanimo.
| ירשיעך פיך ולא-אני ושפתיך יענו-בך |
7 Ikaw ba ang unang tawo nga nahimugso? Nauna ka na ba diay nga gibuhat sa wala pa ang kabungtoran?
| הראישון אדם תולד ולפני גבעות חוללת |
8 Nadungog mo na ba ang mga tinagong kahibalo sa Dios? Gituga lang ba alang sa imong kaugalingon ang kaalam?
| הבסוד אלוה תשמע ותגרע אליך חכמה |
9 Unsa ba ang imong nasayran nga wala namo masayri? Unsa man ang imong nasabtan nga wala kanamo?
| מה-ידעת ולא נדע תבין ולא-עמנו הוא |
10 Ania kanamo ang mga ubanon ug tigulang na kaayo nga mga tawo nga mas magulang pa kay sa imong amahan.
| גם-שב גם-ישיש בנו-- כביר מאביך ימים |
11 Gamay lang ba diay alang kanimo ang mga paglipay sa Dios, ang mga pulong nga malumo alang kanimo?
| המעט ממך תנחומות אל ודבר לאט עמך |
12 Nganong nadala ka man sa imong kasingkasing? Nganong hait man ang imong tinan-awan,
| מה-יקחך לבך ומה-ירזמון עיניך |
13 aron ba makabatok ang imong espiritu ngadto sa Dios ug maipagawas kanang mga pulonga gikan sa imong baba?
| כי-תשיב אל-אל רוחך והצאת מפיך מלין |
14 Unsa ba ang tawo nga kinahanglan man siyang hinloan? Unsa ba siya nga gihimugso sa usa ka babaye nga kinahanglan man siyang ipakamatarong?
| מה-אנוש כי-יזכה וכי-יצדק ילוד אשה |
15 Tan-awa, ang Dios wala mosalig bisan sa iyang mga balaan; tinuod gayod, ang kalangitan dili hinlo sa iyang panan-aw;
| הן בקדשו לא יאמין ושמים לא-זכו בעיניו |
16 labi pa nga dili hinlo ang tawo nga malaw-ay ug malimbongon, ang tawo nga naga-inom sa kasaypanan sama sa tubig!
| אף כי-נתעב ונאלח איש-שתה כמים עולה |
17 Ipakita ko kanimo, paminawa ako; Ipahibalo ko kanimo ang mga butang nga akong nakita,
| אחוך שמע-לי וזה-חזיתי ואספרה |
18 ang mga butang nga gikabilin sa mga maalamong tawo gikan pa sa ilang mga amahan, ang mga butang nga wala gililong sa ilang mga katigulangan.
| אשר-חכמים יגידו ולא כחדו מאבותם |
19 Mao kini ang ilang mga katigulangan, nga kanila lamang gihatag ang yuta, ug sa taliwala niini wala malabyi sa mga langyaw.
| להם לבדם נתנה הארץ ולא-עבר זר בתוכם |
20 Ang tawong daotan molimbaglimbag sa kasakit sa tanan niyang mga adlaw, ang kadaghan sa mga katuigan nga giandam alang sa madaugdaogon aron paantuson.
| כל-ימי רשע הוא מתחולל ומספר שנים נצפנו לעריץ |
21 Ang tingog sa kalisang anaa sa iyang mga igdulungog; samtang anaa siya sa kauswagan, ang manglalaglag moabot kaniya.
| קול-פחדים באזניו בשלום שודד יבואנו |
22 Wala siya naghunahuna nga makabalik pa siya gikan sa kangitngit; ang espada nagpaabot kaniya.
| לא-יאמין שוב מני-חשך וצפו (וצפוי) הוא אלי-חרב |
23 Naglakawlakaw siya sa nagkalainlaing mga dapit alang sa tinapay, nga nagaingon, 'Asa naman kini?' Nasayod siya nga ang adlaw sa kangitngit moabotay.
| נדד הוא ללחם איה ידע כי-נכון בידו יום-חשך |
24 Ang kaguol ug kasakit makapahadlok kaniya; mopatigbabaw kini kaniya, sama sa hari nga andam alang sa pakiggubat.
| יבעתהו צר ומצוקה תתקפהו כמלך עתיד לכידור |
25 Tungod kay gituy-od niya ang iyang kamot batok sa Dios ug nagmagarbohon batok sa Makagagahom,
| כי-נטה אל-אל ידו ואל-שדי יתגבר |
26 kining tawong daotan miasdang sa Dios uban ang liog nga nagtikig, uban sa baga nga taming.
| ירוץ אליו בצואר בעבי גבי מגניו |
27 Tinuod gayod kini, bisan gilukop niya ang iyang panagway sa iyang tambok ug gitigom ang tambok sa iyang hawak,
| כי-כסה פניו בחלבו ויעש פימה עלי-כסל |
28 ug nagpuyo sa mamingaw nga mga siyudad; sa mga balay nga wala nay tawo nga nagpuyo karon ug andam na nga mahimong tipun-og.
| וישכון ערים נכחדות--בתים לא-ישבו למו אשר התעתדו לגלים |
29 Dili na gayod siya maadunahan; ang iyang bahandi dili na molungtad; bisan pa ang iyang anino dili molungtad sa kalibotan.
| לא-יעשר ולא-יקום חילו ולא-יטה לארץ מנלם |
30 Dili na siya mogawas gikan sa kangitngit;
| לא-יסור מני-חשך--ינקתו תיבש שלהבת ויסור ברוח פיו |
31 Ayaw siya tugoti nga mosalig sa mga walay kapuslanan nga mga butang, nga naglimbong sa iyang kaugalingon; kay ang pagkawalay kapuslanan mao ang iyang ganti.
| אל-יאמן בשו נתעה כי-שוא תהיה תמורתו |
32 Mahitabo kini sa dili pa moabot ang iyang takna nga mamatay; ang iyang sanga dili molunhaw.
| בלא-יומו תמלא וכפתו לא רעננה |
33 Ipanghulog niya ang iyang linghod pa nga ubas sama sa bagon sa parasan; Ipangtaktak niya ang iyang mga bulak sama sa kahoy nga olibo.
| יחמס כגפן בסרו וישלך כזית נצתו |
34 Kay ang pundok niadtong mga tawong walay dios dili makabunga; pagaut-uton sa kalayo ang ilang tolda sa pagpangsuhol.
| כי-עדת חנף גלמוד ואש אכלה אהלי-שחד |
35 Manamkon sila sa kalapasan ug manganak sa kasaypanan; ang ilang tagoangkan manamkon sa pagpanglimbong.”
| הרה עמל וילד און ובטנם תכין מרמה |
