Job 13

1 Tan-awa, ang akong mga mata nakakita niining tanan; ang akong mga dalunggan nakadungog ug nakasabot niini.

See, my eye has seen all this; my ear has heard and understood it.

2 Kung unsa ang inyong nasayran, mao usab ang akong nasayran. Dili ako ubos kaninyo.

What you know, the same I also know; I am not inferior to you.

3 Apan, mas mosulti pa ako ngadto sa Makagagahom; hinaot nga makapangatarongan ako ngadto sa Dios.

However, I would rather speak with the Almighty; I wish to reason with God.

4 Apan gituis ninyo ang kamatuoran pinaagi sa inyong mga bakak; kamong tanan mao ang mananambal nga walay bili.

But you whitewash the truth with lies; you are all physicians of no value.

5 O, magmalinawon nalang unta kamo! Kana mahimo nga inyong kaalam.

Oh, that you would altogether hold your peace! That would be your wisdom.

6 Paminawa karon ang akong pangatarongan; pamatia ang mga paghangyo sa akong mga ngabil.

Hear now my own reasoning; listen to the pleading of my own lips.

7 Magasulti ba diay kamo ug mga dili matarong alang sa Dios, ug magasulti ba diay kamo ug bakak alang kaniya?

Will you speak unrighteously for God, and will you talk deceitfully for him?

8 Magpakita ba gayod kamo sa inyong kabuotan kaniya? Makiglantugi ba gayod kamo sulod sa hukmanan ingon nga manlalaban alang sa Dios?

Will you show him partiality? Will you argue the case for God?

9 Mas maayo ba kini alang kaninyo kung siya ingon nga maghuhukom mobalik kaninyo ug susihon na hinuon kamo? O sama sa usa ka tawo nga naglimbong sa laing tawo, pagasaypon ba ninyo ang pagpaila kaniya sa hukmanan?

Will it be good for you when he searches you out? Could you deceive him as you might deceive men?

10 Magabadlong gayod siya kaninyo kung may pagpalabi kamo sa tago alang kaniya.

He would surely reprove you if in secret you showed partiality.

11 Dili ba makapahadlok kaninyo ang iyang pagkagamhanan? Dili ba modangat kaninyo ang iyang kahadlok?

Will not his majesty terrify you, and the dread of him fall upon you?

12 Ang inyong mga handumanang pulong mao ang mga panultihong hinimo sa abo; ang imong mga salipdanan mao ang salipdanan nga hinimo sa lapok.

Your memorable sayings are proverbs made of ashes; your defenses are defenses made of clay.

13 Pagmalinawon kamo, pasagdi ako nga mag-inusara, aron nga makasulti ako, tugoti nga modangat ang alang kanako.

Hold your peace, let me alone, so that I may speak, let come what may on me.

14 Kuhaon ko ang akong unod sa akong mga ngipon; kutloon ko ang akong kinabuhi sa akong mga kamot.

I will take my own flesh in my teeth; I will take my life in my hands.

15 Tan-awa, kung patyon niya ako, wala nay paglaom nga mahibilin kanako; apan, panalipdan ko ang akong mga dalan sa iyang atubangan.

See, if he kills me, I will have no hope left; nevertheless, I will defend my ways before him.

16 Mao kini ang mga katarongan sa akong kagawasan, nga dili ako makig-atubang kaniya sama sa tawong walay Dios.

This will be the reason for my deliverance, for no godless person would come before him.

17 O Dios, patalinghogi pag-ayo ang akong mga gipanulti; tugoti ang akong pagpahayag nga moabot sa imong mga igdulongog.

God, listen carefully to my speech; let my declaration come to your ears.

18 Tan-awa karon, giandam ko sa han-ay ang akong pangatarongan; nasayod ako nga dili ako sad-an.

See now, I have set my defense in order; I know that I am innocent.

19 Kinsa man ang makiglantugi batok kanako sa hukmanan? Kung moanhi kamo aron sa pagbuhat sa ingon, ug kung mapamatud-an nga sayop ako, nan mohilom na ako ug ihatag ang akong kinabuhi.

Who is the one who would argue against me in court? If you came to do so, and if I were proved wrong, then I would be silent and give up my life.

20 O Dios, buhata ang duha lamang ka butang alang kanako, ug unya dili ko na itago ang akong kaugalingon gikan sa imong panagway:

God, do only two things for me, and then I will not hide myself from your face:

21 bakwia ang imong madaugdaugong kamot gikan kanako, ug ayaw tugoti nga ang imong kasuko nga makapahadlok kanako.

withdraw your oppressive hand from me, and do not let your terrors make me afraid.

22 Unya tawga ako, ug motubag ako; o tugoti ako nga mosulti kanimo, ug tubagon mo ako.

Then call me, and I will answer; or let me speak to you, and you answer me.

23 Unsa ba kadaghan ang akong mga kasaypanan ug kasal-anan? Pahibaloa ako sa akong kalapasan ug sa akong sala.

How many are my iniquities and sins? Let me know my transgression and my sin.

24 Nganong gitago mo man ang imong panagway gikan kanako ug giisip mo ako sama sa imong kaaway?

Why do you hide your face from me and treat me like your enemy?

25 Lutoson mo ba ang linabay nga mga dahon? Gukoron mo ba ang uga nga uhot?

Will you persecute a driven leaf? Will you pursue dry stubble?

26 Kay nagasulat ka man sa mapait nga mga butang batok kanako; gihimo mo ako nga makapanunod sa kasal-anan sa akong pagkabatan-on.

For you write down bitter things against me; you make me inherit the iniquities of my youth.

27 Gibutang mo usab sa sepohan ang akong mga tiil; gibantayan mo pag-ayo ang tanan kong mga dalan; gisusi mo ang yuta kung asa ang mga tunob nga akong gilaktan.

You also put my feet in the stocks; you closely watch all my paths; you examine the ground where the soles of my feet have walked

28 Bisan sama lamang ako sa malata nga butang nga mawala, sama sa bisti nga gikutkot sa mga anay.

although I am like a rotten thing that wastes away, like a garment that moths have eaten.