Job 10
1 Gikapuyan na ako sa akong kinabuhi; ipadayag ko na ang akong sumbong; mosulti na ako sa kapaitan sa akong kalag.
taedet animam meam vitae meae dimittam adversum me eloquium meum loquar in amaritudine animae meae
2 Mosulti ako sa Dios, 'Ayaw dayon ako hukmi; ipakita una kanako nganong gipasanginlan mo ako.
dicam Deo noli me condemnare indica mihi cur me ita iudices
3 Maayo ba kini alang kanimo nga makapanlupig kanako, aron tamayon ang buhat sa imong mga kamot samtang mipahiyom ikaw sa mga laraw sa mga daotan?
numquid bonum tibi videtur si calumnieris et opprimas me opus manuum tuarum et consilium impiorum adiuves
4 Aduna ka bay mga mata nga unodnon? Makita mo ba ang sama sa nakita sa tawo?
numquid oculi carnei tibi sunt aut sicut videt homo et tu videbis
5 Ang imong mga adlaw sama ba sa mga adlaw sa katawhan o ang imong mga katuigan sama ba sa katuigan sa mga tawo,
numquid sicut dies hominis dies tui et anni tui sicut humana sunt tempora
6 nga nagpangita ka man sa akong kalapasan ug nagsusi sa akong mga sala,
ut quaeras iniquitatem meam et peccatum meum scruteris
7 bisan tuod nasayod ka nga ako dili sad-an ug walay usa nga makaluwas kanako gikan sa imong kamot?
et scias quia nihil impium fecerim cum sit nemo qui de manu tua possit eruere
8 Ang imong mga kamot naghulma ug nag-umol kanako, apan nagalaglag ka man kanako.
manus tuae plasmaverunt me et fecerunt me totum in circuitu et sic repente praecipitas me
9 Hinumdumi, ipakilooy ko kanimo nga giumol mo ako sama sa lapok; dad-on mo ba ako pag-usab sa abug?
memento quaeso quod sicut lutum feceris me et in pulverem reduces me
10 Dili ba gibubo mo man ako sama sa gatas ug gipagahi daw sama sa keso?
nonne sicut lac mulsisti me et sicut caseum me coagulasti
11 Giputos mo ako sa panit ug sa unod ug gisumpay mo ang akong kabukogan uban ang kaugatan.
pelle et carnibus vestisti me et ossibus et nervis conpegisti me
12 Gihatagan mo ako sa kinabuhi ug matinud-anong kasabotan; ang imong pagtabang nagbantay sa akong espiritu.
vitam et misericordiam tribuisti mihi et visitatio tua custodivit spiritum meum
13 Apan kining mga butanga gitagoan mo sa imong kasingkasing— nasayod ako nga mao kini ang imong gihunahuna:
licet haec celes in corde tuo tamen scio quia universorum memineris
14 nga kung makasala ako, timan-an mo kini; dili mo ako ipalingkawas sa akong kasaypanan.
si peccavi et ad horam pepercisti mihi cur ab iniquitate mea mundum me esse non pateris
15 Kung daotan man ako, alaot ako; bisan kung ako matarong pa, dili ko mahangad ang akong ulo, sanglit kay puno man ako sa kaulawan ug nagtan-aw sa akong kaugalingong pag-antos.
et si impius fuero vae mihi est et si iustus non levabo caput saturatus adflictione et miseria
16 Kung ang akong ulo mohangad lamang sa iyang kaugalingon, mogukod ka kanako sama sa usa ka liyon; ikaw nagpadayag na usab kanako sa imong pagkagamhanan.
et propter superbiam quasi leaenam capies me reversusque mirabiliter me crucias
17 May bag-o kang mga saksi batok kanako ug misamot ang imong kasuko batok kanako; gigubat mo ako uban sa mga bag-ong kasundalohan.
instauras testes tuos contra me et multiplicas iram tuam adversum me et poenae militant in me
18 Nan, nganong gipagawas mo pa man ako sa tagoangkan? Namatay na lamang unta ako ug wala na untay mata nga nakakita kanako.
quare de vulva eduxisti me qui utinam consumptus essem ne oculus me videret
19 Wala na lamang unta ako gipakatawo; Gihatod na lamang unta ako gikan sa tagoangkan paingon sa lubnganan.
fuissem quasi qui non essem de utero translatus ad tumulum
20 Dili ba hamubo na lamang ang akong mga adlaw? Nan undanga na, pasagdi ako nga mag-inusara, aron nga makapahulay ako sa makadiyut,
numquid non paucitas dierum meorum finietur brevi dimitte ergo me ut plangam paululum dolorem meum
21 sa dili pa ako molakaw sa dapit ug dili na mobalik, ngadto sa yuta sa kangitngit ug sa anino sa kamatayon,
antequam vadam et non revertar ad terram tenebrosam et opertam mortis caligine
22 ang yuta mangitngit ingon sa tungang gabii, sa yuta sa anino sa kamatayon, walay kahapsayan diin ang kahayag sama sa tungang gabii.”'
terram miseriae et tenebrarum ubi umbra mortis et nullus ordo et sempiternus horror inhabitans
