Job 10
1 Gikapuyan na ako sa akong kinabuhi; ipadayag ko na ang akong sumbong; mosulti na ako sa kapaitan sa akong kalag.
| נקטה נפשי בחיי אעזבה עלי שיחי אדברה במר נפשי |
2 Mosulti ako sa Dios, 'Ayaw dayon ako hukmi; ipakita una kanako nganong gipasanginlan mo ako.
| אמר אל-אלוה אל-תרשיעני הודיעני על מה-תריבני |
3 Maayo ba kini alang kanimo nga makapanlupig kanako, aron tamayon ang buhat sa imong mga kamot samtang mipahiyom ikaw sa mga laraw sa mga daotan?
| הטוב לך כי תעשק--כי-תמאס יגיע כפיך ועל-עצת רשעים הופעת |
4 Aduna ka bay mga mata nga unodnon? Makita mo ba ang sama sa nakita sa tawo?
| העיני בשר לך אם-כראות אנוש תראה |
5 Ang imong mga adlaw sama ba sa mga adlaw sa katawhan o ang imong mga katuigan sama ba sa katuigan sa mga tawo,
| הכימי אנוש ימיך אם-שנותיך כימי גבר |
6 nga nagpangita ka man sa akong kalapasan ug nagsusi sa akong mga sala,
| כי-תבקש לעוני ולחטאתי תדרוש |
7 bisan tuod nasayod ka nga ako dili sad-an ug walay usa nga makaluwas kanako gikan sa imong kamot?
| על-דעתך כי-לא ארשע ואין מידך מציל |
8 Ang imong mga kamot naghulma ug nag-umol kanako, apan nagalaglag ka man kanako.
| ידיך עצבוני ויעשוני יחד סביב ותבלעני |
9 Hinumdumi, ipakilooy ko kanimo nga giumol mo ako sama sa lapok; dad-on mo ba ako pag-usab sa abug?
| זכר-נא כי-כחמר עשיתני ואל-עפר תשיבני |
10 Dili ba gibubo mo man ako sama sa gatas ug gipagahi daw sama sa keso?
| הלא כחלב תתיכני וכגבנה תקפיאני |
11 Giputos mo ako sa panit ug sa unod ug gisumpay mo ang akong kabukogan uban ang kaugatan.
| עור ובשר תלבישני ובעצמות וגידים תשככני |
12 Gihatagan mo ako sa kinabuhi ug matinud-anong kasabotan; ang imong pagtabang nagbantay sa akong espiritu.
| חיים וחסד עשית עמדי ופקדתך שמרה רוחי |
13 Apan kining mga butanga gitagoan mo sa imong kasingkasing— nasayod ako nga mao kini ang imong gihunahuna:
| ואלה צפנת בלבבך ידעתי כי-זאת עמך |
14 nga kung makasala ako, timan-an mo kini; dili mo ako ipalingkawas sa akong kasaypanan.
| אם-חטאתי ושמרתני ומעוני לא תנקני |
15 Kung daotan man ako, alaot ako; bisan kung ako matarong pa, dili ko mahangad ang akong ulo, sanglit kay puno man ako sa kaulawan ug nagtan-aw sa akong kaugalingong pag-antos.
| אם רשעתי אללי לי-- וצדקתי לא-אשא ראשי שבע קלון וראה עניי |
16 Kung ang akong ulo mohangad lamang sa iyang kaugalingon, mogukod ka kanako sama sa usa ka liyon; ikaw nagpadayag na usab kanako sa imong pagkagamhanan.
| ויגאה כשחל תצודני ותשב תתפלא-בי |
17 May bag-o kang mga saksi batok kanako ug misamot ang imong kasuko batok kanako; gigubat mo ako uban sa mga bag-ong kasundalohan.
| תחדש עדיך נגדי ותרב כעשך עמדי חליפות וצבא עמי |
18 Nan, nganong gipagawas mo pa man ako sa tagoangkan? Namatay na lamang unta ako ug wala na untay mata nga nakakita kanako.
| ולמה מרחם הצאתני אגוע ועין לא-תראני |
19 Wala na lamang unta ako gipakatawo; Gihatod na lamang unta ako gikan sa tagoangkan paingon sa lubnganan.
| כאשר לא-הייתי אהיה מבטן לקבר אובל |
20 Dili ba hamubo na lamang ang akong mga adlaw? Nan undanga na, pasagdi ako nga mag-inusara, aron nga makapahulay ako sa makadiyut,
| הלא-מעט ימי יחדל (וחדל) ישית (ושית) ממני ואבליגה מעט |
21 sa dili pa ako molakaw sa dapit ug dili na mobalik, ngadto sa yuta sa kangitngit ug sa anino sa kamatayon,
| בטרם אלך ולא אשוב-- אל-ארץ חשך וצלמות |
22 ang yuta mangitngit ingon sa tungang gabii, sa yuta sa anino sa kamatayon, walay kahapsayan diin ang kahayag sama sa tungang gabii.”'
| ארץ עפתה כמו אפל--צלמות ולא סדרים ותפע כמו-אפל |
