Romawa 10

1 Mrli vayi, yo sron mu ni bre Bachi, aa ndu ba gbujbu.

2 Me to ndi bahe ni yo sron ni Rji, ana ndi ba to kpe na.

3 Bana to kpe nitu tie ndindi u Rji na, ba wa ndi ba tie ndindi u tu mba, bana nno tumba ni tie ndindi u Rji na.

4 Ahi Kristi hi duu u tie ndindi hi ni bi wa ba kpa y'me'a

5 Musa a nghan nitu ndindi wa'a rji ni ndji, ndji wa a tie ndindi u duu ani son nitu du'a.

6 U ndindi waa rji ni yo sron a te ndi, na tre ni sron me ndi, a ngha ni hon hi ni mi shu? (Nda ji Yesu Kristi grji ye ni meme).

7 Na tre ndi a ghan ni grji ye ni meme? Ahi ngha ni ji Yesu Kristi rji ni khyu). (Abyssos g12)

8 Amma asi tre ndi ge? iji trea he hyehyre ni wu ni mi nyu me ni mi sron me

9 U ta hla ni nyu me ndi Yesu hi Bachi, ndi kpa y'me ni sron me ndi Rji zuu wlude ni be u gbujbu.

10 Ni sron'a idji kpa y'me nda fe kiklan sron ni nyu ndi bre nda gbujbu.

11 Imbe Rji tre ndi, biwa ba kpa y'me'a ishan na tie ba na.

12 Don Jew baba Greek bana heni kankan na, don Bachi ba'a he riri.

13 Idji wa a yo nde Rji ani fe sii.

14 Ba tie niheri nda yo nde Idji wa bana kpau y'me na? Ba tie nihe rli nda kpa y'me ni wa bana taba wo duu ma na?

15 Ba tie nihe rli nda wo ba tina tre tre Rji ni bawu na? Ba ti ni he rli nda tre tre Rji, idan bana ton bana? To wa ba nghan, “Iza biwa ba ji tre ndindi he bi bange.

16 Bana wo tre Rjia wawuu mba wu na. Ishaya a m'ye “Bachi, a hi nghan kpa y'me ni ton ndu'a?

17 Yo sron nihe nitu wo, wo rli ni tre Rji.

18 U me m'ye, “Ba na wo na?” E” gbigbi ilan mba he ni mgbumgblu, itre mba hi ni mgbumgblu wawuu.

19 Luwa, mi tre, Israila ban to mu naa? “Musa a tre ndi” Mi ndu yi tie ngu nitu mgbumgblu wa bana to kpe na mi tie ndu ni ba ni ndu sron mbi tie meme.

20 Ishaya a vusron nda tre ndi, biwa bana wame na'a ba fe me. Mi tsro tu mu ni biwa bana m'ye me na'a.

21 A tre ni Israila ndi, mi n'ma wo mu hi ni ndji bi kawo trre ni hanton.