Philippians 2

1 Ikpye unno sen ngble ni mi Kristi nita he. Ikpye usi ndei son ndindi be ni ruhu ndu lusroun sroun rji ni son nita he, u son bi ni mi Brji ni ta he, u low sron ni khwu sron nitahe.

2 Ndu sron mu shani ngri ndihe ni mre biyi, he ni son, ta nzren nimi Brji ririi, ndi he mre ririi

3 Natie kogen ni sontu ni sroun memena. ni katu gji yambari ni tutuza tu me.

4 Ken ndi ri ndi na yatu migyen na, ndi yambari ni hitu.

5 He ni sroun ndindi wahe ni mi Yesu Kristi.

6 Wa he na ni Rji, ana nba kpa ndi wawu Rji nan, wa na he kpi ingjina.

7 Wa tre ndi wawu Rjikgban tu gji, ndu shishi gran. ndaye ni kpa ndi, mba tsor na ndi.

8 Akgban tu gji, katu na nda kwu, ikwu ni tu kwugru.

9 Nawayi Irji na kpan za ken gha anu de wa azan kowani nde.

10 Ni ide Yesu gbarju wawu mba kukwu niwu, gbarju wamba he ni sha niwa mba he ni memen niwa mba he nizan memen.

11 I'lemen wawu ni tre yesu Almasihu a Rji, wani gbire Rji ide

12 Imri vayi ahani kiyi wa bi nei nikon wamina he ni yi na, ziza wa mi na hena, tie dun u kpa ndi juwo ni tsire ni sroun bi.

13 A Rji mba si tie dun ma, tie kpe wa Rji ni gri yi.

14 Te du ndindi na gri sroun na.

15 Wa bi na he ni latre, bi sroun ndindi, imri Rji bi ndindi, te nakiyi ndi kpan ni mi gbugbun yi ni mi ndi bi meme ndri.

16 Gji tre Rji gbagban ni kon kiyi ndi mba kpa almasihu ni fin he ma, ni kiyi mba to ndi zuzumu na he nigena. mina sha ya migen na.

17 Mi grin niwu wawu, mi na katu mu nu wawu.

18 Bi yi me gri biyi me gri nime.

19 Mi yo sroun ndi mitru Timoti ye niyi, ni fifi ye, wa sroun mu ni sie wa to son bi.

20 Mina he ni ndi ri wa sroun he gyegyer na mu mba wawu na, wa ahe ni sroun he ni na ndindi.

21 Mba wa ni tu ba ana Yesu Almasihu na.

22 Bi yi bi to ndidi wa a tsi du temon, na kiyi a tsi ni tawu ni tre Rji.

23 Mi si yo sroun ni wawu mitru ye ni wu ni fifi yi wa ye to son bi.

24 Imeme a he ni sroun mu, Rji zome, miye ni fifi yi mba wuton.

25 Mi si ri mre abi wamitru niyiwu a bafaroditua, vayir mu, ikpa du mu, ni kpa itaku, manzon bi ni verkon wa ni zome.

26 A ni son wawu, alusroun hi wawu, wa bi wo ana he ni sikpa na.

27 Alu ta kwu Rji wembra ma ana wawu mison na ni me me, wa mi he wlu sroun ni tun lelusroun.

28 Mi ta son ton, ndu hi to ni shishi bi gri gbugbwu.

29 Kpa Abataroditus ni sroun ndidi ni ide Rji. ton nde iri ma ni tutu.

30 Ni tu du Almasihu alutakwu. Anu tu ma ni du wa ni son kle.