Matiyu 24
1 Yesu a rju ni mi hekali nda vu nkon ma hi. Mri koh ma baka ye nda ni trso wu ime hekali. 2 U wa a saa ni bawu, “Bi to ikpi biyi wawuu? Mi mla yiwu njanjimu, ba na don tita riri me zi nitu ri na. 3 Niwa a kuson ni ngblu Zaitun a, mri koh ma to ye niwu ni ya y'bi nda tre, “Hla tawu, ani tanyi mba ikpi biyi ba tie? Ahi ngye ri ni hi ingban u ye me ni inton u kle a?” (aiōn g165) 4 Yesu a saa nda tre ni mba, “Tie sisren ndi ndu ndrjo ri na kayi rji na. 5 Bari baye gbugbu mbawu ni nde mu. Ba tre ndi, 'Ime yi mi Kristi'a,' nda ka ndji gbugbuu rji. 6 Bi wo ba ku ni dbu ba ku. Ki kpyen ndi na tie sissri na, ahi gbigbi waa ikpi biyi ba tie a rliko inton ka kle. 7 Meme ni wanyu ni meme, u igu u chu ri ni wanyu ni gbu u chu bari. Ba tie yon mba cu meme ni bubu nkankan. 8 Biyi bahi kpi bi mumla towa ilo ngrji. 9 Hu gon niwa, ba vu yi nno tie ya nda wuu yi. Bi hra wawuu ba kran yi nitu nde mu. 10 Rji ni wa, indji gbugbuwu ba rjoku nda le ni kpamba nda kran kpamba. 11 Anabi bi che gbugbuwu ba rju nda ka gbugbuwu rji. 12 Niwa ison vlala ni babran, ison ndji gbugbu wu ni k'ma si. 13 U i wa a vusron hi kle'a, ani gbujbu. 14 Itre ndindi yi u gbuchu ba d'bu ni ngbungblua wawuu nda hi shaida ni meme ba wawuu. Rji ni wayi inton u klea niye. 15 Nitu kima, biti toh kpe meme ma u cii, wa Daniya anabi hla'a, a kri ni zande ni bubu tsratsra” (ndu wa a si kra mla toh), 16 ndu wa bahe ni Yahudawa tsutsu hi ni ba ngblu, 17 “ndu wa ahe ni tunkan na grji hi ban kpe ni mi koh mana, 18 u ndu wa ahe ni rju na k'ma ye ban nklon ma na. 19 Iya ni bi he nne ni bi mri nhanha ni vi bi kima! 20 Tie aduwa ndu vi tsutsu bi a he ni nton u wru ka Sabat na. 21 Kpukpo ya ni he biwa bana tie toh'a na rji ni mumla ngbungblu'a hi ye zizan yi, u, bana la tie'u ngana. 22 A ndi na wa ba fon vi mba rju'a na, ikpe ri u tankpa ni tie bre nawo. Uni tu bi wa ba chuba'a ba gron vi mba. 23 U ndrjo nita hla yiwu, 'To, ngye Kristi'a yi!' ka, 'Kristi'a he mu!' na kpanyime na. 24 Kristi biche ni anabi biche ba wlu nda tie nban ni kagrji nda ka gbugbuwu rji, u nkon ni tie he, nhambi ni wa ba chuu baa. 25 Tomba, Mi myren hla yiwu guchi ni nton'a. 26 Tokima, ba ti hla ni yiwu, 'To, ahe ni miji,' na hi ni miji'a na. Ka, 'To, ahe ni mitra,' na kpanyime na. 27 Towaa ani rhinzan kpan rji niko nzan hi ko yalu'a, ani he tokima me ni ye vren ndji. 28 Iwrji wa k'mo nma he'a, nyulu ba shuki. 29 Ni kle nton u meme yaa, ni vi biki ikpan-rji ni katie bwu, u wha na nno kpan ma na, ba ntsintsen ba rjoku rji ni shu, u ba ngbengblen bi ba shulu ba ba grju. 30 Uni kiyi igban Vren Ndji ni tsro ni kplende su, u il'be bi ngbungblu'a wawu mbawu ba tie ruu. Ba toh Vren Ndji si ye nimi kpalu ni ngbengblen mba kiekle he ma u kpan ma. 31 A ton Malaiku ma ni kiekle yi u njon, u ba vu biwa ba chu mba rji ni fron nzya ba, rji ni nchi shulu ri hi korima. 32 Ya ndi toh kpyeri mba ni kunkron bua. Nginga ma ba ta si t'bo nda ni tie nvunvu, bi to ndi isu tie whewhre. 33 U ngame, biti toh ba kpi biyi wawuu, bika toh ndi a tie whewhre, ni ba nkon tra ba. 34 Njanjimu mi hla yiwu, inzan yi na y'ba hi na se ikpi bayi ba tie. 35 Shulu mba meme ba y'ba hi, u ba tremu'a bana y'ba hi na 36 U ni tu vi mba nton kima, indrjo na toh na, hu ni Malaiku bi shulu, ka Ivren'a, se Wawu Tie'a megyen. 37 Na wa ahe ni nton u Nuhu, tokima me ani he ni ye u Vren Ndji. 38 Na ni nton u wa mma k'mo na ye rhina, bata rhi nda ta so, nda ta kpa gran nda nno gran, hi mla vi wa Nuhu a ri nimi ghwu'a, 39 nda na toh kpe na ka mla wa imma k'mo'a ye kprume ni wawu mbawu - ahi naki iye u Vren Ndji nihe. 40 U indji lilon hari bahe ni rju - ba ban ri, nda don rima. 41 Imba hari basi kon ni nnra - ba ban ri nda don rima. 42 Tokima, bika ki ni gben, niwa bina toh ka ni vi rhime Bachi ni ye na. 43 To wayi mbayi, Indji u koh andi toh ka ni nton rhime indji u y'bi ni ye ni chuu, a ndi son gben nda na ndu yra koh ma na. 44 Tokima, bika mla gben, niwa Ivren Ndji ni ye ni nton wa bina yo sron na. 45 Ahi nha hi vren koh u kponji nda he toh wa tiekoh ma a ka bi kohma don ni woma ndu ta nno ba birhi tsra ni nton rhi? 46 Ivren koh u lulu ahi waa tiekoh ma niye tooh asi tie kima ni k'ma ye ma. 47 Njanji mu mi hla yiwu, tie koh maa ni yo kpi ma wawuu ni wo ma. 48 U meme vren-koh tre ni mi sron ma, 'Tie-koh mu a rhihe rhi,' 49 nda ni tsi kpukpanma imbru mri-koh ba, nda rhi nda so ni bi wu'a, 50 u tie-koh u vren-koh kima niye ni vi wa vren-koh kima na yo sron na ni nton wa ana toh naa. 51 Tie-koh maa ni hanwu tie tsitsa-tsitsa me nda nno wu bubu ni bibrji, wa ni kima ani zia yi nda tan nyinyren.
The World is Destroyed by Water
