ଜହନ୍ 14
1 ଜିସୁ କୟ୍ଲା, “ତୁମିମଃନାର୍ ମଃନ୍ ନଃଡିର, ତୁମିମଃନ୍ ଇସ୍ୱର୍ ତଃୟ୍ ବିସ୍ୱାସ୍ କଃରା, ଆର୍ ମର୍ ତଃୟ୍ହେଁ ବିସ୍ୱାସ୍ କଃରା ।
你們心裏不要煩亂；你們要信賴天主，也要信賴我。
2 ମର୍ ଉବାର୍ ଗଃରେ ଗାଦେକ୍ ବାସା କଃର୍ତା ଟାଣ୍ ଆଚେ; ସେରି ସଃତ୍ ଅୟ୍ନଃରିଲେକ୍, ମୁୟ୍ ତୁମିକେ ଇ କଃତା ନଃକୟ୍ଲେ ହୁଣି, ମୁୟ୍ ତୁମାର୍ ଗିନେ ଟାଣ୍ ଟିକ୍ କଃରୁକେ ଜଃଉଁଲେ;
在我父的家裏，有許多住處。我去，原是為給你們預備地方；如不然，我早就告訴了你們。
3 ଆର୍, ମୁୟ୍ ଜାୟ୍କଃରି ତୁମାର୍ ଗିନେ ଟାଣ୍ ଟିକ୍ କଃଲେକ୍ ଆରେକ୍ ଆସିନ୍ଦ୍, ଆର୍ ମୁୟ୍ ଜୁୟ୍ ଟାଣେ ରଃୟ୍ନ୍ଦ୍ ତୁମିମଃନ୍ ହେଁ ଜଃନ୍କଃରି ସେ ଟାଣେ ରିଆସ୍, ସେତାର୍ଗିନେ ତୁମିକେ ନିଜାର୍ ତଃୟ୍ ନଃୟ୍ନ୍ଦ୍ ।
我去了，為你們預備了地方以後，我必再來你們到我那裏去，為的是我在那裏，你們也在那裏。
4 ଆରେକ୍ ମୁୟ୍ ଜୁୟ୍ ଟାଣେ ଜଃଉଁଲେ, ସେତିର୍ ବାଟ୍ ତୁମିମଃନ୍ ଜାଣାସ୍ ।”
我去的地方，你們知道往那裏去的路。」
5 ତମା ଜିସୁକେ ହଃଚାର୍ଲା, “ମାପ୍ରୁ, ତୁୟ୍ କୁୟ୍ ଟାଣେ ଜଃଉଁଲିସ୍, ସେରି ଅଃମିମଃନ୍ ନଃଜାଣୁ; ସେତି ଜାତାର୍ ବାଟ୍ କଃନ୍କଃରି ଜାଣୁନ୍ଦ୍?”
多默說: 「主！我們不知道你往那裏去，怎麼會知道那條路呢？」
6 ଜିସୁ ତାକ୍ କୟ୍ଲା, “ମୁୟ୍ ବାଟ୍, ସଃତ୍ ଆର୍ ଜିବନ୍, ମର୍ ଦଃୟ୍ ନଃଗେଲେକ୍ କେ ହେଁ ଉବାର୍ ହାକ୍ ଜଃଉଁ ନାହାରେ ।
耶穌回答說：「我是道路、真理、生命，除非經過我，誰也不能到父那裡去。
7 ମକ୍ ଜାଣ୍ଲେକ୍, ମର୍ ଉବାକ୍ ହେଁ ଜାଣାସ୍; ଅଃବେହୁଣି ତୁମିମଃନ୍ ତାକ୍ ଜାଣିଆଚାସ୍ ଆର୍ ତାକ୍ ଦଃକିଆଚାସ୍ ।”
你們若認識我，也就必然認識我父；現在你們已認識他，並且已經看見他。」
8 ପିଲିପ୍ ଜିସୁକେ କୟ୍ଲା, “ମାପ୍ରୁ ଅଃମିମଃନ୍କ୍ ଉବାକ୍ ଦଃକାଉ, ସଃତେକ୍ ଅଃମାର୍ ଗିନେ ସଃରି ।”
斐理伯對他說: 「主！把父顯示給我們，我們就心滿意足了。」
9 ଜିସୁ ତାକ୍ କୟ୍ଲା, “ପିଲିପ୍, ଅଃତେକ୍ କାଳ୍ ଦଃରି ମୁୟ୍ ତୁମାର୍ ସଃଙ୍ଗ୍ ଆଚି, ଆର୍ ଆଜି ହଃତେକ୍ ତୁୟ୍ କାୟ୍ ମକ୍ ଚିନୁ ନଃହାର୍ଲିସ୍? ଜେ ମକ୍ ଦଃକି ଆଚେ ସେ ମର୍ ଉବାକ୍ ଦଃକି ଆଚେ; ଅଃମିମଃନ୍କ୍ ଉବାକ୍ ଦଃକାଉ ବଃଲି ତୁୟ୍ କଃନ୍କଃରି କଃଉଁଲିସ୍?
耶穌回答說: 「斐理伯！這麼長久的時候，我和你們在一起，而你還不認識我嗎？誰看見了我，就是看見了父；你怎麼說: 把父顯示給我們呢？
10 ମୁୟ୍ ଜେ ଉବାର୍ ସଃଙ୍ଗ୍ ଆଚି ଆର୍ ଉବା ମର୍ ସଃଙ୍ଗ୍ ଆଚେ, ଇ କଃତା କାୟ୍ରି ବିସ୍ୱାସ୍ କଃରୁ ନଃହାରୁଲିସ୍? ମୁୟ୍ ତୁମିମଃନ୍କେ ଜୁୟ୍ କଃତା କଃଉଁଲେ, ସେରି ସଃବୁ ମର୍ ନିଜାର୍ ସିକ୍ୟା ନାୟ୍, ମଃତର୍ ଉବା ମର୍ ତଃୟ୍ ରଃୟ୍ ଅଃହ୍ଣାର୍ କାମ୍ କଃରୁଲା ।
你不信我在父內，父在我內嗎？我對你們所說的話，不是憑我自己講的；而是住在我內的父，作他自己的事業。
11 ମୁୟ୍ ଜେ ଉବାର୍ ସଃଙ୍ଗ୍ ଆଚି ଆର୍ ଉବା ଜେ ମର୍ ତଃୟ୍ ଆଚେ, ମର୍ ଇ କଃତା ବିସ୍ୱାସ୍ କଃରା, ନୟ୍ଲେକ୍, ମର୍ କାମ୍ ଦଃକି ବିସ୍ୱାସ୍ କଃରା ।
你們要相信我： 我在父內，父也在我內；若不然，你們至少該因那些事業而相信。」
12 ମୁୟ୍ ତୁମିକେ ସଃତ୍କଃରି କଃଉଁଲେ, ମର୍ତଃୟ୍ ଜେ ବିସ୍ୱାସ୍ କଃରେଦ୍, ମୁୟ୍ ଜୁୟ୍ ଜୁୟ୍ କାମ୍ କଃରୁଲେ, ସେ ହେଁ ସେରିସଃବୁ କଃରେଦ୍, ଆରେକ୍ ସେସଃବୁ ତଃୟ୍ହୁଣି ହେଁ ଅଃଦିକ୍ ବଃଡ୍ କାମ୍ କଃରେଦ୍, ବଃଲେକ୍ ମୁୟ୍ ଉବାର୍ ହାକ୍ ଜଃଉଁଲେ ।
我實實在在告訴你們: 凡信我的，我所做的事業，他也要做，並且還要做比這還大的事業，因為我往父那裏去。
13 ଆରେକ୍ ଉବା ଜଃନ୍କଃରି ହୟ୍ସିର୍ ଗିନେ ଜଃଜ୍ମାନ୍ ହାୟ୍ଦ୍, ଇତାର୍ ଗିନେ ତୁମିମଃନ୍ ମର୍ ନାଉଁଏ ଜାୟ୍ରି ହେଁ ମାଗାସ୍ ସେରି ମୁୟ୍ କଃରିନ୍ଦ୍ ।
你們因我的名無論求父什麼，我必要踐行，為叫父在子身上獲得光榮。
14 ଜଦି ତୁମିମଃନ୍ ମର୍ ନାଉଁଏ ଜାୟ୍ରିହେଁ ମାଗାସ୍, ମୁୟ୍ ସେରି ତୁମିକେ ଦଃୟ୍ନ୍ଦ୍ ।”
你們若因我的名向我求什麼，我必要踐行。」
15 ଜଦି ତୁମିମଃନ୍ ମକ୍ ଲାଡ୍ କଃରାସ୍ ତଃନ୍ଅୟ୍ଲେକ୍ ମର୍ ଆଦେସ୍ ସଃବୁ ମାନାସ୍ ।
如果你們愛我，就要遵守我的命令；
16 ଆରେକ୍ ମୁୟ୍ ଉବାକ୍ ଗଃଉଆରି କଃରିନ୍ଦ୍ ଆର୍ ତୁମାର୍ ସଃଙ୍ଗ୍ ସଃବୁ ଦିନ୍ ରେଉଁକେ ସେ ତୁମିକେ ଆରେକ୍ ଗଟ୍ ଉହ୍କାର୍ କାରିକେ ହଃଟାୟ୍ଦ୍ । (aiōn g165)
我也要求父，他必會賜給你們另一位護慰者，使他永遠與你們同在； (aiōn g165)
17 ବଃଲେକ୍ ସେ ସଃତ୍ ଆତ୍ମା ଦଃୟ୍ଦ୍ । ଜଃଗତ୍ ତାକ୍ ଦଃରୁକ୍ ନାହାରେ, ବଃଲେକ୍ ଜଃଗତ୍ ତାକ୍ ନଃଦେକେ କି ନଃଜାଣେ; ମଃତର୍ ତୁମିମଃନ୍ ତାକ୍ ଜାଣିଆଚାସ୍, ବଃଲେକ୍ ସେ ତୁମିମଃନାର୍ ସଃଙ୍ଗ୍ ରଃୟ୍ଦ୍, ଆରେକ୍ ସେ ତୁମାର୍ ମଃନ୍ ବିତ୍ରେ ରଃୟ୍ଦ୍ ।
他是世界所不能領受的真理之神，因為世界看不見他，也不認識他；你們卻認識他，因為他與你們同在，並在你們內。」
18 “ମୁୟ୍ ଗଃଲା ହଃଚେ, ତୁମିମଃନ୍କେ ଟୁରାହିଲା କଃରି ଚାଡି ନଃଜାୟ୍ଁ, ମୁୟ୍ ତୁମାର୍ ହାକ୍ ବାଉଳି ଆସିନ୍ଦ୍ ।
我必不留下你們為孤兒；我要回到你們這裏來。
19 ଅଃଳକ୍ ମଃତର୍ ବେଳ୍ ଆଚେ, ଜଃଗତ୍ ମକ୍ ଆରେକ୍ ଦଃକୁ ନାହାରେ; ମଃତର୍ ତୁମିମଃନ୍ ମକ୍ ଦଃକାସ୍, ବଃଲେକ୍ ମୁୟ୍ ଜିବନ୍, ଆର୍ ତୁମିମଃନ୍ ହେଁ ଜିବନ୍ ରିଆସ୍ ।
不久以後，世界就再看不見我，你們卻要看見我，因為我生活，你們也要生活。
20 ମୁୟ୍ ଜେ ମର୍ ଉବାର୍ ତଃୟ୍, ଆରେକ୍ ତୁମିମଃନ୍ ମର୍ତଃୟ୍ ଆର୍ ମୁୟ୍ ତୁମାର୍ ତଃୟ୍ ଆଚି । ଇରି ସେଦିନ୍ ଆୟ୍ଲେକ୍, ତୁମିମଃନ୍ ଜାଣାସ୍ ।”
到那一天，你們便知道我在我父內，你們在我內，我也在你們內。
21 “ଜେ ମର୍ ଆଦେସ୍ ସଃବୁ ହାୟ୍ କଃରି ମାନେଦ୍ ସେ ତ ମକ୍ ଲାଡ୍ କଃରେଦ୍ ଆରେକ୍ ଜେ ମକ୍ ଲାଡ୍ କଃରେଦ୍, ମର୍ ଉବା ତାକ୍ ଲାଡ୍ କଃରେଦ୍, ଆର୍ ମୁୟ୍ ତାକ୍ ଲାଡ୍ କଃରିନ୍ଦ୍ ଆର୍ ତାର୍ ତଃୟ୍ ମୁୟ୍ ନିଜେ ଦଃକାୟ୍ ଅୟ୍ନ୍ଦ୍ ।”
接受我的命令而遵守的，便是愛我的人；誰愛我，我父也必愛他，我也要愛他，並將我自己顯示給他。」
22 ଜିଉଦା, ଜେ ଇସ୍କାରିଅତ୍ ଜିଉଦା ନାୟ୍, ସେ ଜିସୁକେ କୟ୍ଲା, “ଏ ମାପ୍ରୁ, ଇରି କଃନ୍କଃରି ଅୟ୍ଦ୍? ତୁୟ୍ ଜଃଗତ୍କେ ନିଜ୍କେ ନଃଦେକାୟ୍, ଅଃମାର୍ ତଃୟ୍ କଃନ୍କଃରି ଅଃହ୍ଣାକ୍ ଜାଣାଉଁସି?”
猶達斯──不是那個依斯加略人──遂問他說：「主，究竟為了什麼你要將你自己顯示給我們，而不顯示給世界呢？」
23 ଜିସୁ ତାକ୍ କୟ୍ଲା, “ଜଦି କେ ମକ୍ ଲାଡ୍ କଃରେଦ୍, ତଃନ୍ଅୟ୍ଲେକ୍ ସେ ମର୍ କଃତା ମାନେଦ୍, ଆରେକ୍ ମର୍ ଉବା ତାକ୍ ଲାଡ୍ କଃରେଦ୍, ଆରେକ୍ ଉବା ଆର୍ ମୁୟ୍ ଆସି ତାର୍ତଃୟ୍ ବାସା କଃରୁନ୍ଦ୍ ।
耶穌回答說: 「誰愛我，必遵守我的話，我父也必愛他，我們要到他那裏去，並要在他那裏作我們的住所；
24 ଜେ ମକ୍ ଲାଡ୍ ନଃକେରେ, ସେ ମର୍ ବଃଚନ୍ ନଃମାନେ । ଆର୍ ଜୁୟ୍ କଃତା ତୁମିମଃନ୍ ସୁଣୁଲାସ୍, ସେରି ମର୍ ନିଜାର୍ ନାୟ୍, ମଃତର୍ ମକେ ଜେ ହଃଟାୟ୍ ଆଚେ ସେ ଉବାର୍ ।”
那不愛我的，就不遵守我的話；你們所聽到的話，並不是我的，而是派遣我來的父的話。
25 ମୁୟ୍ ତୁମାର୍ ସଃଙ୍ଗ୍ ରେଉଁ ରେଉଁ ତୁମିମଃନ୍କେ ଇସଃବୁ କଃତା କଃଉଁଲେ ।
我還與你們同在的時候，給你們講論了這些事；
26 ମଃତର୍ ସେ ଉହ୍କାର୍କାରି, ବଃଲେକ୍ ଜୁୟ୍ ପବିତ୍ର ଆତ୍ମାକେ ଉବା ମର୍ ନାଉଁଏ ହଃଟାୟ୍ଦ୍, ସେ ତୁମିମଃନ୍କେ ସଃବୁ ବିସୟେ ସିକ୍ୟା ଦଃୟ୍ଦ୍ ଆର୍ ମୁୟ୍ ତୁମିମଃନ୍କେ ଜାୟ୍ ଜାୟ୍ରି କୟ୍ ଆଚି, ସେରିସଃବୁ ତୁମିମଃନ୍କେ ଏତୁ କଃରାୟ୍ ଦଃୟ୍ଦ୍ ।
但那護慰者，就是父因我的名所要派遣來的聖神，他必要教訓你們一切，也要使你們想起，我對你們所說的一切。」
27 ମୁୟ୍ ତୁମିମଃନ୍କେ ସୁସ୍ତା ଦଃୟ୍ କଃରି ଜଃଉଁଲେ, ମର୍ ନିଜାର୍ ସୁସ୍ତା ତୁମିମଃନ୍କେ ଦେଉଁଲେ, ଜଃଗତ୍ ଜଃନ୍କଃରି ଦଃୟ୍ଦ୍, ମୁୟ୍ ତୁମିମଃନ୍କେ ସେନ୍କଃରି ଦାନ୍ ନଃକେରି । ତୁମିମଃନ୍ ମଃନ୍ ବିତ୍ରେ ଚିତା କଃରା ନାୟ୍ କି ଡିରା ନାୟ୍ ।
我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。
28 ମୁୟ୍ ଜେ ଜଃଉଁଲେ ଆର୍ ତୁମାର୍ ହାକ୍ ଆରେକ୍ ବାଉଳି ଆସିନ୍ଦ୍, ମର୍ ଇ କଃତା ତ ସୁଣିଆଚାସ୍ । ଜଦି ତୁମିମଃନ୍ ମକ୍ ଲାଡ୍ କଃର୍ତି ରିଲେକ୍ ମୁୟ୍ ମର୍ ଉବାର୍ ହାକ୍ ଜଃଉଁଲେ ବଃଲି ସଃର୍ଦା ଅୟ୍ଲାସ୍ ହୁଣି, ବଃଲେକ୍ ଉବା ମର୍ ତଃୟ୍ହୁଣି ବଃଡ୍ ।
你們聽見我給你們說過: 我去；但我還要回到你們這裏來。如果你們愛我，就該喜歡我往父那裏去，因為比我大。
29 ଆରେକ୍ ସେରି ଗଃଟ୍ତା ବଃଳ୍ ତୁମିମଃନ୍ ଜଃନ୍କଃରି ବିସ୍ୱାସ୍ କଃରାସ୍, ଇତାର୍ ଗିନେ ସେରି ଗଃଟ୍ତା ଆଗ୍ତୁ ମୁୟ୍ ଅଃବେ ତୁମିମଃନ୍କେ କୟ୍ଆଚି ।
如今在事發生前，我就告訴了你們，為叫你們當事發內生時能相信我。
30 ମୁୟ୍ ତୁମାର୍ ସଃଙ୍ଗ୍ ଆରେକ୍ ବୁତେକ୍ ଗଃଳି କଃତାବାର୍ତା କଃରୁ ନଃହାରି, ବଃଲେକ୍ ଜଃଗତାର୍ ଅଃଦିକାରି ଆସୁଲା; ଆର୍ ମର୍ ଉହ୍ରେ ତାର୍ କାୟ୍ରିହେଁ ଅଃଦିକାର୍ ନାୟ୍ ।
我不再同你們多談了，因為世界的領袖就要來到；他在我身上一無所能，
31 ମଃତର୍ ଉବା ମକ୍ ଜଃନ୍କଃରି ଆଡର୍ ଦଃୟ୍ ଆଚେ, ସେରଃକମ୍ ମୁୟ୍ କାମ୍ କଃରିନ୍ଦ୍, ତଃନ୍ଅୟ୍ଲେକ୍ ମୁୟ୍ ମର୍ ଉବାକ୍ ଲାଡ୍ କଃରୁଲେ ବଃଲି ଜଃଗତ୍ ଜାଣେଦ୍ । ଉଟା, ଅଃମିମଃନ୍ ଇତିହୁଣି ଜୁଆଁ ।
但為叫世界知道我愛父，並且父怎樣命令我，我就照樣去行；起來，我們從這裏走罷! 」
