याकूब 5
1 हे अमीरों, सुणा; तुसां लोकां जो रोणा कने जोरे-जोरे ला चिलाणा चाईदा, क्योंकि मुसीबतां तुहाड़े पर औणे बालियां न।
Come now, you rich, weep and howl for your miseries that are coming on you.
2 तुहाड़ी धन दौलत नाश होई जाणी कने तुहाड़े कपड़यां जो कीड़े लगी गिया है।
Your riches are corrupted and your garments are moth-eaten.
3 तुहाड़ा सोना चांदी बेकार होई गिया है; जिस धन दौलत पर तुसां भरोसा करदे न उनी तुहांजो अग्गी सांई फुकी देणा: तुहाड़ा गठेरया धन दौलत न्याय दे दिने तुहाड़े खिलाफ सबूत दे रूपे च खड़ा होई जाणा।
Your gold and your silver are corroded, and their corrosion will be for a testimony against you and will eat your flesh like fire. You have laid up your treasure in the last days.
4 दिखा, जिना मजदुरां तुहाड़े खेतर बड्डे, उना दी मजदूरी जड़ी तुसां उना जो नी दिती, उना दी नी दीतियो मजदूरी परमेश्वरे दे सामणे तुहाड़े खिलाफ चिलाई-चिलाई करी गबाई दे दी है, कने मजदूरां दी दुहाई स्वर्गीय सेना दे प्रभुऐ सुणी लेई है।
Behold, the wages of the labourers who mowed your fields, which you have kept back by fraud, cry out; and the cries of those who reaped have entered into the ears of the Lord of Armies.
5 तुसां धरतिया पर भोग-विलास करणा लगी रे, कने बड़ा भरी सुख भोगया; तुसां तां उस जानवरे सांई होई गे, जिसयो मारणे ला पेहले खुआई पियाई करी मोटा करदे न, इयां ही तुसां भी नी जाणदे न, की तुसां नाश होआ दे न।
You have lived in luxury on the earth, and taken your pleasure. You have nourished your hearts as in a day of slaughter.
6 तुसां भोले लोकां जो दोषी बोली करी मारी दिता, कने सै तुहाड़े खिलाफ लड़ी ही नी सके।
You have condemned and you have murdered the righteous one. He doesn’t resist you.
7 इस तांई हे मसीह भाईयो, प्रभुऐ दे ओणे दीकर सबर रखा, जियां किसान धरतिया दे किमती फसल दी आस रखीकरी पैली कने आखरी बरखा होणे दीकर सबर रखदा है।
Be patient therefore, brothers, until the coming of the Lord. Behold, the farmer waits for the precious fruit of the earth, being patient over it, until it receives the early and late rain.
8 इयां ही तुसां भी सबर रखा, कने आस मत छडा, क्योंकि प्रभु ओणे बाला है।
You also be patient. Establish your hearts, for the coming of the Lord is at hand.
9 हे मसीह भाईयो, इक दुज्जे पर दोष मत ला, ताकि तुहाड़े पर भी दोष ना लग्गे, दिखा, न्याय करणे बाला ओणे तांई तैयार है।
Don’t grumble, brothers, against one another, so that you won’t be judged. Behold, the judge stands at the door.
10 हे मसीह भाईयो, जिना परमेश्वरे दे संदेश देणेबालयां प्रभु दे नां ला गल्लां कितियां न, उना जो दुख झेलणे कने सबर रखणे दा इक आदर्श समझा।
Take, brothers, for an example of suffering and of perseverance, the prophets who spoke in the name of the Lord.
11 दिखा, असां धीरज रखणे बालयां जो धन्य बोलदे न। तुसां प्रभु दे सेवक अय्यूब दे सबर दे बारे च सुणया ही है, कने तुसां ऐ भी जाणदे न की प्रभुऐ आखरी च उदी कियां सहायता किती, उसला प्रभु दी बड़ी करुणा कने दया प्रगट होंदी है।
Behold, we call them blessed who endured. You have heard of the perseverance of Job and have seen the Lord in the outcome, and how the Lord is full of compassion and mercy.
12 पर हे मेरे मसीह भाईयो, सारयां ला बडी गल्ल ऐ है, कदी भी कसम मत खांदे, ना ही स्वर्गे दी, ना ही धरतिया दी, ना ही कुसी होर चीजा दी, पर तुहाड़ी गल्ल हां दी हां, कने ना दी ना हो, ताकि तुहांजो परमेश्वरे ला सजा ना मिल्ले।
But above all things, my brothers, don’t swear—not by heaven, or by the earth, or by any other oath; but let your “yes” be “yes”, and your “no”, “no”, so that you don’t fall into hypocrisy.
13 अगर तुहाड़े च कोई दुखी हो तां सै प्राथना करे, अगर कोई खुश हो तां सै स्तुति दे भजन गाऐ।
Is any amongst you suffering? Let him pray. Is any cheerful? Let him sing praises.
14 अगर तुसां चे कोई रोगी हो, तां सै कलीसिया दे अगुवां जो सदे, कने सै प्रभु दे नाऐ ला उस पर तेल मली करी उदे तांई प्राथना करा।
Is any amongst you sick? Let him call for the elders of the assembly, and let them pray over him, anointing him with oil in the name of the Lord;
15 कने भरोसे दिया प्राथना ला मरीजे दे सारे रोग दूर होई जाणे, कने प्रभुऐ उसयो ठीक करी देणा; अगर उनी पाप भी कितयो होंगे, तमी परमेश्वरे उसयो माफ करी देणा।
and the prayer of faith will heal him who is sick, and the Lord will raise him up. If he has committed sins, he will be forgiven.
16 इस तांई तुसां अपु चे इक दुज्जे दे सामणे अपणे-अपणे पापां जो मनी लिया; कने इक दुज्जे तांई प्राथना करा, जिसला तुसां ठीक होई जान; इक धर्मी जणे दी प्राथना बड़ी सामर्थी है कने अदभुत नतीजे निकलदे न।
Confess your sins to one another and pray for one another, that you may be healed. The insistent prayer of a righteous person is powerfully effective.
17 परमेश्वरे दा संदेश देणेबाला एलिय्याह भी तां साड़े सांई दुख-सुख भोगी माणु था; कने उनी पुरे दिले ला गिड़गिड़ाई करी प्राथना किती, की बरखा ना हो, कने साडे तिन्ना सालां दीकर धरती पर बरखा नी होई।
Elijah was a man with a nature like ours, and he prayed earnestly that it might not rain, and it didn’t rain on the earth for three years and six months.
18 फिरी उनी प्राथना किती, तां अम्बरे ला बरखा होई, कने धरती हरी बरी होई।
He prayed again, and the sky gave rain, and the earth produced its fruit.
19 हे मेरे मसीह भाईयो, अगर तुसां चे कोई परमेश्वरे दे सच्च दे रस्ते ला भटकी जा, कने कोई तुसां चे उसयो बापस फेरी लेई ओऐ।
Brothers, if any amongst you wanders from the truth and someone turns him back,
20 तां तुसां समझी लिया, जड़ा कोई परमेश्वरे दी सच्ची शिक्षा ला भटकयो पापिये जो बापस लेई ओंगा, उनी इक आदमिये दे प्राणा जो मौत ला बचाणा है, कने परमेश्वरे उदे केई पापां जो माफ करी देणा।
let him know that he who turns a sinner from the error of his way will save a soul from death and will cover a multitude of sins.
