1 थिस्सलुनीकियों 5
1 हे ढ्लाव ते बेइनव, इसेरी ज़रूरत नईं, कि वक्तन ते कालां केरे बारे ज़ेइस प्रभु यीशु वापस एज्जेलो तुसन किछ लिखू गाए।
But concerning dates and times, brothers, you do not need us to write to you.
2 किजोकि तुस एप्पू रोड़े च़ारे ज़ानतथ, ते ज़ेन्च़रे च़ोर राती एइते, तेन्च़रे प्रभुएरू दुबारां एजनू भोलू।
For you yourselves thoroughly understand that the day of the Lord shall arrive much like a thief in the night.
3 ज़ैखन लोक ज़ोले, “कि शान्तिए, ते कोई डर नईं,” त तैन पुड़ अकदम विनाश एजनोए, ज़ेन्च़रे दोज़ींती पुड़ तकलीफ; ते तैना तैस मुसीबती करां न बच़ेले।
For when they will say, “Peace and security!” then destruction will suddenly overwhelm them, like the labor pains of a woman with child, and they will not escape.
4 पन हे ढ्लाव ते बेइनव, तुस त (आत्मिक) आंधरे मां नईं, कि तै दिहाड़ी पुसन पुड़ च़ोरेरी ज़ेरि एज्जे।
But you, brothers, are not in darkness, so that you would be overtaken by that day as by a thief.
5 किजोकि तुस सब लोअरे बच्चे आथ, ते दीसारे बच्चे आथ, अस न रातेरम, न आंधारेरेम।
For all of you are sons of light and sons of daytime; we are not of nighttime, nor of darkness.
6 एल्हेरेलेइ अस होरि केरे ज़ेरे झ़ुलोरे न रहम, पन बींझ़े रहम ते हुशार रहम।
Therefore, let us not sleep, as the rest do. Instead, we should be vigilant and sober.
7 किजोकि ज़ैना झ़ुलोरे रातन, तैना राती झ़ूलतन, ते ज़ैना नशे मां रातन, तैना राती नशे मां भोतन।
For those who sleep, sleep in the night; and those who are inebriated, are inebriated in the night.
8 पन अस त दीसेरेम, विश्वास ते प्यार लेइतां कि इश्शी हिफाज़त भोए ज़ेन्च़रे झिलम सिपाहेरी हिफाज़त केरतीए, ते मुक्तरे उमीद लेइतां ज़ेन्च़रे सिपाही टोप लाते, खबरदार रहम।
But we, who are of the daylight, should be sober, being clothed with the breastplate of faith and of charity and having, as a helmet, the hope of salvation.
9 किजोकि परमेशरे अस सज़ारे ते क्रोधेरे लेइ नईं, पन एल्हेरेलेइ च़ुनोरेम कि अस अपने प्रभु यीशु मसीहेरे ज़िरिये सेइं मुक्ति हासिल केरम।
For God has not appointed us for wrath, but for the acquisition of salvation through our Lord Jesus Christ,
10 यीशु मसीह इश्शे लेइ एल्हेरेलेइ मरो, कि अस चाए बींझ़े भोम, या झ़ुलोरे भोम, सब मिलतां तैस सेइं साथी ज़ींम।
who died for us, so that, whether we watch, or whether we sleep, we may live in union with him.
11 एल्हेरेलेइ एक्की होरि हिम्मत देथ, ते एक्की होरेरी तरक्की भोनेरी ज़िरियो बना, लगातार, तुस एरू केरतथ भी।
Because of this, console one another and build up one another, just as you are doing.
12 ते ढ्लाव, अस तुसन सेइं बिनती केरतम, कि ज़ैना तुश्शे लेइ बड़ी मेहनत केरतन, ते प्रभु मां तुश्शी अगवाई केरनेबाले आम, ते ज़ैना तुसन सलाह देतन, तैन केरि आदर केरा।
And we ask you, brothers, to recognize those who labor among you, and who preside over you in the Lord, and who admonish you,
13 ते ज़ैना कम्मां तैनेईं तुश्शे लेइ कियां तैन केरे वजाई सेइं तैन केरि आदर ते तैन सेइं बड़ो प्यार केरा, ते एप्पू मांमेइं मेल मालपे सेइं राथ।
so that you may consider them with an abundance of charity, for the sake of their work. Be at peace with them.
14 हे ढ्लाव ते बेइनव, अस तुसन कां मिनत केरतम, कि ज़ैना आलसी आन, तैन खबरदार केरा, ज़ैन केरि हिम्मत घटे तैन हिम्मत देथ, तैन केरि मद्दत केरा ज़ैना (आत्मिकता) मां कमज़ोरन, सेब्भी केरे लेइ बरदाशत केरनू हिराथ।
And we ask you, brothers: correct the disruptive, console the weak-minded, support the sick, be patient with everyone.
15 इस गल्लारू ध्यान रख्खा, कि कोई कोन्ची सेइं बुरीयीयैरे बदले बुराई न केरे, पन सदा भलाई केरनेरे लेइ तियार राथ, एप्पू मांमेइं ते सेब्भन सेइं भी भलाई केरनेरी कोशिश केरा।
See to it that no one repays evil for evil to anyone. Instead, always pursue whatever is good, with one another and with all.
16 सदा खुश राथ।
Rejoice always.
17 लगातार प्रार्थना केरते राथ।
Pray without ceasing.
18 हर हाले मां शुक्र केरा, किजोकि तुश्शे लेइ मसीह यीशु मां परमेशरेरी ईए मर्ज़ीए।
Give thanks in everything. For this is the will of God in Christ Jesus for all of you.
19 पवित्र आत्मारे कम्मन ज़ैना लोकां केरे ज़िन्दगी मां भोतन तैन न रोका।
Do not choose to extinguish the Spirit.
20 भविष्यिवैनी केरो इन्कार न केरा।
Do not spurn prophecies.
21 सब गल्लां परखा, ज़ैना रोड़ी भोन तैन अपनाथ।
But test all things. Hold on to whatever is good.
22 सेब्भी किसमेरी बुरैई करां बच़ोरे राथ।
Abstain from every kind of evil.
23 शान्ति देनेबालो परमेशरे एप्पू तुसन पूरे तरीके सेइं पवित्र केरे; ते तुश्शी आत्मा ते प्राण ते जिसम इश्शे प्रभु यीशु मसीहेरे दुबारां एजने तगर पूरे, ते बेइलज़ाम ते सुरक्षित रान।
And may the God of peace himself sanctify you through all things, so that your whole spirit and soul and body may be preserved without blame unto the return of our Lord Jesus Christ.
24 तुश्शो कुजाने बालो वफादारे, तै एरू केरेलो।
He who has called you is faithful. He shall act even now.
25 हे ढ्लाव, इश्शे लेइ प्रार्थना केरा।
Brothers, pray for us.
26 सेब्भी विश्वासी ढ्लान मसीहेरे प्यारे सेइं नमस्कार केरा।
Greet all the brothers with a holy kiss.
27 अवं तुसन प्रभुएरी कसम देताईं, कि ई चिट्ठी सेब्भी विश्वासी ढ्लान पेढ़तां शुनाई गाए।
I bind you, through the Lord, that this epistle is to be read to all the holy brothers.
28 इश्शे प्रभु यीशु मसीहेरो अनुग्रह तुसन पुड़ भोतो राए।
May the grace of our Lord Jesus Christ be with you. Amen.
