< Yuhanna 15 >
1 “mo mi ti biyuware bicom te'e mi ni tome.
2 co ki cukom cwangko wo gwam mani ne bi tutti wuro ne bitutti tiyeu an yulangum na ne bitutti yora,
3 com caneu witi mani bwikimi na kere kendo mi yimkom yiye.
4 ki yi fwermir mo keneu nan yi fwerkumed. tami kani tiye wuro mani ne bitutti ki kwaco ki no tiwi bwitiyen na numde, nyo kume ken mani ka do makadi ka no bwimi.
5 mo mi te'e kom ki kani ceu. wuro wi bwimiyeri la mo mi bwici, can ne kani ducce, tano mi maniri mani mwa dol digerti.
6 tano ni win ko yika bwimiri catin mirangcowi na cwang di kucum.
7 no mun wi bwimi la kermiro wi munen di, me'e diye mu cwitiye, di ciya tin mamwen.
8 nyo ciki bilangde bi bwiyer temire nakom nyimom bi beiyo lomiye.
9 kombo te'e mi bilang komeu kambo mi bilang kome, kom yi mwor bilangka.
10 no kom bwangten werfundodi, kangyi mwor cwika nawuro mi bwangten mi bwangten werfun te'e miro la min yiken mwor cwikacer.
11 mi yi komti na kulentini dige buro fuwor ner kumero na nowi biber kimet la fuwor ner kumero na dim diye.
12 muro co kermiro na kom cwii buti kumi nawo na wo mi cwi kome.
13 ni kange mani cwi kakko cum nawe naco neken ner cero kiden farub ceb.
14 kom farub mib na kom ma digewu miyi komeri.
15 ferer kab mani ma yog cuwoka kumeti, bi bei canga dige bwiyeu bwe canga nyombo dige teluwe ce matiye. mi cuwo kom farub mib nan nyi kom dige gwam ma nuwa te'e mi nin ne'e.
16 kebo kom ki cok yere lamo mi cok kome, mi tom kom na kom ya na kom ne bi bei, ma tom kom ki ne bibeiyo na wo cokke.
17 ker bifumero mayi kome nakom cwi butikimi.
18 no kale ko komdi, kom nyomom koye na nimde ko kom.
19 na ki kom na kale cedi, no kale tin cwikom tami nace.
20 kom kwa ki kero ma yi koe, ki ciya kermirori la kan ciya kermiro.
21 ci yan ma kimen dige tinimbo wuro ki den mir, la ci nyombo niwo tomuyereu.
22 na ki ma bou bo nan nyi ci kerdi no ci manki bwirangke, la canneu ci manki kangke kan bwirangke.
23 gwam ni wo ko yereu ko te'e mi.
24 na ki mi mabo nangendodori no ni kange mani momwi tiber ciyere. no ci manki bwirangke la canneu cintom la cin ko nye kange te'e mi gwam
25 dige wuro ci maneu nadim kero mulangum mwor bifumere, cin koye manki tuwer kercer.
26 kambo nii birumreri we ma tomki menti firen tee nin, bilengke bibwiyer woki cetde bwi tee ninne an bo na ne warka dormir
27 kume kom ne warke na wo kom wari kange mo nyo ki kaba.
