Psalms 2

1 Bila mbi makanda mafuemini e? Bila mbi batu balembo yindudila mambu makambulu fuana e?

2 Bila mbi mintinu mi ntoto mitelimini e? Bila mbi minyadi mikutikinini va kimosi mu nuanisa Yave ayi mutu andi kavinda mafuta e?

3 Balembo tubi: “tuzenganu minsinga miawu; tulozanu thama zisieni ziawu.”

4 Mutu wowo wunkalanga ku Diyilu wulembo sevi. Pfumu wulembo basekinina.

5 Bosi wulembo bayolukila mu nganzi andi, ayi wulembo kuba monisa tsisi mu miangu miandi mi ngolo.

6 Ayi wutuba: “Minu ndibieka ntinu ama ku Sioni, mongo ama wunlongo.”

7 Ndiela yamikisa lukanu lu Pfumu: Yave wukhamba: “Ngeyo widi muanꞌama. Minu ndibutidi mu lumbu kiaki.”

8 Wundombi ayi mandivana makanda; ma maba kiuka kiaku ayi mawu vua ntoto wumvimba nate mu sukisina ntoto beni.

9 Wela kuba yadilanga mu nkawa wu sengo; wela kuba bula banga bu mbudikilanga nzungu yi tuma.

10 Diawu, beno mintinu, bika luba nduenga. Bosi beno mazuzi ma ntoto, bika lutambula ndongokolo;

11 lusadila Yave mu lukinzu ayi lumona khini mu lukhuku.

12 Lubumbakana muana mu diambu di kedi fuema; ayi luedi bungana mu nzilꞌeno. Bila mu mbuetolo yi meso nganzi andi yilenda vika wulama. Lusakumunu kuidi batu boso bobo bantombanga suamunu mu niandi.