Nnwom 37
1 Dawid dwom. Nha wo ho nnebɔneyɛfoɔ nti; mma wʼani mmere wɔn a wɔyɛ bɔne;
| לדוד אל-תתחר במרעים אל-תקנא בעשי עולה |
2 Wɔte sɛ ɛserɛ, ɛnkyɛre na ahye, wɔte sɛ dua mono, ɛnkyɛre na awu.
| כי כחציר מהרה ימלו וכירק דשא יבולון |
3 Fa wo ho to Awurade so na yɛ papa. Tena asase no so na ma wʼani nka asomdwoeɛ adidibea hɔ.
| בטח ביהוה ועשה-טוב שכן-ארץ ורעה אמונה |
4 Ma wʼani nka Awurade ho na woama wo deɛ wʼakoma pɛ.
| והתענג על-יהוה ויתן-לך משאלת לבך |
5 Fa wʼakwan hyɛ Awurade nsam; na fa wo ho to ne so, na ɔno na ɔbɛyɛ:
| גול על-יהוה דרכך ובטח עליו והוא יעשה |
6 ɔbɛma wo teneneeyɛ ahyerɛn sɛ adekyeeɛ, na wʼatɛntenenee ayɛ sɛ owigyinaeɛ.
| והוציא כאור צדקך ומשפטך כצהרים |
7 Yɛ komm wɔ Awurade anim na to wo bo ase twɛn no, nha wo ho wɔ wɔn a asi wɔn yie ho ɛfiri sɛ wɔnam bɔne akwan so.
| דום ליהוה-- והתחולל-לו אל-תתחר במצליח דרכו באיש עשה מזמות |
8 Mma wo bo mfu, na gyae abufuhyeɛ; nha wo ho, ɛkɔwie bɔne nko ara.
| הרף מאף ועזב חמה אל-תתחר אך-להרע |
9 Wɔbɛtwa nnebɔneyɛfoɔ agu, nanso wɔn a wɔn ani da Awurade soɔ no, wɔbɛnya asase no adi so.
| כי-מרעים יכרתון וקוי יהוה המה יירשו-ארץ |
10 Ɛrenkyɛre, nnebɔneyɛfoɔ bɛyera. Wɔbɛhwehwɛ wɔn, nanso wɔrenhunu wɔn.
| ועוד מעט ואין רשע והתבוננת על-מקומו ואיננו |
11 Nanso ahobrɛasefoɔ bɛnya asase no adi so na wɔanya asomdwoeɛ mmorosoɔ.
| וענוים יירשו-ארץ והתענגו על-רב שלום |
12 Amumuyɛfoɔ bɔ pɔ bɔne tia ateneneefoɔ na wɔtwɛre wɔn se gu wɔn so;
| זמם רשע לצדיק וחרק עליו שניו |
13 nanso, Awurade sere amumuyɛfoɔ, na ɔnim sɛ wɔn nna abɛn.
| אדני ישחק-לו כי-ראה כי-יבא יומו |
14 Amumuyɛfoɔ twe akofena na wɔkuntunu wɔn tadua mu sɛ wɔbɛkum ahiafoɔ ne mmɔborɔfoɔ, sɛ wɔbɛkum wɔn a wɔn akwan tene.
| חרב פתחו רשעים-- ודרכו קשתם להפיל עני ואביון לטבוח ישרי-דרך |
15 Nanso, wɔn akofena bɛwowɔ wɔn ankasa akoma mu, na wɔn tadua mu abubu.
| חרבם תבוא בלבם וקשתותם תשברנה |
16 Kakra a ateneneefoɔ wɔ no som bo sene amumuyɛfoɔ bebree ahonya;
| טוב-מעט לצדיק-- מהמון רשעים רבים |
17 ɛfiri sɛ, amumuyɛfoɔ ahoɔden bɛsa nanso Awurade bɛwowa ateneneefoɔ.
| כי זרועות רשעים תשברנה וסומך צדיקים יהוה |
18 Awurade nim wɔn a wɔn ho nni asɛm no nna, na wɔn agyapadeɛ bɛtena hɔ daa.
| יודע יהוה ימי תמימם ונחלתם לעולם תהיה |
19 Ahohiahia berɛ mu wɔremmrɛ. Ɛkɔm berɛ mu wɔbɛnya ma abu so.
| לא-יבשו בעת רעה ובימי רעבון ישבעו |
20 Nanso, amumuyɛfoɔ bɛyera. Awurade atamfoɔ bɛyɛ te sɛ wiram nhwiren; wɔbɛtu ayera sɛ wisie.
| כי רשעים יאבדו ואיבי יהוה כיקר כרים כלו בעשן כלו |
21 Amumuyɛfoɔ pɛ bosea, na wɔntua, nanso ɔteneneeni de ahummɔborɔ ma;
| לוה רשע ולא ישלם וצדיק חונן ונותן |
22 Wɔn a Awurade ahyira wɔn no bɛnya asase no adi so, na wɔn a ɔdome wɔn no wɔbɛtwa wɔn agu.
| כי מברכיו יירשו ארץ ומקלליו יכרתו |
23 Sɛ Awurade ani sɔ onipa akwan a, ɔma nʼanammɔntuo si pi.
| מיהוה מצעדי-גבר כוננו ודרכו יחפץ |
24 Sɛ ɔsunti a ɔrenhwe ase, ɛfiri sɛ Awurade kura no wɔ ne nsam.
| כי-יפל לא-יוטל כי-יהוה סומך ידו |
25 Na meyɛ aberanteɛ, na seesei mabɔ akɔkoraa, na menhunuu ɔteneneeni a Awurade apa nʼakyi anaasɛ ne mma resrɛ aduane.
| נער הייתי-- גם-זקנתי ולא-ראיתי צדיק נעזב וזרעו מבקש-לחם |
26 Ɛberɛ biara ɔyɛ adɔeɛ, na ɔde fɛm kwa; na ne mma bɛnya nhyira.
| כל-היום חונן ומלוה וזרעו לברכה |
27 Twe wo ho firi bɔne ho na yɛ papa na wobɛtena asase no so afebɔɔ.
| סור מרע ועשה-טוב ושכן לעולם |
28 Ɛfiri sɛ, Awurade pɛ deɛ ɛtene, na ɔrennya ne nkurɔfoɔ nokwafoɔ no. Wɔbɛnya banbɔ daa nyinaa Nanso, amumuyɛfoɔ asefoɔ deɛ, wɔbɛtwa wɔn agu.
| כי יהוה אהב משפט ולא-יעזב את-חסידיו לעולם נשמרו וזרע רשעים נכרת |
29 Ateneneefoɔ bɛnya asase no adi so na wɔatena so afebɔɔ.
| צדיקים יירשו-ארץ וישכנו לעד עליה |
30 Ɔteneneeni ano ka nyansasɛm, na ne tɛkrɛma ka deɛ ɛtene.
| פי-צדיק יהגה חכמה ולשונו תדבר משפט |
31 Ne Onyankopɔn mmara wɔ nʼakoma mu; ne nan nnwatiri.
| תורת אלהיו בלבו לא תמעד אשריו |
32 Amumuyɛfoɔ tetɛ ateneneefoɔ hwehwɛ sɛ wɔbɛkum wɔn,
| צופה רשע לצדיק ומבקש להמיתו |
33 nanso, Awurade nnyaa wɔn mma wɔn na ɔremma wɔmmu wɔn kumfɔ wɔ asɛnniiɛ.
| יהוה לא-יעזבנו בידו ולא ירשיענו בהשפטו |
34 Montwɛn Awurade na monhwɛ nʼakwan. Ɔbɛma mo so na moanya asase no adi so; sɛ wɔtwitwa amumuyɛfoɔ no gu a, mobɛhunu.
| קוה אל-יהוה ושמר דרכו וירוממך לרשת ארץ בהכרת רשעים תראה |
35 Mahunu omumuyɛfoɔ a ɔyɛ basabasa sɛ ɔredi yie sɛ dua mono a ɛsi asase pa soɔ,
| ראיתי רשע עריץ ומתערה כאזרח רענן |
36 nanso ankyɛre na ɛwuiɛ a wɔnhunu no bio; mehwehwɛɛ no, nanso manhunu no.
| ויעבר והנה איננו ואבקשהו ולא נמצא |
37 Susu deɛ ɔyɛ pɛ ho, na hwɛ deɛ ɔtene; na asomdwoeɛ onipa bɛnya asetena pa daakye.
| שמר-תם וראה ישר כי-אחרית לאיש שלום |
38 Nanso wɔbɛsɛe nnebɔneyɛfoɔ nyinaa; na wɔbɛtɔre wɔn asefoɔ ase.
| ופשעים נשמדו יחדו אחרית רשעים נכרתה |
39 Ateneneefoɔ nkwagyeɛ firi Awurade ɔne wɔn aban wɔ amanehunu berɛ mu.
| ותשועת צדיקים מיהוה מעוזם בעת צרה |
40 Awurade boa wɔn na ɔgye wɔn; ɔyi wɔn firi amumuyɛfoɔ nsam na ɔgye wɔn nkwa, ɛfiri sɛ wɔhinta wɔ ne mu.
| ויעזרם יהוה ויפלטם יפלטם מרשעים ויושיעם--כי-חסו בו |
