Nnwom 104
1 Ao me ɔkra, kamfo Awurade! Ao Awurade me Onyankopɔn, woyɛ ɔkɛseɛ! Wɔafira tumi ne animuonyam.
| ברכי נפשי את-יהוה יהוה אלהי גדלת מאד הוד והדר לבשת |
2 Ɔde hann akata ne ho sɛ atadeɛ; ɔtrɛ ɔsoro mu te sɛ ntomadan,
| עטה-אור כשלמה נוטה שמים כיריעה |
3 na ɔde ne mpia mpunan sisi nsuo so. Ɔde omununkum yɛ ne teaseɛnam na ɔde nante mframa ntaban so.
| המקרה במים עליותיו השם-עבים רכובו המהלך על-כנפי-רוח |
4 Ɔsoma nʼabɔfoɔ sɛ mframa, na ɔsoma nʼasomfoɔ sɛ ogyadɛreɛ.
| עשה מלאכיו רוחות משרתיו אש להט |
5 Ɔde asase asi ne fapem so na ɛrenhinhim da.
| יסד-ארץ על-מכוניה בל-תמוט עולם ועד |
6 Wode ebunu kataa so sɛ atadeɛ na nsuo gyinaa mmepɔ no so.
| תהום כלבוש כסיתו על-הרים יעמדו מים |
7 Nanso wʼanimka maa nsuo no dwaneeɛ, wʼaprannaa nnyegyeeɛ ma wɔdwaneeɛ;
| מן-גערתך ינוסון מן-קול רעמך יחפזון |
8 Wɔtenetenee faa mmepɔ so, kɔɔ mmɔnhwa mu tɔnn, kɔguu baabi a wode ama wɔn no.
| יעלו הרים ירדו בקעות-- אל-מקום זה יסדת להם |
9 Wotoo ɔhyeɛ a wɔrentumi ntra; na wɔammɛkata asase so bio.
| גבול-שמת בל-יעברון בל-ישבון לכסות הארץ |
10 Ɔma nsuwa tene fa abɔn mu; ɛtene fa mmepɔ ntam.
| המשלח מעינים בנחלים בין הרים יהלכון |
11 Ɔma wiram mmoa nyinaa nsuo nom; ɔma afunumu nsuo de kum wɔn sukɔm.
| ישקו כל-חיתו שדי ישברו פראים צמאם |
12 Ewiem nnomaa nwene wɔn pirebuo wɔ nsuo no ho; na wɔto nnwom wɔ nnua no mman so.
| עליהם עוף-השמים ישכון מבין עפאים יתנו-קול |
13 Ɔfiri ne soro mpia mu tɔ nsuo gugu mmepɔ so; Awurade nnwuma so aba mee asase.
| משקה הרים מעליותיו מפרי מעשיך תשבע הארץ |
14 Ɔma ɛserɛ fifiri ma anantwie, na ɔbɔɔ nnua maa onipa sɛ ɔnnua na ɛmma aduane mfiri asase mu:
| מצמיח חציר לבהמה ועשב לעבדת האדם להוציא לחם מן-הארץ |
15 na onipa anya nsã ama nʼakoma atɔ ne yam, na onipa anya ngo ama nʼanim atɔ so, na aduane nso akura onipa akoma.
| ויין ישמח לבב-אנוש-- להצהיל פנים משמן ולחם לבב-אנוש יסעד |
16 Wɔgugu Awurade nnua no so yie, Lebanon ntweneduro a ɔduaeɛ no.
| ישבעו עצי יהוה-- ארזי לבנון אשר נטע |
17 Ɛso na nnomaa yɛ wɔn mpirebuo na asukɔnkɔn nso yɛ nʼatenaeɛ wɔ pepeaa nnua no mu.
| אשר-שם צפרים יקננו חסידה ברושים ביתה |
18 Mmepɔ atentene no yɛ wiram mpɔnkye dea; na abotan yɛ dwanekɔbea ma amoakua.
| הרים הגבהים ליעלים סלעים מחסה לשפנים |
19 Ɔsrane kyerɛ ɛberɛ nkyekyɛmu, na owia nim ɛberɛ a ɔkɔtɔ.
| עשה ירח למועדים שמש ידע מבואו |
20 Wode esum ba ma ɛyɛ adesaeɛ na kwaeɛ mu mmoa nyinaa kɔ ahayɔ.
| תשת-חשך ויהי לילה-- בו-תרמש כל-חיתו-יער |
21 Gyata bobom pɛ wɔn ahaboa wɔhwehwɛ wɔn aduane firi Onyankopɔn hɔ.
| הכפירים שאגים לטרף ולבקש מאל אכלם |
22 Owia pue ma wɔsane wɔn akyi; wɔsane kɔdeda wɔn atuo mu.
| תזרח השמש יאספון ואל-מעונתם ירבצון |
23 Afei, onipa kɔ nʼadwuma so kɔyɛ adwuma ara kɔsi anwummerɛ.
| יצא אדם לפעלו ולעבדתו עדי-ערב |
24 Ao Awurade, wo nnwuma dɔɔso! Nyansa mu na woyɛɛ ne nyinaa; wʼabɔdeɛ ahyɛ asase so ma.
| מה-רבו מעשיך יהוה-- כלם בחכמה עשית מלאה הארץ קנינך |
25 Ɛpo na ɛda hɔ tɛtrɛɛ hahanaa yi, a abɔdeɛ bebree a ɛnni ano, akɛseɛ ne nketewa ahyɛ no ma.
| זה הים גדול-- ורחב ידים שם-רמש ואין מספר חיות קטנות עם-גדלות |
26 Ɛso na ahyɛn di akɔneaba, na dɛnkyɛmmirampɔn a woyɛɛ no di agorɔ.
| שם אניות יהלכון לויתן זה-יצרת לשחק-בו |
27 Wɔn nyinaa hwɛ wo kwan sɛ wobɛma wɔn wɔn aduane wɔ ɛberɛ a ɛsɛ mu.
| כלם אליך ישברון-- לתת אכלם בעתו |
28 Wodema wɔn a, wɔtase; wobue wo nsam a, nnepa mee wɔn.
| תתן להם ילקטון תפתח ידך ישבעון טוב |
29 Wode wʼanim hinta wɔn a, wɔbɔ hu; sɛ wogye wɔn ahomeɛ a, wɔwuwu na wɔsane kɔ mfuturo mu.
| תסתיר פניך יבהלון תסף רוחם יגועון ואל-עפרם ישובון |
30 Sɛ wode wo Honhom no ma wɔn a na wɔabɔ wɔn, na woyɛ asase ani foforɔ.
| תשלח רוחך יבראון ותחדש פני אדמה |
31 Ma Awurade animuonyam ntena hɔ daa; ma Awurade ani nnye ne nnwuma ho,
| יהי כבוד יהוה לעולם ישמח יהוה במעשיו |
32 deɛ ɔhwɛ asase na ɛwosoɔ, na ɔde ne nsa ka mmepɔ a wisie firi mu ba.
| המביט לארץ ותרעד יגע בהרים ויעשנו |
33 Mɛto dwom ama Awurade me nkwa nna nyinaa; sɛ mete ase yi, mɛto ayɛyie dwom ama me Onyankopɔn.
| אשירה ליהוה בחיי אזמרה לאלהי בעודי |
34 Ɔmma mʼakoma mu mpaeɛbɔ nsɔ nʼani ɛberɛ a meregye mʼani wɔ Awurade mu yi.
| יערב עליו שיחי אנכי אשמח ביהוה |
35 Ma nnebɔneyɛfoɔ nyera wɔ asase so; na amumuyɛfoɔ ase nhye. Ao me ɔkra, kamfo Awurade. Kamfo Awurade.
| יתמו חטאים מן-הארץ ורשעים עוד אינם-- ברכי נפשי את-יהוה הללו-יה |
