Mmɛbusɛm 9
1 Nyansa asi ne fie; watwa nʼafadum nson ho.
| חכמות בנתה ביתה חצבה עמודיה שבעה |
2 Wasiesie nʼaduane afra ne nsã wato ne ɛpono.
| טבחה טבחה מסכה יינה אף ערכה שלחנה |
3 Wasoma ne mmaawa, na ɔfrɛ firi kuropɔn no sorɔnsorɔmmea hɔ sɛ,
| שלחה נערתיה תקרא-- על-גפי מרמי קרת |
4 “Momma ntetekwaafoɔ nyinaa mmra ha!” Ɔka kyerɛ wɔn a wɔnni atemmuo sɛ,
| מי-פתי יסר הנה חסר-לב אמרה לו |
5 “Mommra mmɛdi mʼaduane na monnom nsã a mafra no.
| לכו לחמו בלחמי ושתו ביין מסכתי |
6 Monnya mo ntetekwaasɛm no na mobɛnya nkwa; monnante nteaseɛ akwan so.”
| עזבו פתאים וחיו ואשרו בדרך בינה |
7 Deɛ ɔtenetene ɔfɛdifoɔ no frɛ ahohorabɔ; na deɛ ɔka amumuyɛfoɔ anim no nya ɔyea.
| יסר לץ--לקח לו קלון ומוכיח לרשע מומו |
8 Ɛno enti, nnka ɔfɛdifoɔ anim na ɔmmɛtane wo; ka onyansafoɔ anim na ɔbɛdɔ wo.
| אל-תוכח לץ פן-ישנאך הוכח לחכם ויאהבך |
9 Ma onyansafoɔ akwankyerɛ na ɔbɛkɔ so ahunu nyansa; kyerɛkyerɛ ɔteneneeni na ɔde bɛka nʼadesua ho.
| תן לחכם ויחכם-עוד הודע לצדיק ויוסף לקח |
10 Awurade suro yɛ nyansa ahyɛaseɛ Ɔkronkronni no ho nimdeɛ yɛ nteaseɛ.
| תחלת חכמה יראת יהוה ודעת קדשים בינה |
11 Me mu na wo nna bɛdɔɔso, na wɔde mfeɛ bɛka wo nkwa ho.
| כי-בי ירבו ימיך ויוסיפו לך שנות חיים |
12 Sɛ woyɛ onyansafoɔ a, wobɛnya wo nyansa ho mfasoɔ; sɛ woyɛ ɔfɛdifoɔ a, wo nko ara na ɛbɛhunu amane.
| אם-חכמת חכמת לך ולצת לבדך תשא |
13 Ɔbaa ɔkwasea yɛ ɔkasafoɔ; ɔnni ahohyɛsoɔ na ɔnni nimdeɛ.
| אשת כסילות המיה פתיות ובל-ידעה מה |
14 Ɔte ne fie ɛpono ano, na ɔte akonnwa a ɛsi kuropɔn no sorɔnsorɔmmea,
| וישבה לפתח ביתה-- על-כסא מרמי קרת |
15 na ɔfrɛfrɛ wɔn a wɔtwam hɔ, wɔn a wɔnam wɔn kwan so tee sɛ,
| לקרא לעברי-דרך המישרים ארחותם |
16 “Momma ntetekwaafoɔ nyinaa mmra ha” ɔka kyerɛ wɔn a wɔnni atemmuo sɛ,
| מי-פתי יסר הנה וחסר-לב ואמרה לו |
17 “Nsuo a wɔwia no yɛ fremfrem na aduane a wɔdi no ahintaeɛ no yɛ dɛ!”
| מים-גנובים ימתקו ולחם סתרים ינעם |
