Mmɛbusɛm 28
1 Omumuyɛfoɔ dwane ɛberɛ a obiara ntaa no, nanso teneneefoɔ koko yɛ duru sɛ agyata.
| נסו ואין-רדף רשע וצדיקים ככפיר יבטח |
2 Atuateɛ ɔman nya sodifoɔ pii, nanso onipa a ɔwɔ nhunumu ne nimdeɛ ma mmara yɛ adwuma.
| בפשע ארץ רבים שריה ובאדם מבין ידע כן יאריך |
3 Sodifoɔ a ɔhyɛ ahiafoɔ so no te sɛ brampɔnsuo a ɛsɛe mfudeɛ.
| גבר-רש ועשק דלים-- מטר סחף ואין לחם |
4 Wɔn a wɔpo mmara no kamfo amumuyɛfoɔ, na wɔn a wɔdi mmara so no si wɔn kwan.
| עזבי תורה יהללו רשע ושמרי תורה יתגרו בם |
5 Abɔnefoɔ nte atɛntenenee ase, nanso wɔn a wɔhwehwɛ Awurade no, te aseɛ yie.
| אנשי-רע לא-יבינו משפט ומבקשי יהוה יבינו כל |
6 Ohiani a ne nanteɛ ho nni asɛm yɛ sene ɔdefoɔ a nʼakwan yɛ kɔntɔnkye.
| טוב-רש הולך בתמו-- מעקש דרכים והוא עשיר |
7 Deɛ ɔdi mmara so yɛ ɔba a ɔwɔ nhunumu, nanso deɛ ɔne adidibradafoɔ bɔ no gu nʼagya anim ase.
| נוצר תורה בן מבין ורעה זוללים יכלים אביו |
8 Deɛ ɔgye mfɛntom mmorosoɔ de nya ne ho no ɔboaboa ano ma deɛ ɔbɛyɛ ahiafoɔ adɔeɛ.
| מרבה הונו בנשך ובתרבית (ותרבית)-- לחונן דלים יקבצנו |
9 Sɛ obi nni mmara so a, ne mpaeɛbɔ mpo yɛ akyiwadeɛ.
| מסיר אזנו משמע תורה-- גם תפלתו תועבה |
10 Deɛ ɔdi teneneefoɔ anim de wɔn fa ɛkwan bɔne so no bɛhwe ɔno ankasa afidie mu, nanso wɔn a wɔn ho nni asɛm no bɛnya agyapadeɛ a ɛyɛ.
| משגה ישרים בדרך רע--בשחותו הוא-יפול ותמימים ינחלו-טוב |
11 Ɔdefoɔ tumi yɛ onyansafoɔ wɔ nʼankasa ani so, nanso ohiani a ɔwɔ nhunumu no hunu sɛdeɛ ɔteɛ.
| חכם בעיניו איש עשיר ודל מבין יחקרנו |
12 Sɛ teneneefoɔ di nkonim a, nnipa di ahurisie pii; nanso sɛ amumuyɛfoɔ nya tumi a nnipa kɔhinta.
| בעלץ צדיקים רבה תפארת ובקום רשעים יחפש אדם |
13 Onipa a ɔkata ne bɔne soɔ no nnya nkɔsoɔ, na deɛ ɔka ne bɔne na ɔgyae yɛ no nya ahummɔborɔ.
| מכסה פשעיו לא יצליח ומודה ועזב ירחם |
14 Nhyira nka deɛ ɔsuro Awurade ɛberɛ nyinaa, nanso deɛ ɔpirim nʼakoma no tɔ amaneɛ mu.
| אשרי אדם מפחד תמיד ומקשה לבו יפול ברעה |
15 Omumuyɛfoɔ a ɔdi nnipa a wɔnni mmoa so no te sɛ gyata a ɔbobɔm anaa sisire a nʼani abereɛ.
| ארי-נהם ודב שוקק-- מושל רשע על עם-דל |
16 Sodifoɔ tirimuɔdenfoɔ nni adwene, na deɛ ɔkyiri mfasoɔ a wɔnam ɛkwan bɔne so nya no bɛnya nkwa tenten.
| נגיד--חסר תבונות ורב מעשקות שנאי (שנא) בצע יאריך ימים |
17 Deɛ awudie ma ne tiboa bu no fɔ no, ɔbɛyɛ ɔkobɔfoɔ akɔsi ne wu da; mma obiara mmɔ ne ho ban.
| אדם עשק בדם-נפש-- עד-בור ינוס אל-יתמכו-בו |
18 Deɛ ne nanteɛ ho nni asɛm no, wɔgye no firi ɔhaw mu, nanso deɛ nʼakwan yɛ kɔntɔnkye no bɛhwe ase mpofirim.
| הולך תמים יושע ונעקש דרכים יפול באחת |
19 Deɛ ɔyɛ nʼasase so adwuma no bɛnya aduane pii, nanso deɛ ɔdwene nneɛma hunu ho no bɛnya ne so ne ne hia.
| עבד אדמתו ישבע-לחם ומרדף ריקים ישבע-ריש |
20 Wɔbɛhyira onipa nokwafoɔ pii, na deɛ ɔpere pɛ ahonyadeɛ no remfa ne ho nni.
| איש אמונות רב-ברכות ואץ להעשיר לא ינקה |
21 Animhwɛ nyɛ, nanso aduane kakra enti nnipa yɛ bɔne.
| הכר-פנים לא-טוב ועל-פת-לחם יפשע-גבר |
22 Deɛ ɔyɛ pɛpɛɛ pere sɛ ɔbɛyɛ ɔdefoɔ na ɔnnim sɛ ohia retwɛn no.
| נבהל להון--איש רע עין ולא-ידע כי-חסר יבאנו |
23 Deɛ ɔka obi anim no bɛsɔ nnipa ani akyire asene deɛ ɔwɔ tɛkrɛmadɛ.
| מוכיח אדם אחרי חן ימצא-- ממחליק לשון |
24 Deɛ ɔbɔ nʼagya anaa ne maame korɔno na ɔka sɛ, “Ɛnyɛ bɔne” no, ɔne ɔsɛefoɔ na ɛbɔ.
| גוזל אביו ואמו--ואמר אין-פשע חבר הוא לאיש משחית |
25 Ɔdifodepɛfoɔ de mpaapaemu ba na deɛ ɔde ne ho to Awurade so no bɛnya nkɔsoɔ.
| רחב-נפש יגרה מדון ובטח על-יהוה ידשן |
26 Deɛ ɔgye ne ho die no yɛ ɔkwasea, na deɛ ɔnante nyansa mu no wɔbɛgye no.
| בוטח בלבו הוא כסיל והולך בחכמה הוא ימלט |
27 Deɛ ɔma ahiafoɔ no, hwee renhia no, nanso deɛ ɔbu nʼani gu wɔn so no nya nnome pii.
| נותן לרש אין מחסור ומעלים עיניו רב-מארות |
28 Sɛ amumuyɛfoɔ nya tumi a, nnipa kɔhinta; na sɛ amumuyɛfoɔ ase tɔre a, teneneefoɔ ase dɔre.
| בקום רשעים יסתר אדם ובאבדם ירבו צדיקים |
