Mmebusɛm 2
1 Me ba, sɛ wutie me nsɛm, na woma me mmaransɛm tena wo mu a,
| בני אם תקח אמרי ומצותי תצפן אתך׃ |
2 sɛ wowɛn wʼaso ma nyansa na wode wo koma ma ntease,
| להקשיב לחכמה אזנך תטה לבך לתבונה׃ |
3 na woma wo nne so frɛ nhumu na wusu frɛ ntease,
| כי אם לבינה תקרא לתבונה תתן קולך׃ |
4 na sɛ wohwehwɛ no te sɛnea wohwehwɛ dwetɛ na wohwehwɛ no sɛnea worepɛ ademude a ahintaw a,
| אם תבקשנה ככסף וכמטמונים תחפשנה׃ |
5 ɛno na wobɛte Awurade suro ase na woahu Onyankopɔn ho nimdeɛ.
| אז תבין יראת יהוה ודעת אלהים תמצא׃ |
6 Awurade ma nimdeɛ, na nʼanom na nyansa ne ntease fi ba.
| כי יהוה יתן חכמה מפיו דעת ותבונה׃ |
7 Ɔkora nkonimdi ma wɔn a wɔteɛ, ɔyɛ kyɛm ma wɔn a wɔn akwan yɛ pɛ,
| וצפן לישרים תושיה מגן להלכי תם׃ |
8 ɔwɛn nea ɔyɛ pɛ kwan, na ɔbɔ wɔn a wodi no nokware no akwan ho ban.
| לנצר ארחות משפט ודרך חסידו ישמר׃ |
9 Ɛno na wobɛte nea eye ne nea ɛyɛ pɛ, ne nea ɛfata, ɔkwan biara a eye ase.
| אז תבין צדק ומשפט ומישרים כל מעגל טוב׃ |
10 Afei nyansa bewura wo koma mu, na nimdeɛ ayɛ ahomeka ama wo kra.
| כי תבוא חכמה בלבך ודעת לנפשך ינעם׃ |
11 Adwene bɛbɔ wo ho ban na ntease ahwɛ wo so.
| מזמה תשמר עליך תבונה תנצרכה׃ |
12 Nyansa beyi wo afi amumɔyɛfo akwan mu, ebeyi wo afi nnipa a wɔn nsɛm yɛ basabasa nsam,
| להצילך מדרך רע מאיש מדבר תהפכות׃ |
13 wɔn a wɔaman afi akwan pa so akɔnantew sum akwan so no,
| העזבים ארחות ישר ללכת בדרכי חשך׃ |
14 wɔn a wɔn ani gye bɔneyɛ ho, na wodi ahurusi wɔ bɔne mu basabasayɛ ho,
| השמחים לעשות רע יגילו בתהפכות רע׃ |
15 wɔn a wɔn akwan yɛ kɔntɔnkye na wɔyɛ abonsam wɔ wɔn akwan mu.
| אשר ארחתיהם עקשים ונלוזים במעגלותם׃ |
16 Nimdeɛ begye wo afi ɔbea waresɛefo no nsam, afi ɔbea warefo huhuni a ɔka nnaadaasɛm ho,
| להצילך מאשה זרה מנכריה אמריה החליקה׃ |
17 nea wagyaa ne mmabaabere mu kunu na wapo apam a ɔyɛɛ wɔ Onyankopɔn anim no.
| העזבת אלוף נעוריה ואת ברית אלהיה שכחה׃ |
18 Ne fi yɛ ɔkwan a ɛkɔ owu mu na nʼakwan kɔ awufo honhom nkyɛn.
| כי שחה אל מות ביתה ואל רפאים מעגלתיה׃ |
19 Obiara a ɔkɔ ne nkyɛn no nsan mma anaasɛ ɔrensi nkwa akwan so.
| כל באיה לא ישובון ולא ישיגו ארחות חיים׃ |
20 Enti wubedi nnipa pa anammɔn akyi na woanantew atreneefo akwan so.
| למען תלך בדרך טובים וארחות צדיקים תשמר׃ |
21 Efisɛ wɔn a wɔteɛ bɛtena asase no so, na wɔn a asɛm nni wɔn ho no na wɔbɛka hɔ;
| כי ישרים ישכנו ארץ ותמימים יותרו בה׃ |
22 na wobetwa amumɔyɛfo afi asase no so, na wɔatɔre atorofo ase.
| ורשעים מארץ יכרתו ובוגדים יסחו ממנה׃ |
