Zaburi 126

1 Bwana alipowarejesha mateka wa Sayuni, tulikuwa kama waotao ndoto.

Wimbo wa kwenda juu. Bwana alipowarejeza mateka Sayuni, tulikuwa kama watu walioota ndoto.

2 Vinywa vyetu vilijawa na vicheko na ndimi zetu zilijawa na kuimba. Kisha wakasema kati ya mataifa, “Yahwe amewatendea mambo makuu.”

Vinywa vyetu vilijaa kicheko, ndimi zetu zilijaa nyimbo za shangwe. Ndipo iliposemwa miongoni mwa mataifa, “Bwana amewatendea mambo makuu.”

3 Yahwe alitufanyia mambo makuu; ni furaha gani tuliyokuwa nayo!

Bwana ametutendea mambo makuu, nasi tumejaa furaha.

4 Ee Yahwe, uwarejeshe mateka wetu, kama vijito vya kusini.

Ee Bwana, turejeshee watu wetu waliotekwa, kama vijito katika Negebu.

5 Wale wapandao kwa machozi watavuna kwa kelele za furaha.

Wapandao kwa machozi watavuna kwa nyimbo za shangwe.

6 Yeye aendaye akilia, akibeba mbegu kwa ajili a kupanda, atarudi tena kwa kelele za furaha, akileta miganda yake.

Yeye azichukuaye mbegu zake kwenda kupanda, huku akilia, atarudi kwa nyimbo za shangwe, akichukua miganda ya mavuno yake.