Zaburi 83
1 Wimbo. Zaburi ya Asafu. Ee Mungu, usinyamaze kimya, usinyamaze, Ee Mungu, usitulie.
Ee Mungu, usikae kimya! usitupuuze na kustarehe, Ee Mungu.
2 Tazama watesi wako wanafanya fujo, jinsi adui zako wanavyoinua vichwa vyao.
Tazama, adui zako wanafanya vurugu, na wale wakuchukiao wameinua vichwa vyao.
3 Kwa hila, wanafanya shauri dhidi ya watu wako, wanafanya shauri baya dhidi ya wale unaowapenda.
Wanafanya hila juu ya watu wako na kwa pamoja kupanga njama dhidi ya wale uwalindao. Wamesema,
4 Wanasema, “Njooni, tuwaangamize kama taifa, ili jina la Israeli lisikumbukwe tena.”
“Njoni na tuwaangamize wao kama taifa. Kisha jina la Israeli halitakumbukwa.”
5 Kwa nia moja wanapanga mashauri mabaya pamoja, wanafanya muungano dhidi yako,
Wamepanga njama pamoja wakiwa na mkakati mmoja; wamefanya muungano dhidi yako.
6 mahema ya Edomu na Waishmaeli, ya Wamoabu na Wahagari,
Hii inajumuisha hema za Edomu na Waishmaeli, na watu wa Moabu na Wahagari, ambao wamepanga njama pamoja nao
7 Gebali, Amoni na Amaleki, Ufilisti, pamoja na watu wa Tiro.
Gebal, Amoni, Amaleki; pia inajumuisha Filisti na wenyeji wa Tiro.
8 Hata Ashuru wameungana nao kuwapa nguvu wazao wa Loti.
Ashuri pia ameshirikina nao; wanawasaidia wana wa Lutu. Serah
9 Uwatendee kama vile ulivyowatendea Midiani, na kama vile ulivyowatendea Sisera na Yabini hapo kijito cha Kishoni,
Ufanye kwao kama ulivyofanya kwa Midiani, kama ulivyofanya kwa Sisera na kwa Yabini kwenye Mto Kishoni.
10 ambao waliangamia huko Endori na wakawa kama takataka juu ya nchi.
Waliangamizwa kule Endori na wakawa kama mbolea juu ya chi.
11 Wafanye wakuu wao kama Orebu na Zeebu, watawala wao kama Zeba na Salmuna,
Uvifanye vyeo vyao kama Oreb na Zeeb, na wakuu wao wote kama Zeba na Zalmuna.
12 ambao walisema, “Na tumiliki nchi ya malisho ya Mungu.”
Wao walisema, natujimilikishe malisho ya Mungu.”
13 Ee Mungu wangu, wapeperushe kama mavumbi ya kisulisuli, kama makapi yapeperushwayo na upepo.
Ee Mungu wangu, uwafanye kama mavumbi ya kisulisuli, kama makapi mbele ya upepo,
14 Kama vile moto uteketezavyo msitu au mwali wa moto unavyounguza milima,
Kama moto uteketezao msitu, na kama miali ya moto iwakayo milimani.
15 wafuatilie kwa tufani yako na kuwafadhaisha kwa dhoruba yako.
Uwafuatie kwa tufani yako, na kuwafadhaisha kwa dhoruba yako.
16 Funika nyuso zao kwa aibu ili watu walitafute jina lako, Ee Bwana.
Uwajaze nyuso zao kwa aibu ili kwamba waweze kulitafuta jina lako, Yahwe.
17 Wao na waaibishwe na kufadhaishwa milele, na waangamie kwa aibu.
Nao waaibishwe na kufadhaishwa milele; waangamizwe katika aibu.
18 Hebu wajue kwamba wewe, ambaye jina lako ni Bwana, kwamba wewe peke yako ndiwe Uliye Juu Sana ya dunia yote.
Kisha watajua kwamba ni wewe pekee, Yahwe, Uliye Juu ya nchi yote.
