Zaburi 10
1 Kwa nini, Ee Bwana, unasimama mbali? Kwa nini unajificha wakati wa shida?
| למה יהוה תעמד ברחוק תעלים לעתות בצרה׃ |
2 Katika kiburi chake, mwovu humtesa maskini, waovu na wanaswe katika hila wanazozitunga.
| בגאות רשע ידלק עני יתפשו במזמות זו חשבו׃ |
3 Hujivunia tamaa za moyo wake; humbariki mlafi na kumtukana Bwana.
| כי הלל רשע על תאות נפשו ובצע ברך נאץ יהוה׃ |
4 Katika kiburi chake, mwovu hamtafuti Mungu, katika mawazo yake yote hakuna nafasi ya Mungu.
| רשע כגבה אפו בל ידרש אין אלהים כל מזמותיו׃ |
5 Njia zake daima hufanikiwa; hujivuna na amri zako ziko mbali naye, huwacheka kwa dharau adui zake wote.
| יחילו דרכו בכל עת מרום משפטיך מנגדו כל צורריו יפיח בהם׃ |
6 Anajisemea mwenyewe, “Hakuna kitakachonitikisa, daima nitakuwa na furaha, kamwe sitakuwa na shida.”
| אמר בלבו בל אמוט לדר ודר אשר לא ברע׃ |
7 Kinywa chake kimejaa laana, uongo na vitisho; shida na ubaya viko chini ya ulimi wake.
| אלה פיהו מלא ומרמות ותך תחת לשונו עמל ואון׃ |
8 Huvizia karibu na vijiji; kutoka mafichoni huwanasa wasio na hatia, akivizia wapitaji.
| ישב במארב חצרים במסתרים יהרג נקי עיניו לחלכה יצפנו׃ |
9 Huvizia kama simba aliye mawindoni; huvizia kumkamata mnyonge, huwakamata wanyonge na kuwaburuza katika wavu wake.
| יארב במסתר כאריה בסכה יארב לחטוף עני יחטף עני במשכו ברשתו׃ |
10 Mateka wake hupondwa, huzimia; wanaanguka katika nguvu zake.
| ודכה ישח ונפל בעצומיו חלכאים׃ |
11 Anajisemea mwenyewe, “Mungu amesahau, huficha uso wake na haoni kabisa.”
| אמר בלבו שכח אל הסתיר פניו בל ראה לנצח׃ |
12 Inuka Bwana! Inua mkono wako, Ee Mungu. Usiwasahau wanyonge.
| קומה יהוה אל נשא ידך אל תשכח עניים׃ |
13 Kwa nini mtu mwovu anamtukana Mungu? Kwa nini anajiambia mwenyewe, “Hataniita nitoe hesabu?”
| על מה נאץ רשע אלהים אמר בלבו לא תדרש׃ |
14 Lakini wewe, Ee Mungu, unaona shida na huzuni, umekubali kuyapokea mkononi mwako. Mhanga anajisalimisha kwako, wewe ni msaada wa yatima.
| ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃ |
15 Vunja mkono wa mtu mwovu na mbaya, mwite atoe hesabu ya maovu yake ambayo yasingejulikana.
| שבר זרוע רשע ורע תדרוש רשעו בל תמצא׃ |
16 Bwana ni Mfalme milele na milele, mataifa wataangamia watoke nchini mwake.
| יהוה מלך עולם ועד אבדו גוים מארצו׃ |
17 Unasikia, Ee Bwana, shauku ya wanaoonewa, wewe huwatia moyo, na kusikiliza kilio chao,
| תאות ענוים שמעת יהוה תכין לבם תקשיב אזנך׃ |
18 ukiwatetea yatima na walioonewa, ili mwanadamu, ambaye ni udongo, asiogopeshe tena.
| לשפט יתום ודך בל יוסיף עוד לערץ אנוש מן הארץ׃ |
