Mithali 12
1 Yeyote apendaye kuadibishwa hupenda maarifa, bali yeye achukiaye kuonywa ni mpumbavu.
| אהב מוסר אהב דעת ושנא תוכחת בער׃ |
2 Mtu mwema hupata kibali kutoka kwa Bwana, bali Bwana humhukumu mwenye hila.
| טוב יפיק רצון מיהוה ואיש מזמות ירשיע׃ |
3 Mtu hathibitiki kutokana na uovu, bali mwenye haki hataondolewa.
| לא יכון אדם ברשע ושרש צדיקים בל ימוט׃ |
4 Mke mwenye tabia nzuri ni taji ya mumewe, bali aaibishaye ni kama uozo katika mifupa ya mumewe.
| אשת חיל עטרת בעלה וכרקב בעצמותיו מבישה׃ |
5 Mipango ya mtu mwadilifu ni ya haki, bali ushauri wa mwovu ni udanganyifu.
| מחשבות צדיקים משפט תחבלות רשעים מרמה׃ |
6 Maneno ya waovu huotea kumwaga damu, bali maneno ya waadilifu huwaokoa.
| דברי רשעים ארב דם ופי ישרים יצילם׃ |
7 Watu waovu huondolewa na kutoweka, bali nyumba ya mwenye haki husimama imara.
| הפוך רשעים ואינם ובית צדיקים יעמד׃ |
8 Mtu husifiwa kulingana na hekima yake, bali watu wenye akili zilizopotoka hudharauliwa.
| לפי שכלו יהלל איש ונעוה לב יהיה לבוז׃ |
9 Heri mtu wa hali ya chini mwenye mtumishi, kuliko kujifanya mtu wa hali ya juu nawe huna chakula.
| טוב נקלה ועבד לו ממתכבד וחסר לחם׃ |
10 Mtu mwenye haki hujali mahitaji ya mnyama wake, bali matendo ya huruma ya mwovu ni ukatili.
| יודע צדיק נפש בהמתו ורחמי רשעים אכזרי׃ |
11 Yeye alimaye shamba lake atakuwa na chakula tele, bali yeye afuataye mambo ya upuzi hana akili.
| עבד אדמתו ישבע לחם ומרדף ריקים חסר לב׃ |
12 Waovu hutamani mateka ya watu wabaya, bali shina la mwenye haki hustawi.
| חמד רשע מצוד רעים ושרש צדיקים יתן׃ |
13 Mtu mwovu hunaswa kwa mazungumzo yake ya dhambi, bali mwenye haki huepuka taabu.
| בפשע שפתים מוקש רע ויצא מצרה צדיק׃ |
14 Kutokana na tunda la midomo yake mtu hujazwa na mambo mema, hakika kama ilivyo kazi ya mikono yake humtunza.
| מפרי פי איש ישבע טוב וגמול ידי אדם ישוב לו׃ |
15 Njia ya mpumbavu huonekana sawa machoni pake mwenyewe, bali mtu mwenye hekima husikiliza ushauri.
| דרך אויל ישר בעיניו ושמע לעצה חכם׃ |
16 Mpumbavu huonyesha kuudhika kwake mara moja, bali mtu wa busara hupuuza matukano.
| אויל ביום יודע כעסו וכסה קלון ערום׃ |
17 Shahidi wa kweli hutoa ushuhuda wa kuaminika, bali shahidi wa uongo husema uongo.
| יפיח אמונה יגיד צדק ועד שקרים מרמה׃ |
18 Maneno ya kipumbavu huchoma kama upanga, bali ulimi wa mwenye hekima huleta uponyaji.
| יש בוטה כמדקרות חרב ולשון חכמים מרפא׃ |
19 Midomo isemayo kweli hudumu milele, bali ulimi wa uongo hudumu kwa muda mfupi tu.
| שפת אמת תכון לעד ועד ארגיעה לשון שקר׃ |
20 Upo udanganyifu katika mioyo ya wale ambao hupanga mabaya, bali kuna furaha kwa wale wanaoleta amani.
| מרמה בלב חרשי רע וליעצי שלום שמחה׃ |
21 Hakuna dhara linalompata mwenye haki, bali waovu wana taabu nyingi.
| לא יאנה לצדיק כל און ורשעים מלאו רע׃ |
22 Bwana anachukia sana midomo idanganyayo, bali hufurahia watu ambao ni wa kweli.
| תועבת יהוה שפתי שקר ועשי אמונה רצונו׃ |
23 Mtu mwenye busara hujihifadhia maarifa yeye mwenyewe, bali moyo wa wapumbavu hububujika upumbavu.
| אדם ערום כסה דעת ולב כסילים יקרא אולת׃ |
24 Mikono yenye bidii itatawala, bali uvivu huishia katika kazi za utumwa.
| יד חרוצים תמשול ורמיה תהיה למס׃ |
25 Moyo wa wasiwasi humlemea mtu, bali neno la huruma humfurahisha.
| דאגה בלב איש ישחנה ודבר טוב ישמחנה׃ |
26 Mtu mwenye haki ni mwangalifu katika urafiki, bali njia ya waovu huwapotosha.
| יתר מרעהו צדיק ודרך רשעים תתעם׃ |
27 Mtu mvivu haoki mawindo yake, bali mtu mwenye bidii ana mali za thamani.
| לא יחרך רמיה צידו והון אדם יקר חרוץ׃ |
28 Katika njia ya haki kuna uzima; katika mapito hayo kuna maisha ya milele.
| בארח צדקה חיים ודרך נתיבה אל מות׃ |
