Lamentaciones 5

1 Acuérdate, oh SEÑOR, de lo que nos ha sucedido. Ve y mira nuestro oprobio.

Ra Anumzamoka menima tagrite'ma fore'ma nehia knazamo'ma tazeri havizama nehigetama tusi'a tagazema e'nerunana neragenka antahiramio.

2 Nuestra heredad se ha vuelto a extraños, nuestras casas a forasteros.

Onke'nona vahe'mo'za e'za tagri mopa eme enerizage'za, ru moparegati vahe'mo'za e'za tagri nontamina emeri nafa'a hu'za mani'naze.

3 Huérfanos somos sin padre; nuestras madres son como viudas.

Tafahe'za omani megusa mofavregna huta tagra nemanunke'za, trerahe'za kento a'nanegna hu'za mani'naze.

4 Nuestra agua bebemos por dinero; nuestra leña por precio compramos.

Tima nenompi, tevema enerunana zagoretike'za mizaseta eri'none.

5 Persecución padecemos sobre nuestra cerviz; nos cansamos, y no hay para nosotros reposo.

Ha' vahetimo'za rama'a zampi tazeri haviza huvava nehazageta mani fru huta omani'none.

6 Al egipcio y al asirio dimos la mano, para saciarnos de pan.

Tagri'ma ne'zama tamisnageta nesunku huta Isipi vahe'ene, Asiria vahe'mokizmi zmagorga mani'none.

7 Nuestros padres pecaron, y son muertos; y nosotros llevamos sus castigos.

Tagri tagehe'za kumi hute'za ko fri'za menina omani'naze. Ana hu'nazageta menina zamagri kumi'mofo knazama'a e'nerune.

8 Siervos se enseñorearon de nosotros; no hubo quien nos librase de su mano.

Tagrira kazokzo eri'za vahe'mo'za kegava hurantazageta mani'nonkeno, mago vahe'mo'e huno ana vahe'mokizmi hankavefintira tagura vazino taza osu'ne.

9 Con peligro de nuestras vidas traíamos nuestro pan delante del cuchillo del desierto.

Hagi nezanku'ma vuta eta huta hakeku'ma hunana, ka'ma kokampina ha' vahe'mo'za bainati kazinteti tahe frinaku kafonte'za mani'naze.

10 Nuestra piel se ennegreció como un horno a causa del ardor del hambre.

Tusi taga'matea zamo higeno, tavufgamo'a sikonima negraza avenimo'ma teve ha'ma hiaza huno tusi amuho hu'ne.

11 Violaron a las mujeres en Sion, a las vírgenes en las ciudades de Judá.

Saioni kumapi a'nanea zamagra zamazeri haviza nehu'za, Juda mopafima me'nea ranra kumatamimpima nemaniza vene omase mofa'nea ha' vahe'mo'za eme zamazeri haviza hu'naze.

12 A los príncipes colgaron con su mano; no respetaron el rostro de los ancianos.

Kva vahetia zamazeri'za zamazante nofi anakite'za, zafare hanti'naze. Ana nehu'za ranra vahetia so'e avu'ava zana hunozmante'za, zamazeri zamagaze hu'naze.

13 Llevaron los jóvenes a moler, y los niños desfallecieron en la leña.

Hagi nehazave nagara huzmantazage'za witima refuzafunepaza have rezahe nehazage'za, mofavre nagatia tusinasi teverami hare'za kofizmantazage'za, knazamigu nehu'za eri'naze.

14 Los ancianos cesaron de la puerta, los jóvenes de sus canciones.

Ranra vahetamimo'za kuma kafante'ma nemaniza zana atre'za nevazage'za, nahezave naga'mo'za zavena ahe'za zagamera osu'naze.

15 Cesó el gozo de nuestro corazón; nuestro corro se tornó en luto.

Muse zagame'ma nehuta avoma nehagona zana atreta, zavi zagame nehuta tasuzampi mani'none.

16 Cayó la corona de nuestra cabeza. ¡Ay ahora de nosotros! Porque pecamos.

Rantagima e'neruna zamo'ma, tasenire'ma kini fetorikna'ma hu'nea zamo'a mopafi evuramigeta, tasuzampi mani'none. Anama hu'neana tagrama hu'nona kumi'mo higeno anara hu'ne!

17 Por esto fue entristecido nuestro corazón, por esto se entenebrecieron nuestro ojos,

Anazama fore'ma nehigeno'a, tarimpamo'a havizantfa nehigeno, zavi'ma atonazamo higeno tavumipamo'a evuno hanintiri higeta, tavua keso'e osu'none.

18 Por el Monte de Sion que está asolado; zorras andan en él.

Saioni ran kumapina vahera omanino atreno vuno eno higeno, ka'ma koka fore higeno anampina afi kraramimozage mani'neza vano hu'naze.

19 Mas tú, SEÑOR, permanecerás para siempre; tu trono de generación en generación.

Hianagi Ra Anumzamoka kagrake kinia mani'nenka, henkama fore hu anante nante'ma hu'za vanaza vahetera manivava hunka vugahane.

20 ¿Por qué te olvidarás para siempre de nosotros, y nos dejarás por largos días?

Ra Anumzamoka na'a hu'negenka za'zatera kamefira huneraminka antahi noramine?

21 Vuélvenos, oh SEÑOR, a ti, y nos volveremos; renueva nuestros días como al principio.

Ra Anumzamoka menina ete tazeri knare hananketa knare huta nemanisunkenka, knatia eri kasefa hananketa, ko'ma knare hutama mani'nonaza huta manisnune.

22 Porque repeliendo nos has desechado; te has airado contra nosotros en gran manera.

Hifi tagrira tusi karimpa herantenka kamefi huneraminka, kavesra hurante vaganerampi?