Maahmaahyadii 8
1 Haddaba xigmaddu sow ma dhawaaqin? Waxgarashaduna codkeedii sow kor uma qaadin?
| הלא חכמה תקרא ותבונה תתן קולה׃ |
2 Waxay taagan tahay meelaha sarreeya Oo jidka agtiisa ah, meesha waddooyinku ku kulmaan.
| בראש מרומים עלי דרך בית נתיבות נצבה׃ |
3 Oo waxay ka qaylisaa irdaha agtooda, Meesha magaalada laga soo galo, Iyo meesha albaabbada laga soo galoba.
| ליד שערים לפי קרת מבוא פתחים תרנה׃ |
4 Nimanyahow, idinkaan idiin dhawaaqayaa, Oo codkayguna wuxuu u yeedhayaa binu-aadmiga.
| אליכם אישים אקרא וקולי אל בני אדם׃ |
5 Garaadlaawayaashow, miyir lahaada, Nacasyadoy, waxgarasho qalbiga ku haysta.
| הבינו פתאים ערמה וכסילים הבינו לב׃ |
6 I maqla, waayo, waxaan ku hadlayaa waxyaalo wanaagsan, Oo waxaan bushimaha u kala qaadayaa waxyaalo qumman.
| שמעו כי נגידים אדבר ומפתח שפתי מישרים׃ |
7 Maxaa yeelay, afkaygu run buu ku hadlayaa; Oo bushimahayguna shar bay karhaan.
| כי אמת יהגה חכי ותועבת שפתי רשע׃ |
8 Erayada afkayga oo dhammi waa xaq, Oo innaba wax qalloocan ama maroorsan lagama helo.
| בצדק כל אמרי פי אין בהם נפתל ועקש׃ |
9 Iyagu dhammaantood waa u cad yihiin kii wax garanaya, Oo waana u qumman yihiin kuwa aqoonta hela.
| כלם נכחים למבין וישרים למצאי דעת׃ |
10 Edbintayda qaata, lacagse ha qaadanina, Oo aqoontana ka hor doorta dahabka saafiga ah.
| קחו מוסרי ואל כסף ודעת מחרוץ נבחר׃ |
11 Waayo, xigmaddu waa ka sii wanaagsan tahay luulka, Oo wax alla waxa la damci karo oo dhanna iyada lalama simi karo.
| כי טובה חכמה מפנינים וכל חפצים לא ישוו בה׃ |
12 Anigoo xigmad ahu, waxaan la fadhiyaa miyir, Oo waxaan helaa aqoon iyo digtoonaan.
| אני חכמה שכנתי ערמה ודעת מזמות אמצא׃ |
13 Rabbiga ka cabsashadiisu waa in sharka la naco. Kibirka, iyo madaxweynaanta, iyo jidka sharka, Iyo afka qalloocan ayaan anigu necbahay.
| יראת יהוה שנאת רע גאה וגאון ודרך רע ופי תהפכות שנאתי׃ |
14 Talo iyo xigmad anigaa iska leh, Oo waxaan ahay waxgarasho, xoogna waan leeyahay.
| לי עצה ותושיה אני בינה לי גבורה׃ |
15 Boqorradu gacantayday wax ku xukumaan, Oo amiirraduna amarkaygay garta ku gooyaan.
| בי מלכים ימלכו ורוזנים יחקקו צדק׃ |
16 Taliyayaasha iyo saraakiisha iyo weliba xaakinnada dunida oo dhammuna Anigay wax iigu taliyaan.
| בי שרים ישרו ונדיבים כל שפטי צדק׃ |
17 Anigu kuwa i jecel waan jeclahay, Oo kuwa aad iyo aad ii doonaana way i heli doonaan.
| אני אהביה אהב ומשחרי ימצאנני׃ |
18 Anigaa iska leh taajirnimo iyo sharaf. Iyo weliba maal raagaya iyo xaqnimoba.
| עשר וכבוד אתי הון עתק וצדקה׃ |
19 Midhahaygu way ka sii wanaagsan yihiin dahab, haah, oo xataa dahab aad u wanaagsan way ka sii wanaagsan yihiin, Oo waxa ii kordhaana way ka sii wanaagsan yihiin lacag la doortay.
| טוב פריי מחרוץ ומפז ותבואתי מכסף נבחר׃ |
20 Anigu waxaan ku socdaa jidka xaqnimada, Iyo waddooyinka garta dhexdooda,
| בארח צדקה אהלך בתוך נתיבות משפט׃ |
21 Si aan kuwa i jecel uga dhigo inay maal dhaxlaan, Oo aan khasnadahooda ugu buuxiyo.
| להנחיל אהבי יש ואצרתיהם אמלא׃ |
22 Rabbigu wuxuu i lahaan jiray bilowgii jidkiisa Iyo shuqulladiisii hore ka hor.
| יהוה קנני ראשית דרכו קדם מפעליו מאז׃ |
23 Aniga aakhirada hore waa lay taagay, waxaan jiray bilowgii ugu horreeyey, Ama intaan dunidu jirin ka hor.
| מעולם נסכתי מראש מקדמי ארץ׃ |
24 Anigu waxaan dhashay intaan moolal jirin ka hor, Iyo intaanay jirin ilo biyo ka buuxaan.
| באין תהמות חוללתי באין מעינות נכבדי מים׃ |
25 Intaan la qotomin buuraha Iyo kuraha ka hor ayaan anigu dhashay,
| בטרם הרים הטבעו לפני גבעות חוללתי׃ |
26 Intaanuu isagu samayn dhulka iyo berrimmada, Amase ciiddii dunida ugu horraysay.
| עד לא עשה ארץ וחוצות וראש עפרות תבל׃ |
27 Markuu samooyinka hagaajiyey anigu waan joogay, Markuu xariijinta ku wareejiyey moolka dushiisa,
| בהכינו שמים שם אני בחוקו חוג על פני תהום׃ |
28 Markuu cirka sare taagay, Markii ilaha moolku xoog yeesheen,
| באמצו שחקים ממעל בעזוז עינות תהום׃ |
29 Markuu badda xad u yeelay Si aan biyuhu amarkiisa ugu xadgudbin, Markuu aasaaskii dhulka dhigay,
| בשומו לים חקו ומים לא יעברו פיו בחוקו מוסדי ארץ׃ |
30 Markaas anigu isagaan dhinac joogay, anigoo ah sidii hawlhoggaamiye, Oo anigu maalin kasta faraxiisaan ahaa, Oo mar kasta hortiisaan ku rayrayn jiray;
| ואהיה אצלו אמון ואהיה שעשעים יום יום משחקת לפניו בכל עת׃ |
31 Waxaan ku rayrayn jiray inta dhulkiisa la degay, Oo waxaan ku farxi jiray binu-aadmiga.
| משחקת בתבל ארצו ושעשעי את בני אדם׃ |
32 Haddaba sidaas daraaddeed, wiilashoy, bal i maqla; Waayo, waxaa barakaysan kuwa jidadkayga xajiya.
| ועתה בנים שמעו לי ואשרי דרכי ישמרו׃ |
33 Edbinta dhegaysta, oo caqli yeesha, Oo ha diidina.
| שמעו מוסר וחכמו ואל תפרעו׃ |
34 Waxaa barakaysan ninka i maqla, Oo maalin kasta irdahayga igu dhawra, Oo albaabbadayda igu suga.
| אשרי אדם שמע לי לשקד על דלתתי יום יום לשמר מזוזת פתחי׃ |
35 Waayo, ku alla kii i helaa wuxuu helaa nolol, Oo Rabbiguna raalli buu ka ahaan doonaa.
| כי מצאי מצאי חיים ויפק רצון מיהוה׃ |
36 Laakiinse kii igu dembaabaa naftiisuu wax yeelaa, Kuwa aniga i neceb oo dhammu waxay jecel yihiin dhimasho.
| וחטאי חמס נפשו כל משנאי אהבו מות׃ |
