Mapisarema 69

1 Kumutungamiri wokuimba namaimbirwo a“Maruva eMahapa.” Pisarema raDhavhidhi. Ndiponesei, imi Mwari, nokuti mvura zhinji yakwira kusvikira pamutsipa wangu.

Save me, O God, for the waters have come in to my soul.

2 Ndinonyura munhope yakadzika, pasina pangatsika makumbo angu. Ndapinda mumvura yakadzika; ndafukidzwa namafashamu.

I sink in deep mire where there is no standing. I have come into deep waters, where the floods overflow me.

3 Ndaneta nokuridza mhere yokuti ndibatsirwe; huro dzangu dzaoma, meso angu aneta nokumirira Mwari wangu.

I am weary with my crying. My throat is dried. My eyes fail while I wait for my God.

4 Vanondivenga ndisina mhosva vakawanda kupfuura bvudzi romusoro wangu; vanondivenga ndisina mhosva vazhinji, avo vanotsvaka kundiparadza. Ndinomanikidzwa kudzosera zvandisina kuba.

Those who hate me without a cause are more than the hairs of my head. Those who would cut me off, being my enemies wrongfully, are mighty. That which I took not away I have to restore.

5 Munoziva upenzi hwangu, imi Mwari; mhaka yangu haina kuvanzika kwamuri.

O God, thou know my foolishness, and my sins are not hid from thee.

6 Vaya vane tariro mamuri ngavarege kunyadziswa nokuda kwangu, haiwa Ishe, Jehovha Wamasimba Ose; vanokutsvakai ngavarege kunyadziswa nokuda kwangu, haiwa Mwari waIsraeri.

Let not those who wait for thee be put to shame through me, O lord Jehovah of hosts. Let not those who seek thee be brought to dishonor through me, O God of Israel.

7 Nokuti ndinotsunga kusekwa hangu nokuda kwenyu, uye nyadzi dzafukidza chiso changu.

Because for thy sake I have borne reproach, shame has covered my face.

8 Ndiri mutorwa kuhama dzangu, nomweni kuvanakomana vamai vangu;

I have become a stranger to my brothers, and an alien to my mother's sons.

9 nokuti kushingairira imba yenyu kwandipedza, uye kutuka kwaavo vanokutukai kunowira pamusoro pangu.

For the zeal of thy house has eaten me up, and the reproaches of those who reproach thee have fallen upon me.

10 Pandinochema uye ndichitsanya, ndinofanira kushinga pakusekwa;

When I wept in my soul with fasting, that was to my reproach.

11 pandinofuka nguo dzamasaga, vanhu vanondiita shumo.

When I made sackcloth my clothing, I became a byword to them.

12 Vaya vanogara pasuo vanondiseka, uye ndiri rwiyo rwezvidhakwa.

Those who sit in the gate talk of me, and I am the song of the drunkards.

13 Asi ndinonyengetera kwamuri, imi Mwari, panguva inokufadzai; murudo rwenyu rukuru, imi Mwari, ndipindurei noruponeso rwenyu rwechokwadi.

But as for me, my prayer is to thee, O Jehovah. In an acceptable time, O God, in the abundance of thy loving kindness, answer me in the truth of thy salvation.

14 Ndinunurei mumatope, musandirega ndichinyura; ndirwirei kuna vanondivenga, napamvura zhinji yakadzika.

Deliver me out of the mire, and let me not sink. Let me be delivered from those who hate me, and out of the deep waters.

15 Musatendera mvura yamafashamu kuti indifukidze, kana kwakadzika kuti kundimedze kana kuti gomba rizarure muromo waro pamusoro pangu.

Let not the water flood overwhelm me, nor let the deep swallow me up. And let not the pit shut its mouth upon me.

16 Ndipindurei, imi Jehovha, zvichibva pakunaka kworudo rwenyu; dzokerai henyu kwandiri nokuda kwetsitsi dzenyu huru.

Answer me, O Jehovah, for thy loving kindness is good. According to the multitude of thy tender mercies turn thou to me,

17 Regai kuvanzira muranda wenyu chiso chenyu; ndipindurei nokukurumidza, nokuti ndava mudambudziko.

and hide not thy face from thy servant, for I am in distress. Answer me speedily.

18 Swederai pedyo mundinunure; ndidzikinurei nokuda kwavavengi vangu.

Draw near to my soul, and redeem it. Ransom me because of my enemies.

19 Munoziva kusekwa kwangu, kunyadziswa nokusakudzwa kwangu; vavengi vangu vose vari pamberi penyu.

Thou know my reproach, and my shame, and my dishonor. My adversaries are all before thee.

20 Kusekwa kwaputsa mwoyo wangu, uye kwandisiya ndisisina chingandibatsira; Ndakatsvaka vangandinzwira ngoni, asi ndakavashaya, vangandinyaradza, asi ndakavashayazve.

Reproach has broken my heart, and I am full of heaviness. And I looked for some to take pity, but there was none, and for comforters, but I found none.

21 Vakaisa nduru mune zvokudya zvangu, uye vakandipa vhiniga pandaiva nenyota.

They also gave me gall for my food, and in my thirst they gave me vinegar to drink.

22 Tafura yagadzirwa pamberi pavo ngaive musungo; ngaive shamhu yokuranga neriva.

Let their table before them become a snare, and when they are in peace, a trap, and for a stumbling block, and for a retribution to them.

23 Meso avo ngaapofumadzwe kuti varege kuona, uye misana yavo iminame nokusingaperi.

Let their eyes be darkened, so that they cannot see, and bow down their back continually.

24 Dururirai hasha dzenyu pamusoro pavo; kutsamwa kwenyu kunotyisa ngakuvakurire.

Pour out thine indignation upon them, and let the fierceness of thine anger overtake them.

25 Nzvimbo yavo ngaisiyiwe; ngaparege kuva nomunhu anogara mumatende avo.

Let their habitation be desolate. Let none dwell in their tents.

26 Nokuti vanotambudza vaya vamakarova, uye vanotaura pamusoro pokurwadziwa kwavakakuvadzwa nemi.

For they persecute him whom thou have smitten, and they tell of the sorrow of those whom thou have wounded.

27 Vapei mhosva pamusoro pemhosva; ngavarege kuva nomugove woruponeso rwenyu.

Add iniquity to their iniquity, and let them not come into thy righteousness.

28 Ngavadzimwe mubhuku roupenyu, uye varege kuverengwa pamwe chete navakarurama.

Let them be blotted out of the book of life, and not be written with the righteous.

29 Ndiri pakurwadziwa nenhamo; ruponeso rwenyu imi Mwari, ngarundidzivirire.

But I am poor and sorrowful. Let thy salvation, O God, set me up on high.

30 Ndicharumbidza zita raMwari norwiyo, uye ndichamukudza nokuvonga.

I will praise the name of God with a song, and will magnify him with thanksgiving,

31 Izvi zvichafadza Jehovha kukunda nzombe, kupfuura hando nenyanga dzayo, namahwanda ayo.

and it will please Jehovah better than an ox, or a bullock that has horns and hoofs.

32 Varombo vachazviona uye vachafara, imi vanotsvaka Mwari, mwoyo yenyu ngairarame!

The meek have seen it, and are glad. Ye who seek after God, let your heart live.

33 Jehovha anonzwa vanoshayiwa uye haashori vanhu vake vakatapwa.

For Jehovah hears the needy, and does not despise his prisoners.

34 Denga nenyika ngazvimurumbidze, makungwa nezvose zvinofamba, imomo,

Let heaven and earth praise him, the seas, and everything that moves therein.

35 nokuti Mwari achaponesa Zioni agovakazve maguta aJudha. Ipapo vanhu vachagarako, vagoritora;

For God will save Zion, and build the cities of Judah. And they shall abide there, and have it in possession.

36 Vana vavaranda vake vacharipiwa senhaka, uye avo vanoda zita rake vachagara ikoko.

The seed also of his servants shall inherit it, and those who love his name shall dwell therein.