Mapisarema 58

1 Kumutungamiri wokuimba namaimbiro okuti, “Musaparadza.” Pisarema raDhavhidhi. Rwiyo rweMikitami. Ko, imi vatongi munotaura mukururama here? Munotonga pakati pavanhu nokururamisira here?

To the chief Musician. 'Destroy not.' Of David. Michtam. Is righteousness indeed silent? Do ye speak it? Do ye judge with equity, ye sons of men?

2 Kwete, munofunga kusaruramisira mumwoyo menyu, uye maoko enyu anomanikidza panyika.

Yea, in heart ye work wickedness; ye weigh out the violence of your hands in the earth.

3 Kunyange kubvira pakuberekwa, vakaipa vanofamba mukutsauka; kubva mudumbu ramai, vakaipa uye vanoreva nhema.

The wicked go astray from the womb; they err as soon as they are born, speaking lies.

4 Uturu hwavo hwakaita souturu hwenyoka, vakafanana nemhakure yadzivira nzeve dzayo,

Their poison is like the poison of a serpent: [they are] like the deaf adder which stoppeth her ear;

5 isingateereri maimbiro enʼanga kunyange zvazvo achiimba nouchenjeri hukuru.

Which doth not hearken to the voice of enchanters, of one charming ever so wisely.

6 Vhunai mazino mumiromo yavo, imi Mwari; bvisai, imi Jehovha, mazino marefu eshumba!

O God, break their teeth in their mouth; break out the great teeth of the young lions, O Jehovah.

7 Ngavatsakatike semvura yapera kuerera; pavanowembura uta, miseve yavo ngaigomare.

Let them melt away as waters that flow off; when he aimeth his arrows, let them be as blunted:

8 Vafanane nehozhwa inonyakatika painofamba, kufanana negavamwedzi, ngavarege kuona zuva.

Let them be as a snail that melteth as it passeth away; [like] the untimely birth of a woman, let them not see the sun.

9 Hari dzenyu dzisati dzanzwa kupisa kweminzwa pamoto, ingava minyoro kana yakaoma, vakaipa vachakukurwa.

Before your pots feel the thorns, green or burning, — they shall be whirled away.

10 Vakarurama vachafara pavachatsivirwa, pavachashambidza tsoka dzavo muropa ravakaipa.

The righteous shall rejoice when he seeth the vengeance; he shall wash his footsteps in the blood of the wicked:

11 Ipapo vanhu vachati, “Zvirokwazvo vakarurama vachiri kungowana mubayiro; zvirokwazvo Mwari ariko anotonga nyika.”

And men shall say, Verily there is fruit for the righteous; verily there is a God that judgeth in the earth.