Mapisarema 46

1 Kumutungamiri wokuimba waVanakomana vaKora. Namaimbirwo earamoti. Rwiyo. Mwari ndiye utiziro hwedu nesimba redu, ndiye mubatsiri anogara aripo panguva yokutambudzika.

God is our refuge and strength, a very present help in trouble.

2 Naizvozvo hatizotyi, kunyange nyika ikashanduka, uye makomo akawira mukatikati megungwa,

Therefore we will not fear, though the earth changes, and though the mountains are shaken into the heart of the seas,

3 kunyange mvura yaro ikatinhira uye ikapupuma furo, uye makomo akadengenyeswa namafungu aro. Sera

though the waters of it roar and are troubled, though the mountains tremble with the swelling of it. (Selah)

4 Pane rwizi rwuripo rune hova dzinofadza guta raMwari, nzvimbo tsvene yeWokumusoro-soro.

There is a river, the streams of which make the city of God glad, the holy place of the tabernacles of the Most High.

5 Mwari ari mukati maro, haringawiri pasi; Mwari acharibatsira panguva yemambakwedza.

God is in the midst of her. She shall not be moved. God will help her, and that right early.

6 Ndudzi dzinoita bope, umambo hunoondomoka; anotaura nenzwi guru, nyika yonyongodeka.

The nations raged, the kingdoms were moved, he uttered his voice, the earth melted.

7 Jehovha Wamasimba Ose anesu; Mwari waJakobho ndiye nhare yedu. Sera

Jehovah of hosts is with us. The God of Jacob is our refuge. (Selah)

8 Uyai muone mabasa aJehovha, kuparadza kwaakaita panyika.

Come, behold the works of Jehovah, what desolations he has made in the earth.

9 Anoita kuti hondo dzigume kusvikira kumagumo enyika; anovhuna uta uye anovhuna-vhuna mapfumo, anopisa nhoo nomoto.

He makes wars to cease to the end of the earth. He breaks the bow, and cuts the spear in two. He burns the chariots in the fire.

10 “Mirai, muzive kuti ndini Mwari; ndichakudzwa pakati pendudzi, ndichasimudzirwa panyika.”

Be still, and know that I am God. I will be exalted among the nations. I will be exalted in the earth.

11 Jehovha Wamasimba Ose anesu; Mwari waJakobho ndiye nhare yedu. Sera

Jehovah of hosts is with us. The God of Jacob is our refuge. (Selah)